Prokuroria Speciale e Kosovës të premten ka nisur hetimet ndaj deputetit të Kuvendit të Kosovës, Adem Grabovci, për, siç thuhet, “shpërdorim të detyrës dhe ndikim mbi procesin e vendimmarrjes brenda institucioneve, agjencive qeveritare dhe ndërmarrjeve publike”. Vendimi pason publikimin e të bisedave të përgjuara telefonike të ish-shefit të Grupit Parlamentar të PDK-së, Adem Grabovci, në të cilat qenë përfshirë veç tjerash edhe presidenti aktual, Hashim Thaçi. dhe kryetari i Kuvendit, Kadri Veseli.
Betim Musliu, drejtor i Institutit të Kosovës për Drejtësi, për Radion Evropa e Lirë, thotë se Prokuroria nuk do të ketë guxim që të merret me rastin Graboci dhe protagonistët e përfshirë në përgjime. Ky vendim, thotë ai, është një taktikë e Prokurorisë për të blerë paqe te publiku.
“Nuk që Prokuroria do të ketë guximin që të merret si duhet edhe me z. Grabovci, dhe me të gjithë protagonistët që janë të përfshirë në veprimtari të kundërligjshme”, shprehet Musliu.
Edhe analisti Driton Selmanaj, nga Demokracia Plus, për Radion Evropa e Lirë thotë se vendimi për nisjen e hetimeve është i domosdoshëm, teksa konsideron se ato nuk duhet të kufizohen vetëm te ai. Por, duke u bazuar në publikimin e bisedave të përgjuara, se në çfarë forme është realizuar emërimi i zyrtarëve në pozita të larta, Selmanaj dyshon se me rastin Grabovci do të ketë rezultate.
Lidhur me vendimin e Prokurorisë për nisjen e hetimeve ndaj Adem Grabocit, Lëvizja Vetëvendosje të shtunën ka mbajtur një konferencë për media ku e ka cilësuar vendimin e Prokurorisë si “të nxitur nga trysnia e vazhdueshme e opinionit publik”.
Në komunikatën e Prokurorisë Speciale thuhet se me veprimet e tij, “Grabovci, gjatë vitit 2011 e tutje, në mënyrë të kundërligjshme ka mohuar dhe kufizuar liritë dhe të drejtat e qytetarëve tjerë të vendit për punësim dhe në kundërshtim më Kushtetutën e Republikës së Kosovës dhe ligjeve tjera, u ka dhënë përparësi personave të favorizuar mbi bazat e përkatësisë së tyre politike gjatë punësimit nëpër institucionet publike.
Shteti Islamik ka publikuar nje tjetër video shkokuese, ku protagoniste jane fëmijët. 5 djem te moshës 12-13 vjeç shfaqen teksa bëhen gati te ekzekutojnë me arme disa te burgosur, luftëtare kurdë ne Siri. Besohet qe videoja te jete regjistruar ne ate qe ISIS e konsideron kryeqytet te vet, ne Raka te Sirise. Djemtë, te veshur me uniforma ushtarake mendohet te jene nga Britania, Egjipti, Turqia, Tunizia dhe Uzbeksitani.
Fëmijët jane përfshire shpesh se fundi ne propagandën e militanteve te ISIS, qe i angazhojnë ne vrasje te te burgosurve. Pas informacioneve se numri i luftëtareve te tij ka pësuar renie, eshte rritur rekrutimi i fëmijëve. Fondacioni “Quilliam” raportoi kete vit se rreth 50 fëmijë britanike po sterviten per t’u shndërruar ne xhihadiste. Revista gjermane “Der Spiegel” pak kohe me pare shkruante se ne Irak dhe Siri gjenden 1500 femije.
I ka mbetur vetëm edhe një muaj që të sjell në jetë fëmijën e dytë. E data kur Teuta Krasniqi planifikon të lindë, është 27 shtator.
E derisa në shtatzëninë e parë, aktorja ka pasur shumë më shumë kujdes si një grua shtatzënë, në të dytën thotë se është krejt ndryshe. Me shumë energji, ajo ka vazhduar rutinën e jetës, të punojë, ecjen, blerjet.
