Sot rreth orës 14:00 një veturë golf IV është rrotulluar në afërsi të Qendrës së Kompetencës në Malishevë.
Malisheva Press nga burime të saj raporton se ngasësit nuk i kanë punuar frerët dhe si pasojë ai ka humbur kontrollin mbi automjet duke u rrotulluar poshtë rrugës. Në makinë ishin katër të rinjë të cilët fatmirësisht kanë shpëtuar pa lëndime serioze, dhe pas një kontrolle në QKMF ata janë liruar për në shtëpi. /MalishevaPress
Shkrimtari i njohur shqiptar Jeton Kelmendi, është pranuar anëtarë i rregullt i Akademoisë së Shkencave dhe Arteve të Evropës. Në një ceremony të mbajtur me datën 5 mars, në Salsburg të Austrisë, u bë ndarja e diplomave të anëtarëve të rinjë të kësaj akademie, e cila është një nga institucionet prestigjoze akademike në Evropë.
Kelmendi, ka marrë pjesë në ceremoninë solemne të anëtarësimit si anëtar i rregullt i kësaj akademie, në të cilin institucion ka dhjetra fitues të çmimit Nobel. Fokusi kryesor i kësaj akademie janë shëndeti, dialogu, dhe toleranca.
Akademia Evropiane e Shkencave dhe e Arteve është themeluar në vitin 1985 në Salzburgu dhe njëra ndër objektivat e saj mbetet promovimi i dialogut ndërkombëtar për të mirën e atyre që jetojnë dhe punojnë në Evropë. Sivjet, temë e tribunes shkencore ishte “Next Europe” (Evropa tjetër).
Jeton Kelmendi është shkrimtari i dytë shqiptar, pas Ismail Kadaresë, më i përkthyeri dhe lauerat i dhjetra çmimeve ndërkombëtare. Ai poashtu është anëtar i Akademisë së Shkencave dhe Studimeve të Larta të Ukrainës, anëtarë i Akademisë së shkencave dhe arteve të Evropës me seli në Monte Karlo, si dhe anëtarë i shumë institcioneve prestigjoze ndërkombëtare akademike e kulturore.
Faik MIFTARI
Sikurse shkrova në kolumnen kohë më parë, lidhur me zgjedhjet e mbajtura në nivel lokal në kuadër të Bashkësisë Islame në Kosovë, me ç’rast në kuvendin zgjedhor të mbajtur në Prizren me 20 shkurt 2016 u zgjodhën 10 anëtar të rinjë, edhe në mandatin e tretë me radhë të Këshillit të Bashkësisë Islame, që të gjithë hoxhallarë, dhe jo vetëm 2/3 , siç parashihej me Kushtetutën e re të vitit 2013 dherregulloren e Komisionit zgjedhor p, por 100% hoxhallarë. Kohë më parë saktësishtë me datë 03.03.2016 Kryesia e Bashkësisë Islame të Kosovës me vendimin nr. 359/16 ka verifikuar mandatin e 10 anëtarëve të zgjedhur në kuvendin zgjedhor të mbajtur kohë më parë si dhe ka bërë plotësimin e Këshillit edhe me kryeimamin e Këshillit sipas pozitës që e ka, si dhe me dy anëtar të rinjë të emëruar, një nga komuniteti boshnjak dhe një nga komuniteti turk,poashtu të dytë imam, ashtu që tani Këshilli i ri i Bashkësisë së Hoxhallarëve të Prizrenit përbëhet prej 13 hoxhallarëve, dhe u bë tërësisht klerikal që është në kundërshtim me nenin 16 të Kushtetutës së Bashkësisë Islame të Kosovës: ”Pjesëtarët e Bashkësisë Islame janë besimtarë të fesë Islame.Pjesëtarët e fesë Islame kanë të drejtë:të zgjedhin organet e Bashkësisë Islame dhe të zgjidhen në to;.” Në vend se sado pak që ta përmirësojë gabimin që bëri Kuvendi zgjedhor i cili i zgjodhi kohë më parë 10 anëtar të Këshillit të ri, të gjithë hoxhallarë, dhe të plotësojë bile me emërimin e dy delegatëve nga xhemati, ashtu që sado pak të jetë prezent direkt në Këshill edhe pjesëmarrja e xhematit, kjo jo vetëm që nuk u morr parasysh, por edhe u anashkalua, me të vetmin qëllimpër të plotësuar Këshillin me emërimin e anëtarëve të imamëve nga komunitetet, me të cilin edhe Kryesia e Bashkësisë Islame me vetëdije të plotë i përjashtoi delegatët nga xhemati që të jenë pjesë e Këshillit të Bashkësisë Islame të Prizrenit dhe shkeli nenin 16 të Kushtetutës duke e ndihmuar dhe e përforcuar Këshillin e Bashkësisë së Hoxhallarëve me dy imam të plotësuar nga ana e saj.
