Kuvendarët e Komunës së Prizrenit, gjatë vitit të kaluar kanë treguar një gjuhë të kulturuar.

Përfaqësuesi i KDI-së, Naim Cahanaj thotë se kuvendarët nuk kanë përdorë asnjëherë gjuhë fyese.

“ Anëtarët e Kuvendit të Komunës së Prizrenit, gjatë seancave të mbajtura në periudhën janar-dhjetor 2015-të treguan nivel të lartë të kulturës parlamentare, duke mos përdorur në asnjë rast gjuhë, e cila do të ishte fyese për ndonjë anëtar tjetër të këtij institucioni”, tregon Cahanaj./PrizrenPress.com/

Opozita në Malishevë është mobilizuar për protestën që do të mbahet nesër në Prishtinë.

Nisma për Kosovën, Lëvizja Vetëvendosje! dhe Aleanca për Ardhmërinë e Kosovës në Malishevë, në një komunikatë të përbashkët kanë ftuar gjithë qytetarët që të dalin në protestë për të rrëzuar Qeverinë “Mustafa”.

:Sot kur na ndan vetëm një ditë nga protesta, Malisheva si kurrë më parë po tregohet e gatshme, e vullnetshme e guximshme dhe e vendosur për të marrë pjesë në ngjarjen historike për mbrojtjen e sovranitetit dhe bërjes së shtetit. Ne, opozita e bashkuar në Malishevë gjatë këtyre ditëve kemi mbajtur me dhjetëra tubime në fshatra, dhe takime me studentë e profesorë,punëtorë e mësimdhënës, bujq e muratorë, zejtarë e mërgimtarë dhe qytetarët të tjerë të të gjitha moshave, profesioneve e pikëpamjeve politike”, thuhet në komunikatën e tri partive opozitare në Malishevë.

“Nga këto takime e tubime kemi parë që qytetarët tashmë e kanë kuptuar që mbrojtja e vendit nga e keqja qeverisëse është detyrë qytetare dhe kombëtare është rruga e nevojshme dhe e vetme për ta shpëtuar vendin, të tashmen dhe të ardhmen e tij nga degradimi i qeverisjes Mustafa-Thaçi. Përkrahja dhe mbështetja e qytetare është shpresë se ky vend po bëhet”.

“Në orët e mbetura para protestës historike Ne do të vazhdojmë me aktivitete intensive derë më derë, odë më odë, bashkë me shumë familjarë, miq, qytetarë të organizohemi dhe mobilizohemi për dasmën e madhe e cila nesër shënon fillimin e historisë së re. E historisë që shënon rikthimin e vlerave qytetare dhe kombëtare e cila shpëton vendin, Republikën tonë nga zaptuesit dhe shitësit e saj”.

“Gjithashtu gjatë këtyre muajve kemi qenë dëshmitarë dhe përjetues, të shkeljes dhe injorimit që kjo qeveri ju ka bërë qytetarëve të Malishevës, për shkak të bindjeve politike”.

“Kjo është edhe një arsye më shumë, se Ne, të gjithë, pa dallim bindjeve politike, të ngritemi dhe ta ndalim këtë pushtet antikushtetues dhe linques, i cili interesat e Serbisë, i ka bërë pjesë të programit të saj qeverisës”.

“Qytetarët nuk mund të tolerojnë një Qeveri që shkelë Kushtetutën dhe qytetarët e saj një Qeveri e cila po e rrezikon shtetin dhe sovranitetin”.

“Pjesëmarrja në protestën e nesërme është obligim qytetarë e kombëtarë për secilin.

Nisja nga Malisheva për në Prishtinë bëhet në ora 11:30 nga Stacioni i Autobusëve”./PrizrenPress.com/

Instituti Demokratik i Kosovës (KDI) ka publikuar “Fletënotimin” i cili përmban analizë dhe notim për punën individuale të 31 anëtarëve të Kuvendit të Komunës së Suharekës dhe subjekteve politike të përfaqësuara në këtë kuvend për periudhën Janar-Dhjetor 2015.

Anëtarët që kanë treguar rezultate më të mira në të gjitha kategoritë në Kuvendin e Komunës së Suharekës janë: Leonard Shala (LVV) me 17.8 %, Alush Shala (PDK) me 16.2 %, Bajram Tershani me 8.8 % dhe Nadire Hoxha (AAK) me 8.3 % dhe të vlerësimit të përgjithshëm. Ndërsa anëtarët që kanë treguar rezultatet më të dobëta (1 – 0.1) në të gjitha kategoritë janë: Violeta Zeqiraj (LDK) 0.4 %, Refki Gega (LDK) 0.8 %, Halil Morina (LDK) 0.1 %, Xhavit Bytyqi (LDK) 0.8 %, Jemin Zeqiri (PDK) 0.5 % dhe Behare Sopa (PDK) 0.7 %.

Gjatë kësaj periudhe, nga anëtarët e Kuvendit të Komunës së Suharekës janë ngritur gjithsej 222 çështje, prej të cilave vetëm 48 % nga fushat me interes për qytetarët e Suharekës ndërkaq 52 % e çështjeve të iniciuara kanë qenë të lidhura me aspekte procedurale të punës së organeve të Komunës së Suharekës.

