Tajfuni Nepartak ka goditur bregdetin perëndimor të Taiwan-it, duke lënë dy persona të vdekur dhe 66 të lënduar, njëkohësisht duke shtyrë evakuimin dhe ndërprerjen e shërbimeve të ndryshme, shkruan BBC.
Më shumë se 15,000 persona janë detyruar të lëshojnë shtëpitë e tyre, përderisa qindra fluturime janë anuluar.
Tajfuni në fjalë ka arritur me shpejtësi 198km/orë, dhe ka goditur pjesën lindore të Taitung.
Kjo stuhi pritet që të godas provincën Fujian në Kinë, mëngjesin e ditës së shtunë.
Arlind Ajeti ka firmosur kontratën me Torinon.
Nga burime pranë stafit që menaxhon futbollistin, mediat italiane kanë arritur të sigurojnë foto nga momenti i firmës me klubin italian.
Që në orët e para të mëngjesit të së enjtes, Ajeti zhvilloi vizitat mjekësore në klinikën “Medicina Dello Sport”, duke i kaluar të gjitha me sukses, ndërsa më pas takoi drejtuesit e klubit të Torinos të cilët kishin insistuar për blerjen e tij.
Atë e priste gati edhe kontrata e tij me Torinon, e negociuar një ditë më parë nga përfaqësuesit e lojtarit. Ajo do të jetë tre vjeçare, me të drejtën e zgjatjes edhe për dy vite të tjera. Nga kjo kontratë, Ajeti do të përfitojë rreth 500 mijë euro në sezon.
Aplikacioni Snapchat fillimisht ishte shumë i thjeshtë. E keni bërë një foto dhe keni dërguar tek shoqëria juaj, foto e cila është zhdukur pas disa sekondave, shkruan BBC.
Me kalimin e kohës, është shndërruar në një aplikacion për mesazhe, video e edhe lajme.
Megjithatë, ditën e enjte një padi është ngritur ndaj Snapchat-it për përmbajtje eksplicite, duke u fokusuar tek pjesa “Discover”, transmeton Klan Kosova.
Artikulli i revistës Cosmopolitan “Dhjetë gjëra që i mendon ai kur ju nuk arrini orgazmë”, është një nga shembujt në këtë padi, sa i përket përmbajtjes së gjërave në Snapchat të cilat nuk do të duhej të shihen nga personat minoren.
Përmes kësaj padie, e cila është anonime, parashtrohet ankesa që Snapchat nuk ka restrikcione për përmbajte të tilla, dhe publikohen pa paralajmërim për moshën e duhur për t’ju qasur këtyre publikimeve.
Një zjarr masiv ka kapluar qendrën e Beogradit, gjegjësisht zonën e Beogradit të vjetër në bulevardin “Milutin Milankovica”
Një barakë në afërsi të një qendre për trajtimin e kafshëve, është djegur si pasojë e motit të nxehtë që po mbizotëron në vend, shkruan Telegraf.rs, transmeton Gazeta Express.
Pronarja e qendrës “Pet Centar”, Silvana Raic ka thënë se baraka është përfshirë më zjarr për shkak se qytetarët vazhdimisht aty kanë hedhur sasi të mëdha të mbeturinave, e kështu për shkak të motit të nxehtë, u shkaktua zjarri.
Deri tani nuk është raportuar asnjë person i lënduar.
Ekipet e emergjencës tashmë janë në vendin e ngjarjes.
Beyonce shkruan letër të hapur për vrasjet e dy personave me ngjyrë: Neve nuk na duhet simpatia, por na duhet që të gjithë ta respektojnë jetën tonë.
Pas dy vrasjeve të personave me ngjyrë në SHBA, qindra yje botëror dhe politikanë i janë bashkuar thirrjes për t’i ndalur këto.
Njëjtë ka bërë edhe ylli i muzikës pop, Beyonce.
