Zyrtar të Policisë së Kosovës po negociojnë më qytetarët protestues që ta lirojnë rrugën dhë t’ua mundësojnë qytetarëve serbë që të kalojnë rrugës për të shkuar deri në Mushtisht.

Në të kundërtën policia thotë se duhet ta lirojë rrugën më dhunë.

Por policia u tha qytetarëve se në asnjë mënyrë nuk janë të interesuar ta përdorin dhunën ndaj tyre.

Megjithatë, qytetarët protestues thanë se janë tejet të vendosur që të mos ua mundësojnë kalimin, siç kanë thënë ata, kriminelëve serbë.

Policia e Kosovës është përplasur të dielën me një grup protestuesish shqiptarë në fshatin Mushtisht të Suharekës, që kanë bllokuar hyrjen në përpejkje të parandalimit të pjesëmarrjes së pjesëtarëve të komunitetit serb, të zhvendosur, në një festë lokale fetare.

Policia përdori gazin lotsjellës për të shpërndarë turmën dhe për shkak “të pengesës në kryerjen e detyrës zyrtare”, arrestoi një numër protestuesish.

“Të paktën 13 persona janë arrestuar nga Policia e Kosovës gjatë protestës së sotme në Mushtisht. Një zyrtar i policisë është lënduar në përpjekje të forcave të rendit për të vendosur situatën nën kontroll”, tha për Radion Evropa e Lirë, Daut Hoxha, zëdhënës në Policinë e Kosovës.

Serbët lokalë, që janë zhvendosur nga fshati Mushtisht që prej përfundimit të luftës, kanë paralajmëruar kthimin në fshat, më 28 gusht, me qëllim të pjesëmarrjes në një festë lokale ortodokse dhe kanë kërkuar njëkohësisht edhe krijimin e kushteve për kthim të qëndrueshëm në, sic thonë, “shtëpitë e tyre”.

Disa ditë para kremtimit të fetsës në hyrje të fshatit u vendos një pankartë, të autorëve tash për tash anonim, me përshkrimin “Kjo është çka kanë lanë pas veti kur u larguan nga Mushtishti serbët lokal“.

Pankarta e vendosur tregonte fotografitë e shtëpive të djegura të fshatit gjatë luftës në Kosovë.

Vendosja e pankartës shkaktoi një valë reagimesh të udhëheqësve politikë serbë, përfshirë edhe Ministrinë për komunitete dhe kthim. Reagimeve iu bashkua edhe zëvendëskryeministri i Kosovës, nga radhët e Listës Srpska, Branimir Stojanoviq, që e dënoi “vendosjen e pankartës” dhe theksoi “përkushtimin për kthimin e serbëve në fshat”.(REL)

Klan Kosova jus jell disa pamje nga protesta në Mushtisht të Suharekës kundër vizitës së serbëve në manastirin e këtij fshati, njofton Klan Kosova.

Nga kjo protestë kanë mbetur të lënduar lehtë disa persona dhe polic po ashtu si dhe njoftohet për disa persona të arrestuar.

Pas një përleshje mes forcave policore dhe protestuesve në Mushtisht të Suharekës, nga e cila kanë mbetur të lënduar lehtë nga të dy palët, situata atje është qetësuar paksa, njofton Klan Kosova.

Aktualisht rruga është liruar por ende nuk ka ndonjë informacion nëse serbët të cilët kanë paralajmëruar se do të vijnë në orën 8 e gjysmë në kishën e këtij fshati për një ritual fetar, do të vijnë a po jo.

Banorët e fshatit Mushtisht të Suharekës kanë organizuar protestë kundër vizitës së serbëve në manastirin e këtij fshati, njofton Klan Kosova.

Në protestën që ka filluar në orën shtatë protestuesit kanë bllokuar rrugët, kundër kësaj vizite të serbëve që paraluftës kanë jetuar aty.

Policia disa herë ka kërkuar nga qytetarët ta lirojnë rrugën, por protestuesit nuk janë bindur.

Protesta nuk ka shkuar e qetë dhe në një moment policia ka hedhur edhe gaz lotsjellës, ku ka pasur disa persona të lënduar lehtë, raporton gazetari i Klan Kosovës nga terreni.

Në protestë është lënduar edhe një polic, ndërsa njoftohet edhe për disa persona të arrestuar.