Edhe pse në Kushtetutën e Bashkësisë Islame të Kosovës(flas gjitmonë sipas Kushtetutës së vitit 2002, teksti i spastruar, e cila si e tillë akoma qëndron në portalin e Bashkësisë Islame të Kosovës, ndërsa Kushtetuta e plotësuar dhe e ndryshuar e vitit 2013 akoma nuk është publikuar për opinonin e gjerë publik dhe si e tillë është e njohur vetëm për rrethin e ngushtë brenda Bashkësisë Islame të Kosovës), një numër i caktuar duhet të jenë imam(hoxhallarë), por nuk ceket se cilit komunitet duhet të takojnë, konform nenit 39: ”së paku 1/2 e anëtarëve duhet të jenë imam”, tani e ndryshuar me Kushtetutën e re ”së paku 2/3 e anëtarëve duhet të jenë imam”.Sa për ilustrim të ceki se në mandatin e kaluar tre hoxhallarë kanë qenë të zgjedhur nga komuniteti boshnjak dhe një nga komuniteti turk, edhe pse hoxha i zgjedhur nga komuniteti turk pas 6 muaj u shpërngul në Turqi, kryetari i atëhershëm, tani ish kryetar, Lutfi Ballëku nuk e pa të udhës që të zëvendësojë me kandidatin e radhës, plotë tre vjet e gjysmë, me të cilin bëri shkeljen enenit 46 të Kushtetutës së Bashkësisë Islame të Kosovës:“ Kryesia do të ndërmarrë masa të menjëhershme për emërimin e anëtarëve të rinj me përparësi në listën e kandidatëve të zgjedhurpër anëtarë të Këshillit”. Kjo shkelje e bërë nga ish kryetari Lutfi Ballëku në vend se t’i tërhiqet vëmendja me kohë, dhe të veprojë konform Kushtetutës e në rast të mos ndëgjimit edhe të sanksionohet, për gjatë plot tre viteve u tolerua me apo pa qëllim nga Kryesia e Bashkësisë Islame të Kosovë e cila ka pas për obligim të reagojë dhe të ndërmerr masa konform nenit të lartëcekur.
Kryesia e Bashkësisë Islame konform nenit 39 të Kushtetutës së Bashkësisë Islame të Kosovës:”Punën e Këshillit e udhëheq kryetari, të cilin e zgjedh Kryesia e Bashkësisë Islame nga radha e anëtarëve të zgjedhur të Këshillit”, nga radhët e 13 hoxhallarëve të zgjedhur dhe të plotësuar zgjodhi Besim Berishën për kryetar të ri të Këshillit të Bashkësisë së Hoxhallarëve për mandatin e ardhshëm katëvjeçar 2016-2020. Edhe pse kryetari i gjertanishëm Lutfi Ballëku i cili ka lobuar me të madhe dhe si i tillë ka qenë më i votuari prej të gjithë hoxhallarëve të zgjedhur , ka fituar plot 141 vota, dhe ka qenë shumë i interesuar edhe për mandatin e tretë për postin e kryetarit, pasi që ishte në dy mandatetparaprake kryetar, me siguri përveç tjerash ka pas dëshirë për të arritur kryeimamin aktual Ali Vezaj i cili ishte plot tri mandate e kryetar i Këshillit, apo edhe për t’u barazuar me tre mandate të myftiut aktual të Kosovës, Naim Tërnavës, por nuk ia arriti qëllimin pasi që Kryesia e emëroi Besim Berishën për kryetar të ri. Por edhe këtu kemi një non sens të llojit të vet të Kushtetutës të Bashkësisë Islame të Kosovës, pasi që do të ishte normale dhe demokratike që vetë Këshilli i zgjedhur të zgjedh nga mesi i vet Kryetarin, e jo ta emëroj kryetarin Kryesia e Bashkësisë Islame të Kosovë nga lista e anëtarëve të zgjedhur.
