31.3 C
Prizren
E diel, 3 Gusht, 2025
type here...
Home Blog Page 6434

Rami Berisha, ftohet në gjykatë

admin
-
0
Rami Berisha, ftohet në gjykatë

Gjykata Themelore në Prizren ka ftuar gazetarin Rami Berisha, të argumentojë akuzat, që ka bërë në drejtim të Drejtorisë së Arsimit në Prizren.

Lajmin e ka konfirmuar vet Berisha në Facebook.

“Një gjyqtar më ka ftuar që t’i jap argumentet e mia, kundër një padie që e paska bërë kundër meje drejtori i Arsimit në Prizren”, ka shkruar Berisha.

Ai ka paralajmëruar se do t’i publikojë të gjitha faktet.

Drejtori i Arsimit në Prizren, Nexhat Çoçaj dhe gazetari Rami Berisha vitin e kaluar u patën “pajtuar” që akuzat për punësim me ryshfet dhe me ndikim të Kadri Veselit t’i sqarojnë në gjykatë.

Çoçaj, pas akuzave pat ngritur padi kundër Berishës. /PrizrenPress.com/

Pajtohen dy familje në Prizren

admin
-
0
Pajtohen dy familje në Prizren

Familja Nuhiaj nga fshati Gjonaj, ia ka falur gjokun familjes Kadriaj nga Vërmica e Prizrenit. Pajtimi i këtyre dy familjeve është bërë falë angazhimit të Sheh Përparim Shehut, pesë vjetë pas vrasjes se Ferat Nuhiaj nga Elez Kadriaj.

Familjarët janë shperhur të gëzuar për arritjen e pajtimit.

Gjykata Themelore në Prizren në vitin 2014, ia ka shqiptuar 14 vjet burg të akuzuarit Elez Kadrijaj, për shkak të vrasjes së dhëndrit Ferat Nuhiaj, përderisa tre djemtë e tij për pjesëmarrje në rrahje janë dënuar me gjobë ne shumën 6 mijë euro.

Gjykatësja Raima Elezi në kuadër të Departamentit për Krime të Rënda, shpalli fajtor Elez Kadrijaj nga fshati Vërmicë e Prizrenit i cili më 2 janar të vitit të kaluar pas një përleshje pat vrarë me pistoletë dhëndrin e tij, F. Nuhiaj nga fshati Gjonaj.

Mosmarrëveshjet familjare, quan në konflikt ndërmjet Elez Kadriajt dhe djemve të tij, Demir Kadrijaj, Besnik Kadrijaj, Hidajet Kadrijaj
Siç kishte vlerësuar Prokuroria e tëra është shkaktuar për motive të ulta, ndërsa vrasja pat ndodhur në oborrin e qendrës tregtare “Ben-Af” në Prizren, pas një zënke që kishte filluar në brendi të këtij kompleksi afarist./PrizrenPress.com/

Aksident të rrethi në Prizren (Foto)

admin
-
0
Aksident të rrethi në Prizren (Foto)

Si pasojë e rrëshqitjes ka ndodhur një aksident në Prizren. Në rrethin kryesor, në Bazhdarhane, disa vetura janë përplasur duke e bllokuar komunikacionin.

Pas dëmtimeve materiale një veturë është bartur me merimangë.

Reshjet e borës dhe temperaturat e ftohta kanë shkaktuar shumë aksidente në Kosovë.

Fotot janë dërguar në redaksinë e Gazetës Express.

rrethi

Aksident në autostradën “Ibrahim Rugova” – rrotullohet një kamion

admin
-
0
Aksident në autostradën “Ibrahim Rugova” – rrotullohet një kamion

Në autostradën “Ibrahim Rugova”, para pak minutash ka ndodhur një aksident rrugor, në të cilin një kamion ka goditur shtyllën e metalit e cila e ndan autostradën në mes.

Telegrafi i ka siguruar fotot të cilat tregojnë se kamioni më të goditur shtyllën metalike është rrokullisur.

SBASHK-u ‘ultimatum’ Qeverisë

admin
-
0

Sindikata e Bashkuar e Arsimit Shkencës dhe Kulturës (SBASHK) me rastin e fillimit të gjysmëvjetorit të dytë të vitit shkollor 2015/2016 u është drejtuar me anë të një komunikate mësimdhënësve, duke ua rikujtuar se mbetet e përkushtuar për realizimin e kërkesave të tyre “të drejta që lidhen me Ligjet mbi arsimin, mbi punën, pensionet dhe kërkesat nga Kontrata Kolektive”.