Aktorja në një intervistë për Kolona.al, ka treguar edhe për datën e lindjes. E për këtë gjë ka treguar se mund të vendos vetë, për shkak të mënyrës së lindjes, pwrciell Magazina.al
“Edhe një muaj më ka mbetur kohë deri te termini për të lindur, besoj diku nga 27 shtatori. Po e them kështu datën sepse sikurse në lindjen e parë ashtu edhe tash do të lindi në këtë mënyrë. Besoj se do të lindi një javë para ditëlindjes së Adonisit. Pasi që lindi me prerje cezariane, do të lindi pak ma herët, një javë…nuk guxoj në ditën e fundit të terminit. Lindja nuk do të bëhet në ditën e lindjes së Adonisit. Ditëlindja e Adonisit do të festohet veçmas, e ditëlindjet e vajzave veçmas. Secili në ditën e vet…”, tha më tej aktorja duke treguar për ndërrimin e datës të cilën e kishte planifikuar ku siç pat thënë më herët për Kolona.al, ajo pat vendosur që vajza të lindë në ditëlindjen e babait Adonis./Magazina.al/
Michel Butor, shkrimtari dhe poeti i njohur francez, autor i albumit që prezanton Pavionin shqiptar në Bienalen e Venecias është ndarë nga jeta dy ditë më parë. Me një kontribut të gjatë si prozator dhe përkthyes në letërsinë frënge, Butor ka qenë i lidhur fort dhe me artet pamore, duke i parë ato si një formë përmes së cilës mund të depërtonte në zbulimin e botëkuptimeve të reja.
Bashkë me Eten Adnan, Mourid Barghouti, Claire Fontaine, Yona Friedman, Anri Salën, Michael Taussiq, Yanis Varoufakis Ornela Vorpsin, Fin Ëilliams, ai ishte një nga kontribuuesit në prezantimin e albumit që përcillte konceptin e pavionin shqiptar në Bienalen e Venecias, nën kurimin e Simon Battisti, Leah Whitman Salkin, Abake. ”Të kam lënë malin” u botua me rastin e prezantimit të Shqipërisë në edicionin e 15 të Bienales së Venecias , duke prezantuar në një album dhjetë tekste të shkruar nga shkrimtarë bashkëkohorë, analistë të arkitekturës.
Tekstet shoqëronin muzikën e grupeve polifonike shqiptare që u bënë pjesë e pavionit shqiptar në Venecias .“Kur arkitektura bëhet fjalë dhe këngë. Një Bienale që të bind dhe që na kërkon të mbajmë qëndrim”, do të shkruante gazetarja Amanda Prada, pasi do të shihte pavionin shqiptar. Tekstet të cilat interpretohen nga grupi prej Fieri, grupi “Bilbili” nga Vlora, grupi nga Tirana si dhe grupi i grave nga Himara.
“Të kam lënë malin” e solli emigrimin si një histori të rrënjosur thellë në të shkruarën, edhe në të tashmen e Shqipërisë, duke iu mbivënë edhe zhvillimeve të fundit paneuropiane.” Michel Butor, shkrimtari i veçante i Romanit të Ri, vendos të vazhdojë letërsinë e vet lart në qiell”, do të shkruante në faqen e saj në Facebook Ministrja e Kulturës Mirela Kumbaro.
Një banor i fshatit Kijevë të Malishevës, ka marrë në duar ligjin, për të zgjidhur një kontest pronësor. Pavarësisht që kontesti pronësor ishte në pritje të zgjidhjes nga Gjykata, ai kundërligjshëm ka filluar të shfrytëzojë pronën.
“Është arrestuar i dyshuari, pasi që i njëjti për shkak të një kontesti pronësor për të cilin ekzistonte procesi gjyqësor në zhvillim e sipër, i njëjti ka filluar kundërligjshëm shfrytëzimin e kësaj prone kontestuese”, njofton Policia e Kosovës.