Sa i përket kryetarit të ri të posaemëruar, Besim Berisha, fale Zot atë, është i ri, pa përvojë, por që ka sjellje ad hock, veprime përjashtuese, urdhëra centraliste e mendime moniste, e këtovese të ulta si të tilla duhet të largojë, në rast se do që të të ushtrojë me sukses funksionin e krytarit të Këshillit të Bashkësisë së Hoxhallarëve të Prizrenit. Ai para se të zgjidhej kryetar, para Kuvendit dhe gjatë Kuvendit të mbajtur u tregua përjashtues ndaj delegatit të xhematit vetëm për shkakun që ia kërkoi votën, jo vetëm që ia mohoi të drejtën pjesëtarit të xhematit të lobojë nëpërmjet rrjeteve sociale, por sipas tij s’ka drejtëtëjetë pjesë e instituconit, bile ia ndaloi lirinë e të shprehurit të të folurit,duke ia parapërcaktuar se mund të flitet me të për çështjet tjera, por asesi për çështjen e institucionit të Këshillit të Bashkësisë Islame.
Edhe pse vet ishte prezent dhe pjesëmarrës i kuvendit zgjedhor në të cilin për të qenë pjesë apo anëtar të institucionit kanë pasë drejt garimi 82 delegat hoxhallar dhe 164 delegat të xhematit, por kjo nuk e pengoi atë që ad hock të jetë përjashtues ndaj të drejtës së xhematit të jetë pjesë i barabartë i institucionit. Ai atë paraprakisht që e ka menduar tani edhe në vepër e ka të realizuar, pasi që sipas tij pjesë të institucionit dhe për të folur për institucionin kanë të drejtë vetëm hoxhallarët e asesesi edhe xhemati, dhe për këtë mendim të tij kryekëput klerikal me apo pa vetëdije u shpërblye nga Kryesia e Bashkësisë Islame me emërimin e tij kryetar i cili tani do të udhëheq Këshillin e Bashkësisë së Hoxhallarëve, e jo Këshillin e Bashkësisë Islame.
Në fund të kësaj kolumne, do të bëjë një apel, aman pas katër vitesh kur do të mbahen zgjedhjet nënivelin lokal të Bashkësisë Islame të Kosovës,na kurseni bile e mos na thirrni fare të jemi pjesë vetëm e “dekorit të demokracisë” dhe “makinerisë së votimit” për të ndihmuar njërinapo tjetrin tabor, taraf, klan të hoxhallarëve për të realizuar dëshirat e tyre për t’u zgjedhur, pasi që zgjedhja e anëtarit të Këshillit ia mundëson edhe gjasat eventuale për emërimin në pozitën e Kryetarit nga ana e Kryesisë. Mjafton të thirrni në Kuvendin zgjedhor vetëm 82hoxhallarë aktual, dhe nëmes vete le të zgjedhin Këshilin dhe pastaj Kryesi do ta emërojë edhe Kryetarin e Bashkësisë së Hoxhallarëve të Prizrenit.
Disa ditë pasi ka marrë drejtimin e Partisë Demokratike të Kosovës, Kadri Veseli ka nisur takimet në cilësinë e udhëheqësit të kësaj partie më kryetarin e LDK-së Isa Mustafa, për plotësimin e vendeve të cilat i ka lënë vakant presidenti në ardhje, Hashim Thaçi.
Bajram Gecaj, këshilltar i kryeministrit Mustafa, ka konfirmuar për Tribuna Channel se ka pasur kontakte mes Veselit dhe Mustafës si partner të koalicionit.