Kjo sindikatë e porosit Qeverinë se “nëse edhe fundi i janarit na gjen në pozitë të njëjtë dhe me të njëjtat shqetësime”, do të detyrohet të ndërmarrë veprime sindikale, përkundër përkushtimit që çështjet t’i zgjidhë me dialog.

“SBASHK-u duke shprehur vullnetin tuaj edhe në muajin janar do t’i përkushtohet dialogut me institucionet përkatëse në nivel qendror e lokal me qëllim që bashkërisht t’i tejkalojmë ngecjet. Edhe një herë i bëjmë ftesë publike ministrit të Punës dhe Mirëqenies Sociale, z. Arban Abrashi, që të gjejë kohë për takim me SBASHK-un për t’i sqaruar çështjet pse nuk po zbatohet ligji për pensionet kontributdhënëse , konkretisht neni 8, pika 6 për punëtorët e arsimit.

SBASHK-u edhe një herë kërkon nga Qeveria e Kosovës që sa më shpejt të miratojë në Qeveri dhe të procedojë në Kuvend Ligjin për punëtorët shqiptarë të arsimit p ër vitet 90-99, pas ky dokument si projektligj ka arritur tani e tre muaj në Qeveri. Apelojmë edhe të ministri i Financave, z. Avdulla Hoti që me kohë të veprojë në listat e pagave për ngritjen e viteve të përvojës së punës edhe për një vit në mënyrë që të punësuarit në arsim me pagat e muajit janar të gëzojnë shtesën për një vit përvoje më shumë karshi pagave të muajit dhjetor 2015.

SBASHK-u si gjithmonë edhe tani e tutje zgjedh rrugën e dialogut, por nëse edhe fundi i janarit na gjen në pozitë të njëjtë dhe me të njëjtat shqetësime pa dëshirën tonë do të jemi të shtrënguar të marrim veprime sindikale. Me këtë rast kërkojmë edhe nga Këshilli i prindërve të Kosovës dhe gjithë shoqëria civile që t’i bashkëngjiten angazhimeve tona që çështjet të zgjidhen me dialog në mënyrë që të mos vije deri të dëmtimi i procesit mësimor.

SBASHK-u që në ditën e parë të mësimit në këtë gjysmëvje tor ka marrë informacione nga Qendra e Kompetencës në Malishevë lidhur me problemet e krijuara atje dhe lidhur me grevën e nisur. Apelojmë te institucionet përkatëse që të angazhohen e ta zgjidhin problemin e krijuar në këtë Qendër në mënyrë që mësimdhënësit t’i kthehen procesit mësimor dhe nxënësit mos të pësojnë nga shkaku i gjendjes së krijuar”, thuhet në komunikatën e SBASHK-ut.

Dy filma të shumëpritur nga Tornatore e Yates

admin
-
0
Dy filma të shumëpritur nga Tornatore e Yates

Regjisori italian, fitues i çmimit Oscar, kthehet sërish tek triller-i psikologjik i cili duket se i shkon për shtat stilit të tij, me ndihmen e një kasti ndërkombetar: Jeremy Irons dhe Olga Kurylenko.

Filmi flet për historinë e një studenteje universitare e cila punon si dublante akrobatike për televizionin dhe kinemanë në skena me rrezikshmeri të lartë dhe ku figuranti të cilin ajo dublon ka gjithmonë një fund tragjik. Ajo ndjen kënaqësi të veçante teksa rihap sytë pas çdo vdekje skenike. Por një ditë profesori i astrofizikës me të cilin ajo është e dashuruar zhduket pa lënë gjurmëe edhe pse vazhdon t’i dërgojë mesazhe.

Ky do të jetë edhe fillimi i një hetimi shumë personal për personazhin. Filmi shënon gjithashtu një tjetër veçori bashkëpunimi siç është ajo midis mjeshtrit Ennio Morricone dhe regjisorit Tornatore, si vazhdim i një idil-i të nisur vite më parë, konkretisht në 1988 me filmin “Nuovo cinema Paradiso” për të vazhduar pastaj me plot 10 filma të tjerë së bashku.

“Kafshet fantastike ku t’i gjejmë?” i David Yates është filmi i regjisorit i cili ka drejtuar me herët katër prej episodeve të sages së Harry Potter dhe që botën e kësaj natyre të rrëfimtarisë filmike e njeh mjaft mirë. Pjesë e kastit janë aktorë fitues të çmimit “Oscar” si Eddie Redmayne, Erza Miller, Samantha Morthon, Collin Farell, Ron Perlman dhe shumë të tjerë.

