Kryesia Qendrore e Lidhjes Demokratike të Kosovës, mbajti mbledhjen e rregullt, në të cilën kreu i saj, njëherësh kryeministër i Kosovës, Isa Mustafa, njoftoi për gjendjen aktuale dhe proceset e ardhshme të cilat e presin Kosovën. Kjo parti i dha përkrahje të plotë kryetarit Mustafa në drejtimin e Qeverisë.

“Kryesia Qendrore e LDK-së në emër të të gjithë anëtarësisë së partisë dhe strukturave të LDK-së, i dha përkrahje të plotë kryetarit Mustafa, në punën e suksesshme në drejtimin e Qeverisë së Republikës së Kosovës, dhe lidershipin e dëshmuar, që u vlerësua edhe nga sekretari Amerikan i Shtetit, John Kerry”, thuhet në komunikatën e LDK-së.

Në mbledhjen e mbajtur dje, gjithashtu, u bisedua për aktivitetet nëpër degë, reformën e administratës, procesin zgjedhor në Forum Rinor dhe planifikimet për organizimin e përvjetorit të Lidhjes Demokratike të Kosovës. /PrizrenPress.com

Kreu i Partisë Demokratike të Kosovës, Hashim Thaçi mbetet i sigurt se do të ngjitet në krye të shtetit. Madje më shpejt se sa që është thënë më herët.

Thaçi, që aktualisht është numri dy në qeveri dhe ministër i Punëve të Jashtme, ka thënë se në pjesën e parë të muajit shkurt do të hyjnë në procesin e zgjedhjes së presidentit të ri. Madje, ka treguar se nuk do ketë zgjerim të koalicionit, e se zgjedhjet do të mbahen më 2018.

Sipas tij, nuk ka asnjë arsye që ky proces të shtyhet, apo edhe të ndryshohet marrëveshja me partnerin e koalicionit, e cila e parasheh Thaçin presidnet të Kosovës.

“PDK do ta respektojë në plotni marrëveshjen e arritur me LDK-në, në këtë drejtim ne do të punojmë për hapat tonë të mëtutjeshëm, do të respektojmë periudhat kohore kushtetuese dhe ligjore për zgjedhjen e presidentit, prandaj vleresojmë se në dyjavëshin e parë të muajit shkurt… Do të hyjmë në këtë proces të zgjedhjes së presidentit të Republikës së Kosovës. Nuk ka asnjë arsye që të kemi ndryshime, jemi partnerë serioz dhe kemi besim reciprok”, tha Thaçi në intervistën dhënë emisionit Monitor të RTK-së.

E duke folur për arrestimin e dy deputetëve të opozitës, Thaçi deklaroi se proceset politike duhet ndarë nga sistemi i drejtësisë.

“Askush nuk është mbi ligjin. Ne duhet të punojmë e të gjejmë format e komunikimit. Janë shumë gjëra që na bashkojnë dhe pak gjëra që na ndajnë si spektër politik”, ka thënë ai.

Thaçi u është përgjigjur edhe zërave se mund të ketë zgjerim të koalicionit apo edhe zgjedhje të parakohshme.

“Nuk ka arsye për zgjedhje dhe as për zgjerim të koalicionit, kam dëgju opinione për referendume e zgjedhje apo zgjerim të koalicionit. Koalicioni aktual ka 2/3 e votave, ka 89 deputetë kë një shumicë absolute. Zgjedhjet do të mbahen në vitin 2018”, tha Thaçi.

Ka përfunduar protesta e opozitës e organizuar në Gjakovë. Ashtu edhe siç u paralamjërua, ishte e qetë dhe paqësor. Policia e Kosovës kishte parashikuar se do të mblidhen 5 mijë qytetarë, por ende nuk dihet numri i saktë i të pranishmëve. Para tyre mbajtën fjalime liderët e partive opozitare, duke përsëritur mesazhin kryesor: Marrëveshjet nuk kalojnë.

Manifestimi i opozitës filloi në ora 130:00 me fjalimin e kryetarit të AAK’së në Gjakovë, Ardian Gjini. Në fjalimin e tij ai ka thënë se asnjëherë në Gjakovë nuk ka parë më shumë njerëz në një manifestim.

“Unë këtu nuk po shoh vetëm përkrahës të opozitës, por edhe qytetarët të thjeshtë që po i kundërshtojnë marrëveshjet”.