Sa i përket çështjeve, anëtarët e AAK-së prijnë për nga inicimi i çështjeve me gjithsej 31.1 %, të përcjellë nga anëtarët e PDK-së me 27.9 % të çështjeve të iniciuara.

Lidhur me ngritjen e çështjeve, Leonard Shala (LVV) ka shënuar numrin më të lartë të çështjeve të ngritura me gjithsej 18.9 % i përcjellë nga Alush Shala (PDK) dhe Nadire Hoxha (AAK) me nga 18.5 % përkatësisht 9.9 të çështjeve të ngritura.

Anëtarët e Kuvendit të Komunës së Suharekës kanë propozuar gjithsej 37 amandamente. Nga këto, PDK me 48.6 %, LVV me 21.6 % dhe LDK me 16.2 % të amendamenteve derisa aëtarët më aktiv në propozimin e amendamenteve në seancat e mbajtura kanë qenë: Alush Shala (PDK) me 40.5 % dhe Leonard Shala (LVV) me 21.6 % të propozimeve të përgjithshme për amandamentim.

Kuvendarët e Suharekës në këtë periudhë propozuan 7 Rregullore komunale për miratim në Kuvendin e Komunës.

Leonard Shala (LVV) ka propozuar 2 rregullore komunale: Rregulloren komunale për parandalimin e dëmtimit të pyjeve dhe Rregulloren komunale për menaxhimin e mbeturinave. Rexhep Morina (AAK) ka propozuar 2 rregullore komunale përkatësisht inicimin e ndryshimit të Rregullores komunale për dhënien në shfrytëzim të banesave të familjeve të dëshmorëve të UÇK-së në komunën e Suharekës dhe inicimi i ndryshimit dhe plotësimit të Rregullores komunale për ndarjen e bursave për nxënës dhe student të komunës së Suharekës. Nadrie Hoxha ka propozuar rregulloren komunale për dhënien në shfrytëzim të pronave të komunës dhe Reshat Selimaj (AAK) ka propozuar për miratim Rregulloren komunale për kazinotë dhe lojërat e fatit. Alush Shala (PDK) ka propozuar Rregulloren komunale për dhënien në shfrytëzim të pronës në zonën industriale. Bajram Tërshani (PD) ka propozuar inicimin e ndryshimit të Rregullores komunale për pastërti në komunën e Suharekës.

Kuvendarët e Suharekës në këtë periudhë parashtruan gjithsej 207 pyetje ndaj ekzekutivit të kësaj komune. Nga këto, 55 % ishin të lidhura me interesin e qytetarëve të Suharekës ndërkaq 45 % e pyetjeve të iniciuara kanë qenë të lidhura me aspekte procedurale të punës së organeve të Komunës së Suharekës.

Kuvendarët e PKD-së prijnë me numrin e pyetjeve të bëra gjatë kësaj periudhe me gjithsej 29.5 %, të pasuar nga anëtarët e LVV-së me gjithsej 26.6 % të pyetjeve të përgjithshme derisa anëtarët me aktiv në parashtrimin e pyetjeve ishin Leonard Shala (LVV) me 23.7 %, Alush Shala (PDK) me 17.4 % dhe Nadire Hoxha (AAK) me 8.2 % të pyetjeve të përgjithshme. /PrizrenPress.com

Komuna e Malishevës dhe Instituti Rajonal i Shëndetit Publik, bëjnë thirrje për kujdes në përdorimin e ujit për pije.

Uji nga puset të mos përdoret për pije, pa u vluar së paku dhjetë minuta në temperaturë njëqind gradë. Këtë thirrje, e kanë përsëritur sot, kryetari i Komunës së Malishevës, Ragip Begaj dhe drejtoresha e Institutit Rajonal të Shëndetit Publik, Nurishahe Hulaj.

Drejtoresha Hulaj, sot e ka vizituar Malishevën, ku është takuar me kryetarin Begaj dhe drejtorin e shëndetësisë, Hajdin Berisha, e ku kanë biseduar për masat e marra pas vërshimeve, me qëllim të mos përhapjes së ndonjë epidemie, që mund të vij nga ndotja e puseve të ujit, sidomos në zonat e prekura nga vërshimet.

Kryetari Begaj dhe drejtori Berisha, e kanë informuar drejtoreshën Hulaj, për masat e ndërmarra, së pari në sistemet e ujësjellësve, pastaj edhe masat tjera, si dhe për thirrjet e vazhdueshme për kujdes të shtuar në përdorimin e ujit nga puset. Po ashtu, edhe stafi mjekësor i QKMF-së, do të përcjellë situatën për paraqitjen eventuale të ndonjë rasti, që vjen si rezultat kontaminimit të ujit.

Drejtoresha e IRSHP-së, Nurisha Hulaj, kërkoi rritjen e nivelit të gatishmërisë, dhe kërkoi që stafi mjekësor të vizitojë shkollat dhe vendbanimet, në mënyrë që të njoftohen qytetarët për rrezikun nga kontaminimi i ujit. /PrizrenPress.com