Ngjarjet zhvillohen 70 vjet përpara Harry Potter dhe aventurave të miqve të tij. Producenti është shprehur se filmi i ngjan shumë episodit të katert të sagës për nga stili, “Harry Potter dhe kupa e zjarrtë”.

“Ky nuk është një musical por ka humor sikur të ishte i tillë – ka deklaruar ai për revisten “Entertainment Weekly”- është një komedi romantike me humor të veçantë”.

Arbër Rexhaj, kuvendari më aktiv në Prizren

admin
-
0
Arbër Rexhaj, kuvendari më aktiv në Prizren

Instituti Demokratik i Kosovës (KDI) përmes një konference për media ka publikuar “Fletënotimin” i cili përmban analizë dhe notim për punën individuale të 41 anëtarëve të Kuvendit të Komunës së Prizrenit dhe subjekteve politike të përfaqësuara në këtë institucion.

Qëllimi i publikimit të këtij Fletënotimi është informimi i paanshëm dhe objektiv i qytetarëve për punën e të zgjedhurve të tyre gjatë mbajtjes së seancave të Kuvendit të Komunës së Prizrenit në periudhën Janar-Dhjetor 2015, notim ky i bazuar në nëntë shtylla të vlerësimit.

Naim Cahani nga KDI, duke vazhduar me dhënien e rezultateve tha se “anëtarët që kanë treguar rezultate më të mira në të gjitha kategoritë në këtë periudhë jenë: Arbër Rexhaj (LVV) me 13.3 %, Mybera Mustafa (LDK) me 8.7 % dhe Naser Bresa (AKR) me 7.0 % të notimit të përgjithshëm”.

Anëtarët që kanë treguar rezultatet më të dobëta janë: Merdzan Osmani (CDU) me 1.0 %, Shukri Quni (PDK) me 0.5 %, Kastriot Krasniqi (PDK) me 0.7%, Agnesa Bytyqi (PDK) me 0.7 %, Sehare Maliqi (PDK) me 0.2 %, Seladin Xhaferi (LDK) me 0.3 %, Nexhat Bytyqi (LDK) me 0.4 %, Munir Basha (PK) me 0.5 %, Azzam Dida (PD) me 0.5 %, Ermira Jonuzi (NDS) me 0.4 %, dhe Cemil Luma (KTAP) me 0.6 %

Duke vazhduar më tej, Cahani tha se “në këtë periudhë anëtarët e Kuvendit e Komunës në Prizrenit kanë ngritur gjithsej 539 çështje, prej të cilave 55 % nga fusha me interes për qytetarët e Prizrenit ndërkaq 45 % e çështjeve të iniciuara kanë qenë të lidhura me aspekte procedurale të punës së organeve të Komunës së Prizrenit”.

Lidhur me ngritjen e çështjeve, anëtarët më aktiv kanë qenë Arebër Rexhaj (LVV) me gjithsej 12.2 %, i përcjellë nga Mybera Mustafa (LDK) me 11.7 % dhe Alush Shala (PDK) me 6.3 % të çështjeve të ngritura.

Gjatë kësaj periudhe, anëtarët kanë propozuar 19 pika për rend pranë këtij institucioni, 5 prej të cilave nga Arbër Rexhaj (LVV), Alush Shala (PDK) dhe Artan Abrashi (LVV) me nga 3 propozime, Mybera Mustafa (LDK), Naxhije Memaj (LDK), Muso Salihi (VAKAT) me nga 2 propozime, ndërsa Cemil Luma (KTAP) dhe Kujtim Gashi (PDK) me nga 1 propozim për rend dite.

Sa i përketë propozimit për amandamentim të rregulloreve komunale, në këtë periudhë janë dhanë gjithsejtë 35 propozime. Nga këto, LVV me 48.6 %, AKR me 22.9 %, PDK me 14.3 %, Pavarur me 8.6 % dhe LDK me 5.7 % të propozimeve për amendamentim. Anëtarët më aktiv në propozimin e amendamenteve në seancat e mbajtura kan qenë: Drita Millaku (LVV) me 34.3 % dhe Naser Bresa (AKR) me 22.9 % të propozimeve të përgjithshme për amandamentim – përfundoj Cahani.

Fesitina Kabashi nga KDI vazhdoj me të dhënat tjera ku potencoi faktin e propozimeve të disa rregulloreve komunale për miratim pranë Kuvendit të Komunës në këtë periudhë. Arbër Rexhaj (LVV) ka propozuar 3 Rregullore për miratim, Naser Bresa (AKR) dhe Ganimete Hoxha (BD) kanë dhënë nga 2 propozime dhe Skender Susuri (BD) ka dhënë një propozim për miratim të rregulloreve komunale.

