Policia e Kosovës bën të ditur se janë arrestuar tre të dyshuar meshkuj (të mitur) në Rahovec, pasi që të njëjtit pas një mosmarrëveshje familjare kanë pasur një konflikt verbal.

Sipas policisë, njëri prej tyre e ka përdorë një sprej ndaj dy të tjerëve me pretekst se të njëjtit kanë tentuar që ta sulmojnë, raporton PrizrenPress.

Në vendin e ngjarjes është gjetur dhe konfiskuar sprej që dyshohet se është përdorur në rast.

Me urdhër të prokurorit të dyshuarit dërgohen në mbajtje.  /PrizrenPress.com/

Deputeti i LDK-së, Hatim Baxhaku ka njoftuar përmes Facebookut, se nuk do të marrë pjesë në seancën e zgjedhjes së Parlamentit.

“Duke pasur një kërkesë enorme për një deklarim timin rreth zgjedhjes së Presidentit dua të ju njoftojë se do të respektojë vullnetin tuaj të shprehur gjithandej në takimet me ju por edhe bindjet e mia dhe sot nuk do të jem pjesë në seancën ku Hashim Thaçi dot ë votohet për president”, ka shkruar deputeti Baxhaku.

Pas një pune operativo-hetimore, Policia e Kosovës ka arritur të identifikoj dhe ka arrestuar të dyshuarin që ka plagosur një person në fshatin Xerxë të Rahovecit, raporton PrizrenPress.

Rasti për tentim vrasje kishte ndodhur më 23.02.2016 në ora 01:50, ku i dyshuari  ka qëlluar me armë zjarri viktimën.

Policia njofton se nga i dyshuari është konfiskuar një revole “Sig sauer” me një karikator me 6 fishek e cila dyshohet të jetë përdorur në rast.

Me urdhër  të prokurorit i dyshuari pas intervistimit dërgohet në mbajtje. /PrizrenPress.com/

Analistët vlerësojnë se, ndonëse Qeveria ka një armatë juristësh, ajo dështoi në marrëveshjet që rezultuan jokushtetuese, duke nxitur edhe një krizë të thellë politike në Kosovë

Derisa opozita dhe Qeveria po i thyejnë shtizat në betejën e tyre politike, njëra anë për të dëshmuar shkeljen kushtetuese që ka bërë Qeveria me marrëveshjen për Zajednicën dhe ana tjetër duke u vetëmbrojtur, ekspertët e fushës së legjislacionit dhe të Kushtetutës mbeten të habitur se si një Qeveri, e cila në përbërjen e vet ka emra që konsiderohen koka të ekspertizës juridike, tre ministria juristë, dy nga të cilët kanë marrë pjesë në hartimin e Kushtetutës, siç janë Arsim Bajrami e Hajredin Kuçi, bënë një rrëshqitje aq skandaloze dhe nënshkruan marrëveshje antikushtetuese.

Profesori i së Drejtës, Muhamet Kelmendi thotë se mbi këta njerëz, qoftë si ekspertë apo edhe të zgjedhur politikë, për shkeljen e Kushtetutës së konstatuar nga Gjykata Kushtetuese do të duhej të vepronte ligji, me dënimin meritor sipas Kodit Penal të Republikës së Kosovës.

“Kundruall gjendjes së krijuar, nuk mendoj se ata nuk janë pyetur. Madje, edhe vetë z. Arsim Bajrami, në deklarimin e tij në TV, e ka mbrojtur marrëveshjen e parimeve. Ai ka shkuar deri atje saqë të mos e vlerë- sojë si marrëveshje me rëndësi, të karakterit ndërkombëtar, edhe pse dihet se është e nënshkruar nga dy kryeministra dhe nga Unioni Evropian, duke e vlerësuar pa rëndësi juridike që nuk prodhon efekte”, tha ai. /Kosova Sot/

Kryetari i Partisë Demokratike të Kosovës, Hashim Thaçi, i ka të sigurta votat për t’u zgjedhur president i vendit. Përfaqësuesit e koalicionit qeverisës as që e vënë në dyshim çështjen e numrave, edhe pse drejtuesit e Listës Serbe ende nuk kanë dalë me qëndrim përfundimtar.

Pos të gjitha votave të PDK-së, Thaçi pritet t’i marrë edhe votat e Grupit Parlamentar “6+”. Nga LDK-ja mësohet se vetëm Vjosa Osmani dhe Adem Salihaj janë kundër zgjedhjes së Thaçit president. Në votimin e presidentin nuk do të marrin pjesë deputetët e opozitës si dhe deputeti, Gëzim Kelmendi, i cili është pa grup parlamentar. Tashmë është paralajmëruar se opozita do të bëjë përpjekje që ta pengojë mbajtjen e seancës dhe gjithashtu do të protestojë jashtë Kuvendit duke ftuar edhe qytetarët që të kundërshtojnë para Kuvendit zgjedhjen e Thaçit president.

Shefi i Grupit Parlamentar të Partisë Demokratike të Kosovës, Adem Grabovci, ka thënë se e premtja do jetë ditë feste në Kosovë, ndërsa është shprehur i bindur që shefi i tij, Hashim Thaçi, i ka të sigurta votat për president. /Zëri/

Kryetari i Partisë Demokratike të Kosovës, Hashim Thaçi, njëherit zëvendëskryeministër dhe ministër i Punëve të Jashtme do të tentojë të zgjidhet sot president i Kosovës.

Seanca e jashtëzakonshme për zgjedhjen e presidentit të ri të Kosovës është thirrur sot në ora 11:00.

Kjo zgjedhje e Thaçit po bëhet në kohë protestash opozitare të cilët po e shënojnë ditën e katërt në tenda në sheshet e Prishtinës në kundërshtim të Qeverisë dhe zgjedhjes se Thaçit president, madje opozitarët kanë thirrur një protestë për sot në ora 10:00, njofton Klan Kosova.

Përfaqësues të koalicionit janë shprehur se numrat për zgjedhjen e Thaçit nuk janë problem sepse tashmë ata janë siguruar.

Kundërshtime e urime e kanë cilësuar këtë kandidaturë – degët e PDK-së nga Skënderaj , Mitrovica, Prizreni kanë paralajmëruar ardhjen në Prishtinë për të festuar, por në orët e vona të natës vet kryetari i PDK-së Thaçi ka bërë thirrje që simpatizantët e tij të festojnë nëpër shtëpi.

Kuvendi për gjashtë muaj rresht është karakterizuar nga gazi lotsjellës dhe dhuna brenda saj – por sipas të gjitha gjasave askush nga deputetët opozitarë nuk do të merr pjesë në seancë.

Nëse zgjedhet, Thaçi do të jetë presidenti i pestë i Kosovës që nga paslufta.