Nga Islam Krasniqi
Rrugëtimi i popullit shqiptarë nderë shekuj tregon së lira nuk ka çmim, vepra e Familjes Jashari për liri dhe pavarësi ishte simbol i qëndresës së popullit shqiptar, të cilët me 5, 6 dhe 7 Mars e ujiten tokën me gjak lirie, bardhësisë së dëborës ja ndërruan ngjyrën, e skuqën dëborën dhe e shndërruan në ngjyrë të flamurit që shqiponja të valëvisë në qiellin e Shqipërisëse lirë dhe krenare.
18 vjet me parë Komandanti i Ushtrisë Çlirimtare të Kosovës Adem Jashari së bashku me familjen e tij e shijuan pavdekësinë, u bën gur themel i pavarësisë së Kosovës që edhe ky popull i vuajtur të jetë i lirë dhe i pavarur.
Bac Shabani hapi derën për çlirimtarët që të strehohen dhe kalitën për liri, ishtemësues shumë i devotshëm ku i trajnojnë luftëtaret e Lirisë dhe i mësoj që jeta është e shenjt dhe me së paku që jepet për Komb dhe Atdhe, dhe asnjëherë nuk bën të kursehet për lirin një populli të vuajtur shekullor.
Ishtemësues dhe ushtarak që luftëtarëve të vetë ju tha së kthimin prapa s’ka deri në fitore. Nuk bën të harrojmë edhe Hamzen i cili me gjoksin e ti ndali gjylen e topit si Mic Sokoli, i cili tha së këtu jemi dem baba dem dhe këto janë shtëpitë tona, tokat tona e nuk do të largohem për asnjë qastë nga pragu i shtëpisë, sepse kjo tok ështëiliro Pellazgo e që pasardhës të tyre jemi ne, dhe ashtu doli, sepse burri i rrin prapa fjalës.
Ademi Jashari me Gjakun vetë dhe të familjes së tij e shkruajtihistorinë, libër që do të ushqehen brezat me radhës, që do të vinë pas nesh.Prekazi u be vend i shenjt, pikqendra e lavdishëm, ku populli i kujton me krenari që pati asi trima Shqipëria Prekazigjithmonë ka qenë vend i ndryshimeve historike, sepse toka rrit vetëm burra të kohës, si Tahir Meha, Ahmet delia, të cilët nuk ndalen kurrë për çështjekombëtare.
Kulla e jasharve do mbetët gjithmonëdritë për kombin shqiptar, sepse aty ndryshojë historia, ku me gjakun e bijëve dhe bijave të tyre u shkrua një histori e re dhe e lavdishme.
Lavdi jetës dhe veprës së Komandantit Legjendar Adem Jasharit ,dhe gjithë familjes të Jasharve, koha do ti mbaj të freskët gjithmonë, ata ishin dhuratë e Zotit që Ai i mori për të mos vdekur kurrë.
Të tjerët çka do që flasin për ta, s’mund të humbin vlerën e tyre, se ata janë një dete i terpër ne, e ne një pik ujë.
Bac amaneti yt nuk u qua në vend, por gjaku yt do i vras ata që të tradhtuan porosinë tende të fundit, duke vrapuar pas bizneseve e punëve te ndyta, duke vrapuar pas karrigeve, por ti fli i qetë së e ke dhen provimin.
Lavdi Prekazit Heroik, Lavdi dëshmoreve të kombit, nderime përjetë familjes Jashari, bijve dhe bijave të tyre dhe gjithëdëshmorëve të kombit.
Lideri i NISMA për Kosovën, Fatmir Limaj, në dy vjetorin e themelimit të partisë së tij ka kujtuar 18 vjetorin e Epopës së UÇK-së.
Limaj më pas pati një porosi për qytetarët.
“Mos lejoni të hutoheni nga çdo fjalë që përflitet sepse kjo do të i’u kushtojë shumë”, tha Limaj, njofton Klan Kosova.
Sipas tij, ëndrra për një shtet është duke u tradhtuar dhe po vihet në rrezik.
Limaj tregoi arysjet pse u themelua partia NISMA për Kosovën.