I dyshuari me urdhër të prokurorit është dërguar në mbajtje./PrizrenPress.com/
Dega e PDK-së në Suharekë ka shprehur shqetësimin e saj me situatën e kthimit të serbëve në fshatin Mushtisht.
Ata me anë të një reagimi kanë thënë se janë kundër kthimit të personave që kanë duart e përlyera me krime nda shqiptarëve, transmeton TherandaPost.
“PDK Dega ne Therandë shpreh shqetësim me situatën aktuale të krijuar në fshatin Mushtisht. Ne jemi kundër personave të cilët kanë kryer krime dhe nuk kanë dhënë përgjegjësi para drejtësisë, nuk pranojmë që në mesin ton të ketë persona që kanë kryer gjenocid e që do të mundë të paraqesin rrezik edhe më tej për shoqërinë”, thuhet në reagimin e PDK-së.
Sipas po të njëjtit reagim, thuhet se PDK do të jetë në hap me kryesinë dhe fshatarët e Mushtishtit, duke mos lejuar të shkelet integriteti i qytetarëve të Suharekës.
“PDK Dega në Therandë përkrah vendimet që do të marrë kryesia dhe qytetarët e fshatit të cilat do të jenë në dobi të qytetarëve të Mushtishtit. Asnjëherë nuk do të lejojmë të shkelet integriteti i qytetarëve të Therandës”, përfundon reagimi i degës së PDK-së në Suharekë.
Pesë biseda të reja telefonike, dëshmojnë edhe më tej implikimin e Adem Grabovcit në veprime tashmë të dyshuara penale. Me veprimet e tij të dëshmuara me biseda telefonike, Grabovci shfaq hapur ndikimin gjithandej.
Armend Kelmendi planifikonte ngritje akademike. Por, për të arritur këtë, i duhej ndihma e Adem Grabovcit.
Kelmendi i kishte telefonuar ish-shefit të Grupit Parlamentar të PDK-së për ta ndihmuar që të regjistronte studimet pasdiplomike në Universitetin e Prishtinës që drejtohej nga Mujë Rugova. Muja ishte nën kontrollin e plotë të Grabovcit.
Megjithatë, Grabovci nuk i kishte premtuar Kelmendit se do ta ndihmonte. I kishte thënë se është i zënë dhe se do të bisedonin një javë më vonë.
Në serinë e XXI-të të Dosjes së Shefave, Insajderi sjell pesë biseda tjera telefonike të Adem Grabovcit, me persona jopublik. Atij, i kërkohet ndihmë për gjithçka. Mirëpo, Grabovci fokusin kryesor e ka në sistemimin e njerëzve të partisë së tij në institucione shtetërore.
Më së shumti, Grabovci interesohet për Arbreshën. I telefonon një zyrtari për ta pyetur se a ka konkurruar ajo. Jep udhëzime për zgjedhjen e saj në Bordin e një institucioni që nuk i përmendet emri.
Armend Kelmendi, Grabovcin e quan kryetar. Pa e zgjatur shumë, ai kërkon ndihmë për të regjistruar studimet master.
“Kryetar, kshtu s’pe zgati ma shumë, veç kur t’ki kohë, mu taku…, se sun po foli n’telefon… Kshtu jom t’u punu në master, e po kom qef mu regjistru… Kisha pas qef live, kur mujmë m’u taku”, e lutë Kelmendi, Grabovcin.
“Hajt, kqyrum bisedojmë kur shihum. Hajt, kqyrym se jom nxon unë nihere, jo qito ditë jo… Deri javën e ardhshme, s’muna se jom me buxhetin, jom t’u e aprovu, e kom punë shumë”, thotë Grabovci.
Interesimin për zgjedhjen e Arbreshës anëtare të një Bordi, Grabovci e shpreh gjatë një bisede telefonike me një zyrtar shteti, të cilit nuk ia përmend emrin. Nga biseda shihet se ata janë të afërt.
“Hej, a ka konkuru, Arbnesha, n’bordin që i kom pa thanë”, e pyet Grabovci.