Ajo ka shkruar një letër të hapur dhe e ka postuar në websajtin e saj.
“Ne jemi të lodhur duke i parë të vdesin djemtë e rinj dhe gratë e komunitetit tonë”.
“Neve nuk na duhet simpatia, por na duhet që të gjithë ta respektojnë jetën tonë”, ka shkruar mes të tjerash Beyonce.
Liverpooli ka konfirmuar vazhdimin e kontratës me Jurgen Kloppin, duke dhënë sinjal të qartë se ai është pjesë kyçe e të ardhmes së klubit.
Klopp kishte kontratë deri më 2018, ndërsa tani ka nënshkruar kontratë që do ta mbajë atë në Anfield Road deri më 2022.
Lazio është tronditur në mëngjesin e së premtes. Marcelo Bielsa ka dhënë dorëheqje nga ekipi romak ende pa e nisur aventurën.
“Marrim veshë me habi se Bielsa ka dhënë dorëheqje duke shkelur kontratën, të nënshkruar javën e kaluar, dhe të depozituar pranë Federatës”, thuhet në njoftimin e Lazios.
“Lazio do të kërkoj t’i mbroj të drejtat e veta. Kurse, drejtimin e skuadrës Lazio ia beson Simone Inzaghit”, vazhdon njoftimi.
Valetin Spaqi nuk do të jetë më trajner i KB Rahoveci. Përmes një komunikate klubi rahovecas ka bërë të ditur se nuk është arritur marrëveshje me Spaqin, për vazhdimin e bashkëpunimit.
“Klubi Basketbollit Rahoveci dëshiron të informoj opinionin publik, se nuk është arritur marrveshje mes klubit dhe trajnerit Valentin Spaqi, për vazhdimin e bashkëpunimit. Te dyja palët pas diskutimeve janë pajtuar që të mos vazhdojnë kontratën e bashkëpunimit”, thuhet në komunikatën e klubit, përcjellë PrizrenPress.
Kryesia e KB Rahoveci, falënderon trajnerin Valentin Spaqi për gjithë punën e tij që ka bërë me klubin e që ka rezultuar edhe më hyrjen në histori, inkuadrimi në Superligë.
“Roli i trajnerit Spaqi dhe emri i tij në klubin tonë por edhe nga tërë Komuna e Rahovecit do të mbetet i shkruar në histori dhe nuk do të harrohet asnjëherë. Kryesia e Klubit Basketbollistik Rahoveci i dëshiron suksese të mëtutjeshme ku do që Valentin Spaqi, vazhdon karrierën e trajnerit në basketboll”.
Ndërkohë kryesia e klubit në mbledhjen e fundit ka analizuar edhe shqetësimet e shprehura nga lojtari i 6-të që janë tifozët konkretisht “Vreshtarët”, të cilët për asnjë moment nuk e kanë lënë skuadrën vetëm dhe kanë një rol të rëndësishëm në këtë sukses historik të klubit.
“Kryesia e KB Rahoveci dëshiron të siguroi “Vreshtarët” dhe gjithë fansat që përkrahin klubin se gjendja në skuadër është jashtëzakonisht e mirë derisa përgatitjet për sezonin e ri në Superligë kanë filluar që një kohë të gjatë. KB Rahoveci pret dhe kërkon nga gjithë fansat që të vazhdojnë të përkrahin klubin në elitën e skuadrave më të mira kosovare, pasi fansat i konsideron si faktorin kyç drejtë sukseseve të ardhshme”.
“Kryesia e Klubit Basketbollistik Rahoveci është në bisedime me trajnerin e ri i cili do të zyrtarizohet brenda disa ditësh dhe do të marrë drejtimin e skuadrës për përgatitjet për Superligë. Në të njëjtën kohë kryesia është e angazhuar që në skuadër të sjell përforcime të reja të nevojshme në mënyrë që të garojmë në nivelet e klubeve elitare në Kosovë”.