“Projekti NISMA erdhi si projekt që në epiqendër të saj kishte vlerat që rrezikosheshi, ku në Kosovë kishin filluar të bëhen pazare me parime”, tha tutje Limaj.
Sipas tij Kosova më nuk është ajo e para dy viteve.
“Kosovë më nuk është si ajo e 2013-ës. Atëherë ishte në gjumë, tani nuk është”, tha ai, duke shtuar se askush prej pushtetit nuk ka pritur se partitë opozitare do të themelojnë një opozitë kaq të bashkuar.
Ai ka thënë se zgjedhjet e ardhshme janë shumë afër.
“Ky regjim duhet të shkojë për shkak të mënyrës së qeverisjes. PDK e LDK janë duke u përgatitur për zgjedhje. Ata vetë duke e përmendur 2018-ën si vit zgjedhor tregojnë se do të ketë zgjedhje shumë shpejt”, theksoi Limaj.
Limaj ka thënë se nuk është kundër dialogut, por për dialog ka një kusht.
“Ne duam dialog që të mos dëmtohet vendi ynë”.
Ai ka thënë se NISMA prej kur është themeluar në vitin 2013, ka pasur oferta nga pushteti.
“NISMA gjatë dy viteve është përballë me joshje e shantazhe nga regjimi, por ata nuk ia kanë arritur. Ne besojmë fort se koha e mashtrimit po përfundon dhe që tani është koha e parimeve”, theksoi Limaj.
Fatmir Limaj ka thënë se ky pushtet duhet të largohet sa më parë.
Ai ka përmendur fluksin e qytetarëve kosovarë të cilët vitin e kaluar rrezikuan jetën për të migruan në ndonjë shtet evropian, njofton Klan Kosova.
“Ku është shteti që i lejon qytetarët të mbyten në lumenjtë e Serbisë duke migruar”.
Limaj ka thënë se një ëndërr u realizua, ajo për çlirimin e Kosovës mirëpo tani duhet të punojmë për ta realizuar ëndrrën për shtet.
“Faleminderit Zotit që ëndrra u realizua falë UÇK-së, Jasharajve dhe ndërkombëtarëve. Neva na takon ta realizojmë ëndrrën për themelimin e shtetit të Kosovës”, theksoi Limaj.
Ka kaluar më shumë se një muaj nga krimi i trefishtë i pagëzuar si “masakra e Elbasanit” dhe ende nuk ka asnjë person të dyshuar.
Burime pranë prokurorisë së qytetit kanë pohuar për Top Median se, pavarësisht veprimeve të shumta hetimore që janë kryer, ende nuk ka asgjë konkrete sa i takon identifikimit të autorëve të kësaj masakre dhe aq më pak porositësve apo motiveve.
Të njëjtat burime janë shprehur se është ngritur një grup i posaçëm hetimi me tre prokurorë dhe katër oficerë të policisë gjyqësore, të cilët raportojnë çdo javë tek drejtuesi i Prokurorisë së Elbasanit.
Edhe pse në këtë ngjarje mbetën të vrarë 3 persona dhe u plagosën 8 të tjerë, askush nga këta të fundit apo dhe familjarët e viktimave nuk kanë treguar fakte që mund të ndihmojnë në zbardhjen e këtij krimi.
Nga ana tjetër, autorët e masakrës kanë qenë shumë të kujdesshëm që të lënë për policinë vetëm armët pa shenja gishtash dhe të zhduken së bashku me mjetet e tyre.
Ministri i Jashtëm i Kroacisë, Miro Kovaq, ka thënë se Serbia nuk po i përmbush obligimet për sigurimin e një vendi në Parlament të një përfaqësuesi të këtij minoriteti.
Kovaq, gjithashtu vlerëson se Kroacia këtë marrëveshje e respekton dhe se në Kuvendin e Kroacisë janë përfaqësues të tri minoriteteve.
“Mendoj se është korrekte”, ka thënë Kovaq, raportojnë mediat kroate.
Ai ka shtuar se Kroacia do të insistojë në përmbushjen e këtij obligimi në frymë miqësore, përderisa kjo çështje, siç ka thënë, të realizohet.