Pas Gjinit, mbajti fjalim Driton Çaushi nga LVV dhe Fazli Hoxha nga Nisma për Kosovën. Me të përfunduar fjalimet kryetarët e këtyre degëve në Gjakovë, u ftuan liderët e partive opozitare.

I pari që mbajti fjalim ishte Lideri i Nismës për Kosovën, Fatmir Limaj, i dyti ishte krytari i Lëvizjës Vetëvendosje, Visar Ymeri, kurse i fundit që mbajti fjalim ishte Ramush Haradainaj, kryetari i AAK-së.

Në fund, tre liderët thanë se manifestime do të ketë në qytetet kryesore të Kosovës për të kundërshtuar marrëveshjet.

………….

Nis manifestimi opozitar

Ndër të parët në tubimin e opozitës në Gjakovë ka ardhur kreu i AAK-së Ramush Haradinaj.

Kanë nisur të grumbullohen për manifetimin e sotëm në Gjakovë përkrahës të opozitës. Aty ka ardhur edhe kreu i AAK-së Ramush Haradinaj, ndërsa është parë edhe vëllai i tij Dauti dhe deputetë të tjerë e qytetarë që mbështesin opozitarët.

Edhe Visar Ymeri e Fatmir Limaj janë në manifestim.

Opozitarët kanë zhvendosur protestat nëpër komuna duke nisur prej sot në Gjakovë.

Partitë opozitare janë duke kërkuar tërheqjen e nënshkrimeve të qeverisë nga marrëveshjet e 25 dhe 26 gushtit për Asociacionin e Komunave Serbe dhe përcaktimin e vijës kufitare me Malin e Zi të nënshkruara më 25 dhe 26 gusht në Bruksel e Vjenë.

Për këtë arsye deputetët e këtyre subjekteve po mundohen të pengojnë çdo seancë të sesionit vjeshtor të Kuvendit, duke përdorur në sallën e mbledhjeve gazin lotsjellës.

Deri tash pesë deputetë opozitarë janë arrestuar, dy prej tyre ndodhen në paraburgim e tre në arrest shtëpiak nën dyshimet për aktivizim ose posedim të lotsjellësit në Kuvend. /Kallxo.com

Lideri i Lëvizjes Vetëvendosje, Visar Ymeri tha se Gjakova ishte e para që i tha Jabllanovicit shporru dhe e para që është duke i thënë JO marrëveshjes për Zajdenicën dhe Demarkacionin.

“Gjakova i tha e para Jabllanovicit shporru dhe ai u shporr. Sot, Gjakova po i thotë jo marrëveshjeve dhe ato natyrisht nuk do të kalojnë”, ka thënë Ymeri.

Sipas Ymeri, Isa Mustafa dhe Hashim Thaçi po mundohen ta heshtin opozitën dhe të frikësojnë qytetarët por një gjë e tillë nuk do të ndodh.

“Republika do të bëhet edhe pse po kundërshohet nga Isa dhe Hashimi”, ka shtuar ai.

“Kosova nuk duron që t’i falen tokat”

Në fund ai ka thënë se opozita do të organizojë manifestime të tjera në shumë qytetet, dhe në Prishtinë do të vendosin se Republika është e pavdekshme.

Kryeministri i Kosovës, Isa Mustafa pas refuzimit të ftesës nga opozita ka thënë se kjo çështje nuk është e mbyllur dhe ende ekziston mundësia të bisedojnë dhe të bëjnë zgjidhje.

Mustafa pas një vizite që bëri në QKUK, ka thënë secdo njëri nga ata duhet të niset se a po i kontribuojnë qetësisë së qytetarëve.

“Unë kam dhënë iniciativën time në mënyrë që të kalohet kjo situatë dhe unë mendoj se kjo çështje nuk është e mbyllur dhe ekziston mundësia të ulemi të bëjmë zgjidhje”, ka thënë ai.

Mustafa shtoi se për demarkacionin e kufirit me Malin e Zi, është shprehur edhe një herë i bindur se është kryere me përgjegjësi, por pasi që opozita nuk është e kënaqur, ai ka ftuar edhe një herë këta të fundit që të bëhet një komision ndërkombëtar.

“Asnjë metër katror nuk e lëshoj unë si kryeministër, kështu që nuk ka arsye askush të thotë heq nënshkrimin pa argumente. Ajo duhet të vërtetohet dhe kjo bëhet përmes një komisioni ndërkombëtar dhe të tregojnë”, ka thënë ai.