Në fund, kryesia e Klubit Basketbollistik Rahoveci, falënderon të gjithë për përkrahjen dhe njëkohësisht kërkon që ky angazhim dhe përkrahje ndaj skuadrës së zemrës të vazhdojë edhe më tutje.
“Historinë e kemi shkruar së bashku dhe do të vazhdojmë ta shkruajmë së bashku. Forca Rahoveci!” /PrizrenPress.com/
Universiteti i Prizrenit “Ukshin Hoti” sivjet do të hapë konkurs për pranimin e 1 mijë e 330 studentëve për vitin akademik 2016/2017
Ministri i Arsimit, Shkencës dhe Teknologjisë, Arsim Bajrami, ka aprovuar numrin e studentëve të rinj, të cilët do të pranohen në programet e akredituara të nivelit bachelor në universitetet publike të Kosovës.
Numri i studentëve që do të pranohen në shtatë universitetet publike të vendit për vitin akademik 2016/2017 është 15 mijë e 487, ndërsa shtesë e këtij numri do të jetë edhe kuota prej 12 përqindësh për studentët e komuniteteve joshumicë dhe në disa universitete do të ketë edhe kuota për kandidatët e viseve tjera shqiptare (Shqipëri, Luginë e Preshevës, Maqedoni, Mal i Zi), si dhe për familjarë të ngushtë të dëshmorëve të Kosovës.
Në Universitetin e Prizrenit “Ukshin Hoti” do të pranohen 1 mijë e 330 studentë, përderisa pjesa e tjetër do të kenë mundësi të regjistrohen në njërin nga gjashtë universitetet publike tjera që i ka Kosova, në qytete të ndryshme. /PrizrenPress.com/
Kryeprokurori i shtetit, Aleksandër Lumezi thotë se do i hetojnë listat e veteranëve të UÇK-së, lista këto shumë të përfolura, për shkak të rritjes së numrit të ish-luftëtarëve.
Për lajmi.net ai shpjegon se kanë autorizuar prokuroritë kompetente që të marrin veprime dhe informacione nëse është kryer ndonjë vepër penale.
“Do i hetojmë listat dhe i kemi autorizuar prokuroritë kompetente që të marrin veprime për të siguruar informacione nëse është kryer ndonjë vepër penale lidhur me procesin e përfitimit të statusit të veteranëve”, thotë kryeprokurori.
I pyetur nëse kanë presion nga politika, ai as që pret diçka të tillë.
Madje, thotë se po i mbrojnë ata që me të vërtetë kanë luftuar në luftën e fundit në Kosovë.
“Nuk pres asnjë presion nga politika, sepse jemi duke i mbrojtur të gjithë ata që kanë dhënë kontribut për luftën e Kosovës dhe të cilët e meritojnë statusin e veteranit të luftës”, thotë Lumezi.
Ky hetim nuk ka të bëjë me ata persona që kanë dhënë kontribut në UÇK, por ky hetim është i drejtuar ndaj atyre individëve që kanë kryer keqpërdorime eventuale duke dhënë dëshmi të rrejshme apo duke paraqitur dokumentacion fiktiv të falsifikuar për të përfituar statusin e veteranit të luftës. Nëse konstatohet një gjë e tillë personat e caktuar do të përballen me ligjin, pavarësisht pozitës që kanë apo kanë mundur ta kenë gjatë një periudhe historike në të kaluarën.
Ndryshe, lista e verifikuar e veteranëve prej 46 mijë vetash, është paralajmëruar se mund të zgjerohet edhe më shumë kur tu shtohet edhe lista e invalidëve edhe lista e tjerëve që kanë përkrah.
Por, ky numër i veteranëve ka muaj që ka ngjallur shumë reagime nga të gjithë, madje edhe nga vet ish-luftëtarët që dihet sigurt që kanë qenë pjesë e luftës. /lajmi.net