Kovaq ka bërë të ditur se për këtë çështje ka biseduar edhe me ministrin e jashtëm serb, Ivica Daçiq.
“I kam thënë edhe Daçiqit se një hap i tillë duhet të bëhet, pasi që bëhet fjalë për një marrëveshje ndërshtetërore. Gjithashtu këtë e parasheh edhe Kushtetuta e Serbisë, që është si një shenjë për krijimin e raporteve miqësore me Kroacinë”, ka thënë Kovaq.
Edhe pse e shtuna është ditë vikendi dhe të gjithë vendosin që të kalojnë kohën me ata që i duan, Biblioteka Kombëtare e Kosovës ishte e mbushur me dashamirë të librit dhe të autorit i cili sot promovoi librin e tij “Dashuri në Kosovë”, Artan Mullaj.
Shkrimtari dhe publicisti Mullaj ka sjellë një libër mjaft intrigues, ku bëhet fjalë për dashurinë mes dy të rinjve, djalit nga Kosova dhe vajzës nga Serbia. Ky roman sipas të pranishmëve u quajt i veçantë në secilën faqe të tij.
“Autori zgjedh një formë tejet emocionuese për të shtruar rrëfimin në këtë roman. Përshkrimet e ndjesive emocionale, vijimet e mendimet të shtresuara prej vitesh, tensioni shpirtëror që e përjetojnë personazhet, konkretisht personazhi kryesor, fabula e shtjelluar që na sjellë transformimin e karaktereve, e shumë të tjera janë të përshkruara në stilin mozaik, duke rrëfyer dhe mbajtur gjallë enigmën. Një stil shkrimi dhe rrëfimi që ndërthuren mes vete me elemente lirike dhe meditative, i bënë bashkë të gjitha të thënat bile edhe të pathënat”, tha ndër të tjera recensentja e librit Migena Arllati, e cila theksoi se romani ka formën e një letre të gjatë ku përfshihet rrëfimi personal i një mikeje ndaj tjetrës, ku sipas saj, e bënë romanin të veçantë e aq ndjellës ndaj secilës faqe.
Poashtu në këtë promovim, kishte edhe komente nga të pranishmit, e padyshim që komente pozitive. Ndërsa për vetë autorin, ishte kënaqësi e veçantë që po prezanton librin e tij në Kosovë.
“Kjo vepër nuk është shkruar rastësisht, por ideja ka lind në një vizitë që isha në Frankfurt ku rastësisht kam njohur një vajzë kosovare e cila jetonte atje por që kishte përjetuar dramën e luftës së Kosovës”, pohoi Mullaj.
Libri “Dashuri në Kosovë”, së shpejti pritet të përkthehet edhe në gjuhën angleze, ku kështu për këtë rrëfim rrëqethës do të mund të lexojnë edhe njerëzit jashtë kufijve shqipfolës. /KultPlus.com/
Çka e karakterizoi Rahovecin në dy vitet e qeverisjes nga Idriz Vehapi i PDK-së?
Idriz Vehapi ka përfunduar vitin e dytë në krye të Rahovecit, në këtë komunë ku pjesa dërmuese e popullsisë merren me bujqësi.
Ai ka ardhur në krye të komunës në zgjedhjet për kryetar të komunës të vitit 2013 duke e mundur ish- kryetarin Smajl Latifi të AAK-së.
Vehapi kishte premtuar investime më së shumti në bujqësi. Premtimi që mbahet mend më së shumti ishte ai i bërë nga ish kryetari i partisë së tij, Hashim Thaçi, për investimin e 60 milionë eurove për katër vitet e mandatit. Për dy vjet, ky premtim nuk është realizuar as 10 për qind.
Kjo është komuna e Rahovecit, në disa fakte, nën drejtimin e Idriz Vehapit:
Kryetari Idriz Vehapi është në koalicion me LDK-në me të cilët bëjnë shumicën e asamblesë.
1. Komuna e Rahovecit është komuna që merret më së shumti me bujqësi.
2. Për t’i përmbushur kërkesat politike të koalicionit, Idriz Vehapi ndryshoi edhe statutin e komunës duke e shtuar një drejtori, atë për mbrojtje dhe shpëtim, të cilën e mori LDK-ja.
