Gjyqtari i procedurës paraprake – Departamenti i krimeve të rënda i Gjykatës Themelore të Prizrenit vendosi që ndaj të pandehurit me iniciale S.L. nga Lloznica e Republikës së Serbisë të caktohet masa e paraburgimit, për shkak të dyshimit të bazuar se ka kryer veprën penale blerje, posedim, shpërndarje ose shitje e paautorizuar e narkotikëve, substancave psikotrope dhe analoge nga neni 273 par.2 të KP-së.

I pandehuri do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 16.02.2016 prej orës 20.40 minuta, dhe do të zgjasë deri me datën 15.03.2016 .
Gjyqëtari i procedurës paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurit.

I pandehuri dyshohet për shkelje të Kodit Penal , sepse me datën 16.02.2016 rreth orës 20.40 minuta duke kaluar kufirin ndërshtetëror Shqipëri- Kosovë, pikërisht në pikën kufitare në fshatin Vërmicë – Komuna e Prizrenit, në rezervuarin e automjetit të tij të cilën e drejtonte i kishte fshehur 37 (tridhjeteshtatë) paketime të marihuanës, në qese të plastifikuara, në peshë rreth 20 kg.

Në rrugën “Adem Jashari në Prizren është shkelur me veturë një femër.

Policia e Kosovës njofton se viktima është dërguar për trajtim mjekësor në Spitalin e Prizrenit.

“ I dyshuari derisa drejtonte veturën e tij nga pakujdesia ka goditur viktimën”, njofton PK-ja. /PrizrenPress.com/

Tek porta kryesore e Kuvendit të Republikës së Kosovës, dy persona me veshje civile, të cilët po rrinin me pjesëtarë të Policisë, dhe që ne dyshojmë se janë policë, gjuajtën me vezë deputetin e Kuvendit të Republikës së Kosovës, Albin Kurtin, thuhet në njoftim të Vetëvendosjes që pak më parë iu dërgua medieve me rrugë elektronike.

Njoftimi i VV shton se më 17 shkurt persona të policisë kanë gjuajtur me shishe, për të provokuar masën dhe më 19 shkurt persona të policisë ia nisën të sulmojnë opozitën.

Është fatkeqësi kur pushteti nis të përdorë metodat protestuese të opozitës. Sepse opozita nuk përdor polici për të shtypur ata që “protestojnë” kundër saj në mbrojtje të diktaturës, përfundon njoftimi.

Sulmohet Albin Kurti

Është sulmuar deputeti i LVV Albin Kurti me vezë në hyrje të kuvendit, nga dy persona të panjohur. Policia ka reaguar menjëherë dhe ka arritur ta arrestoj njërin prej tyre. Ndërkaq tjetri ka arritur të ikë./ZËRI

Lideri i AAK-së, Ramush Haradinaj tha se ky regjim është i shkarkuar dhe mbajtja e seancave nuk ka logjikë më.
“Ky regjim është i shkarkuar dhe s’mund të vazhdoj të punoj më”, tha Haradinaj.

Ramush Haradinaj: Sot do ta shihni si do ta pengojmë punën e Kuvendit të Kosovës!

Kryetari i AAK-së Ramush Haradinaj ka thënë se qëndrimet e Opozitës janë të pandryshueshme dhe se nuk ka seancë të Kuvendit të Kosovës!
Opozita e bashkuar nuk ka ndryshuar mendje lidhur me vazhdimësinë e seancave në Kuvendin e Kosovës. Edhe dje por edhe sot zyrtarët opozitarë kanë deklaruar se do të bëjnë çmos që të pengojnë seancën e Kuvendin të Kosovë.

Pengimin e vazhdimit të seancës e konfirmon edhe kryetari i Aleancës për Ardhmërinë e Kosovës, Ramush Haradinaj.

“Qendrimet rreth seancës do të mbesin të njejta, pra si në të kaluarën”, tha Haradinaj për Botapress. Ndërsa i pyetur se a do të marrë pjesë në seancën për zgjedhjen e Presidentit dhe se a do të pengojnë edhe këtë seancë, Haradinaj tha se “Do ta kundërshtojmë mbajtjen e e çdo seance, do ta shihni cilat masa do t’i ndërmarrim sot”, ka thënë Haradinaj.