(E plotësuar) Zëdhënësja e Policisë së Kosovës për rajonin e Gjakovës, Lirie Podrimaj, ka thënë për Telegrafin se kryetari i Rahovecit, Idriz Vehapi është duke marrë trajtimin mjekësor në Qendrën Klinike Universitare të Kosovës (QKUK).

“Ai ka marrë lëndime trupore, në pjesën e ballit, dhe është jashtë rrezikut për jetë”, ka theksuar Podrimaj.

—————————————————-

Aksidentohet kryetari i Rahovecit, Idriz Vehapi

Kryetari i Rahovecit, Idriz Vehapi ka pësuar një aksident në trafik.

Siç merr vesh Telegrafi, Vehapi kishte pësuar aksident me veturën zyrtare, në të cilën gjendej me vozitësin e tij.

Aktualisht ai gjendet për trajtim në QKMF të Rahovecit.

Telegrafi mëson se ai ka pësuar lëndime të lehta. /Telegrafi/

Njësitet e Doganës mbrëmë kanë organizuar një aksion për kontroll të lojërave të fatit në një pikë basti të dyshuar në Prizren.

Në njoftim të Policisë thuhet se ky aksion është asistuar edhe nga Policia e Kosovës dhe se gjatë aksionit është kontrolluar lokali i dyshuar, ku janë gjetur duke operuar lojëra të ndaluara “Keno” dhe “Racing Dogs” si dhe aparate për lojëra fati.

“Pas identifikimit të lokacionit njësit e doganës kanë verifikuar dokumentacionit ku edhe është vërtetuar fakti se kjo pikë e bastit nuk është në sistem të pagesës së akcizës si dhe operon me lojëra të ndaluara “Keno” dhe “Racing Dogs”. Gjithashtu ka pasur dyshime të bazuara se në këtë lokal ka hapësirë shtesë të mbyllur ku mund të ketë aparat për lojëra të fatit të cilët nuk janë të licencuar”, thuhet në njoftim.

Më tej, bëhet e ditur se gjatë kontrollit është arritur të gjendet edhe një derë e kamufluar ku pas hapjes së saj janë gjetur 11 aparate për lojëra të fatit pa numër serik dhe rrjedhimisht pa dokumentacion që vërteton faktin se ishin duke operuar ilegalisht.

Policia e Kosovës ka arrestuar në Prizren një person të dyshuar për trafikim me njerëz.

“Policia e Kosovës, konkretisht Drejtoria për Hetimin e Trafikimit me Qenie Njerëzore, në funksion të zbatimit të strategjive për luftimin e krimit të organizuar, veprave të ndryshme ilegale e veçanërisht realizimin e objektivave të saj në luftën kundër trafikimit me qenie njerëzore, pas hetimeve konsistente, sot me 08.07.2016, në Prizren ka zhvilluar një operacion të suksesshëm policor me ç’rast ka arrestuar personin e dyshuar me inicialet R. K. – Viti i lindjes (1973) – shqiptar/kosovar.”, thuhet në raportin policor.

I dyshuari, R.K. është arrestuar nën dyshimin për kryerjen e veprës penale “Trafikim me Njerëz” nga neni 171 i Kodit Penal të Republikës së Kosovës.

Pas realizimit të procedurave të intervistimit, lidhur me rastin është njoftuar Prokurori i Shtetit pran Prokurorisë Themelore – Departamenti për krime të rënda në Prizren, dhe me vendim te tij i dyshuari ndalohet për 48 orë, për procedura të mëtejme ligjore ./PrizrenPress.com/

Prokuroria Themelore në Prizren, Departamenti i Krimeve të Rënda, ka ngritur aktakuzë kundër pandehurve N.M dhe R.M, njoftoi kjo prokurori.

Sipas aktakuzës të pandehuri N.M., dhe R.M., si persona zyrtarë, duke shfrytëzuar detyrën apo autoritetin zyrtar, nuk i kanë përmbushë detyrat zyrtare të tyre me qëllim që të përfitojnë çfarëdo dobie për personin tjetër apo që t’i shkaktojë dëm personit tjetër.

Dy të akuzuarit N.M., dhe R.M., dyshohen se kanë kryer veprën penale keqpërdorimi i pozitës apo autoritetit zyrtar nga neni 422 paragrafi 1 të KP.

Seanca e gjykimit për njohjen e të drejtës për shfrytëzimin e shtëpisë u shty për mungesë të avokatëve.

Mosprania e avokateve Shpresa Berisha dhe Shemsije Sheholli që mbrojnë të paditurit Arben e Xhelal Berisha ka bërë që të dështojë seanca e sotme në rastin e Shyhrete Berishës nga Suhareka.

Berisha është duke e vijuar betejën gjyqësore me kunatin rreth pronësisë së shtëpisë në të cilën ajo ka jetuar me bashkëshortin dhe katër fëmijët deri në ditën kur këta u vranë nga forcat serbe më 26 mars 1999.

Në seancë ishte i pranishëm vetëm avokati i Shyhrete Berishës, Naim Qelaj dhe të paditurit Xhelal e Arben Berisha, ndërsa gjykatësi i njoftoi palët se avokatja Shpresa Berisha ka njoftuar me parashtresë, se nuk mundet të vijë në këtë shqyrtim, pasi që ka një lëndë tjetër penale në Gjykatën Themelore në Prishtinë.

Qelaj tha për KALLXO.com se shtyrjet e shpeshta të këtij gjykimi po e vonojnë shpalljen e vendimit.

“Zvarritja dhe zgjatja një kohë të gjatë të gjykimeve disi po e zbeh edhe vetë qëllimin e gjykimit, ose vetë të drejtën që e ka kërkuar pala. Në njëfarë mënyrë po le me kuptuar se edhe gjykata po është në pozitë jo shumë të mirë, sepse palët po kanë mundësi me zvarritje, shtyrje të ndryshme, me krijuar situata-në fakt nuk po mundet me ardhë deri te një vendim meritor,” tha avokati Qelaj.

Seanca e ardhshme u caktua për 26 korrik, ku në cilësinë e palës do të dëgjohen të paditurit.

Shyhrete Berisha i ka mbijetuar masakrës së familjes Berisha, të 26 marsit 1999, në të cilën asaj iu vranë bashkëshorti dhe katër fëmijët, më i riu prej të cilëve ishte nën dyvjeçar, ndërsa vetë ajo mbeti e plagosur.

Mirëpo, pas luftës, më 2001 ajo nisi një betejë gjyqësore me kunatin e saj, Xhelal Berisha, i cili i mori shtëpinë në të cilën Shyhretja kishte jetuar me familjen e saj deri në ditën e masakrës.

Edhe seanca e kaluar e këtij gjykimi e përcaktuar të zhvillohej më 6 qershor u shty për shkak të vdekjes së vjehrrës së Shyhrete Berishës. /Kallxo.com/