3. Idriz Vehapi fitoi zgjedhjet për kryetar të komunës me premtimin e Hashim Thaçit për 60 milionë euro investime në komunë. Tani Vehapi arsyetohet se 60 milionët nuk kanë ardhur shkaku që Thaçi më nuk është kryeministër, pavarësisht se ai dhe PDK kontrollojnë gjysmën e qeverisë qendrore. Deri më tani, vetëm 4.4 milionë euro janë investuar prej 60 milionëve të premtuar.
4. Deri në dorëheqjen e Drejtorit Komunal të Arsimit, Rahoveci nuk kishte asnjë drejtori që udhëhiqej nga femrat.
5. Kur dha dorëheqje Drejtori i Arsimit, më në fund u lëshua vendi që drejtor i një drejtorie të bëhet një femër. Vjollca Vuçiterna u caktua drejtoreshë e arsimit prej datës 11 mars 2015.
6. Drejtori i Arsimit dha dorëheqje me 5 mars 2015. Para se të dorëhiqej ai e punësoi vajzën e vëllait dhe vajzën e motrës si mësimdhënëse.
7. Më 23 shtator 2014, zyrtari komunal për pagesa Hasan Hoti arrestua nga policia pasi që dyshohet se për tri vjet rresht kishte paguar energjinë elektrike të dy banesave të veta me paratë e komunës.
8. Për ta ndaluar pirjen e duhanit, në komunë ishte hapur një zyrë e posaçme për pirjen e duhanit. Tani kjo zyrë më nuk ekziston.
9. Idriz Vehapi ka dhënë subvencione në kundërshtim me rregulloret e brendshme. Subvencionet mbi 2000 euro duhet të aprovohen në asamblenë komunale. Kryetari ia ka dhënë SH.K.A “Anadrinia” 3,500 euro pa e pyetur asamblenë.
10. Vajza e asamblistit të PDK-së, Rasmi Fazliu, është punësuar si zyrtare për protokoll në zyrën e kryetarit të komunës.
11. Beatrise Pista – Demiri, asambliste e PDK-së, po vepron në kundërshtim me ligjin pasi është në të njëjtën kohë edhe ushtruese e detyrës së drejtorit në shkollën “Mihal Grameno”, tani “Bekim Sylka”.
12. Palestra Sportive e nisur në vitin 2008 po njihet ndryshe edhe si “Kalaja e Rozafatit”, pasi që ende nuk ka përfunduar.
13. Asambleja e Komunës së Rahovecit gjatë thirrjes së seancës së jashtëzakonshme gjatë muajit shkurt ka shkelur ligjin për Vetëqeverisje Lokale. Thirrja e seancës me pikë të vetme të rendit të ditës dhe shtimi i dy pikave të reja në rend dite është shkelje ligjore të nenit 44.3 të LVL-së i cili se “pikat e caktuara në rendin e ditës për mbledhjet e jashtëzakonshme, nuk mund të ndryshohen gjatë mbledhjes”.
14. Inspektorati i Arsimit kishte gjetur një mal shkelje procedurale në konkurset e arsimit si pjesëmarrja në intervista e vetë drejtorit të Arsimit, mosnënshkrimi i procesverbaleve nga të gjithë anëtarët e komisionit, konkursi ka qenë i hapur 7 e jo 15 ditë si është i përcaktuar me udhëzim dhe nuk ishte bërë paralajmërim para skadimit të kontratës së mësimdhënësve.
15. Idriz Vehapi ka premtuar themelimin e zyrës për përkrahjen e bizneseve, që është obligim i Komisionit Evropian, por nuk e ka bërë ende këtë. Thotë se duhet të ndryshohet Statuti i komunës për ta themeluar një zyre të tillë. Përderisa themelimin e kësaj zyre e zhagit, nuk ishte vonuar aspak ndryshimi i statutit të komunës për ta kënaqur partnerin e koalicionit, LDK-në, kur e kishte ndryshuar statutin në fillim të mandatit për t’i bërë një drejtori shtesë partnerit në koalicion lokal, LDK-së. /Kallxo.com/