“Jo, valla nestra. Kem met t’u e prit Ahmetin. Pat thanë kjo punë osht e kryme, ti pate thanë a din le të zgedh a din n’cilin ven don edhe kem met t’u e prit qita… ku punon Ahmeti aty”, përgjigjet bashkëbiseduesi.
“Ëhë…, e ma mirë e ka pas kha, po nejse hajde, u bo”, thotë Grabovci, duke lënë të kuptohet se më i mirë do të ishte vendi i punës ku i kishte thënë ai, sesa te Ahmeti.
Arben Kabashi i kishte telefonuar sërish, Adem Grabovcit. Biseda e parë është publikuar në serinë e XIX-të të përgjimeve telefonike. Grabovci, i thotë Kabashit se ka biseduar me Fatmirin për vendin e punës që donte dhe ia kërkonte numrin e aplikacionit.
“E di, m’ka thanë Fatmiri… Unë s’muj, me bo zhurmë… Puntë, kryhen qetë, kadal… Unë, e kom dhanë porosinë, po çoma edhe niher numrin e aplikacionit, se unë veç si emër e kom dhanë… E, çoma edhe numrin e aplikacionit, osht edhe ma lehtë”, thotë Grabovci.
“Domethanë, t’premten, n’9, n’10, ora”, e pyet Kabashi, Grabovcin.
“E ki, e ki, qind për qind”, e garanton Grabovci.
Emri i një personi tjetër dhe i profesor Esetit nuk ishin në listën e Ministrisë së Transportit për punësim. Grabovci, që ishte zëvendësministër një kohë në këtë Ministri, mbetet i habitur se kur e merr vesh këtë.
“E mora, ni konfirmim, nifarë lajmrimi, se është bo nifarë liste, prej 30-40 vetëve dikun, e nuk jem as unë as profesori Eset, e thash, t’njoftoj me kohë”, i thotë Grabovcit ky person.
“Komisioni, komisioni që e ka bo seleksionimin e kandidatëve, e ka bo ni seleksionim, e i ka zgjedh nja 30-40 vetë, dikun përafërsisht, për me kalu ma tutje, n’fazën e dytë, t’intervistimit, e…, emri jem edhe emri i profesorit Eset nuk ishim”, sqaron më tej ai.
“Qy, qy”, shton Grabovci.
“Edhe ish Skënder, ky Skënderi ish aty, ky që u kanë te ju, sekretar, N’ministri t’Infrastrukturës… Ai, ish kryesus, i atij komisioni”, shton ky kandidat.
Grabovcit nuk i pëlqen fakti se Skënder Krasniqi, një aktivistë i LDK-së dhe ish-sekretar në MTPT, ishte në krye të komisionit.
“Eh nanën jau qifsha”, përgjigjet Grabovci.
“Ai, kish pa thanë, mu sum ka jep emër kërkush, as ni emër, s’ma kanë dhan”, shton më tej kandidati. “E thash, tregoj me kohë, bile nëse osht e mundshme me bo naj gja”.
“Okej, okej…, hajt dil, dil nesër te unë në zyrë”, i thotë Grabovci. /Insajderi.com
Përballja ndërmjet Lirisë dhe Prishtinës, ndeshje kjo që luhet sot pasdite në ‘Përparim Thaçi’, hap ndeshjet e javës së dytë të Vala Superliga e Kosovës në futboll.
Prizrenasit kundër prishtinasve kërkojnë pikët e para në këtë sezon të garave, edhe pse do ta kenë shumë vështirë, sepse përballë do ta kenë Prishtinën e përforcuar, e cila në hapje të këtij edicioni mundi Llapin.
Ndërkaq, ndeshjet e tjera të kësaj xhiro luhen të dielën, ku ndeshja kryesore luhet në Gjilan në mes Gjilanit dhe Feronikelit.
Kampionët në fuqi udhëtojnë në Gjilan më ambicie që të shijojnë pikët e para në këtë sezon, pas disfatës kundër Besës së Pejës, kjo e fundit kërkon fitoren e dytë në këtë kampionat kundër Ferizajt.
Ndeshje interesante pritet të luhen edhe në takimet tjera.