Duke vazhduar me tej tha se “gjatë seancave të mbajtura në periudhën Janar-Dhjetor 2015 anëtarët e kuvendit të komunës kanë bërë gjithsej 321 pyetje, nga të cilat 73 % kanë qenë të lidhura me interesin e qytetarëve të Komunës së Prizrenit ndërsa 27 % e pyetjeve kanë qenë të lidhura me aspekte procedurale të punës së organeve të Komunës së Prizrenit”.

Derisa anëtarët më aktivë në parashtrimin e pyetjeve në këtë periudhë kanë qenë: Arbër Rexhaj (LVV) me 19.3 % dhe Naser Bresa (AKR) me 10.3 % të pyetjeve të përgjithshme.

“Në Kuvendin e Komunës së Prizrenit në seancat e mbajtura në periudhën Janar-Dhjetor 2015 është vërejtur një mos pjesëmarrje e anëtarëve në seanca ku janë shënuar 25 raste të mungesës së anëtarëve në seancat e këtij institucioni” – përfundoj Kabashi.

Fletënotimi për periudhën Janar-Dhjetor 2015 është përgatitur në kuadër të projektit “Përfshirja e qytetarëve për transparencë dhe llogaridhënie” projekt i mbështetur nga The Olof Palme Centre (OPIC). /PrizrenPress.com

Gjirokastra kërkon shtatore për Kadarenë

admin
-
0
Gjirokastra kërkon shtatore për Kadarenë

Në përvjetorin e lindjes, Bashkia e Gjirokastrës e shpall 2016-n “Viti Kulturor Ismail Kadare”

Bashkia e Gjirokastrës, nëpërmjet kryetares së saj zonjës, Zamira Rami, e ka shpallur vitin e ri 2016 si “Viti kulturor Ismalil Kadare”, në nderim dhe respekt të 80-vjetorit të lindjes së gjeniut të letrave shqipe, shkrimtarit të madh të lindur në qytetin e Gjirokastrës në 28 janar të vitit 1936. “Qyteti i Gjirokastrës është jo vetëm vendlindja e shkrimtarit tonë të madh e të jashtëzakonshëm, por edhe objekti dhe subjekti i krijimtarisë dhe disa prej veprave të tij më të përkryera letrare, prandaj kemi detyrimin, privilegjin dhe nderin e madh të çelim siparin e nderimit të tij në këtë përvjetor, të promovojmë e organizojmë të gjitha eventet e duhura për t’i dhënë të gjithë vëmendjen, dashurinë e mirënjohjen e merituar këtij kolosi të letërsisë shqiptare e botërore”, u shpreh për gazetën “Shqip” kryebashkiakja Zamira Rami.

Vetë Kadare i ka dhënë gjithmonë një vend, një peshë dhe një vlerësim të veçantë mesazheve dhe nderimeve nga vendlindja, mandej në një intervistë të tij në vitin 2000 dhënë në mediat lokale të Gjirokastrës dhënë me rastin e dhënies së titullit “Nderi i Gjirokastrës” shkrimtari është shprehur: “Ndihem i prekur dhe shumë i nderuar. Kjo vjen, sepse të gjitha nderimet që mund të ketë një shkrimtar, nderimet në vendin e vet, ose në vende të tjera, kanë diçka të mangët, në qoftë se mungon ai, nderimi fillestar, mungon vlerësimi i qytetit të lindjes, i vendit ku ai ka parë për herë të parë botën me sy…”.

Sipas kryetares së bashkisë, Rami, në janar dhe gjatë gjithë vitit 2016, tashmë të shpallur “Viti Kulturor Ismail Kadare” do të organizohen veprimtari të shumta kulturore, të cilat do të fokusohen te jeta, krijimtaria dhe personaliteti i këtij shqiptari dhe gjirokastriti të madh, personaliteti më i shquar dhe më i njohur shqiptar pas Nënë Terezës. “Të gjitha ngjarjet kulturore, të gjitha veprimtaritë festivalet, ekspozitat, shfaqet, premierat e teatrit do të kenë si atribut të tyre jetën dhe krijimtarinë e shkrimtarit, përkushtimin dhe ndjeshmërinë e tij krijuese ndaj vendlindjes, qytetit të gurtë që ai nëpërmjet veprave të tij letrare e bëri të njohur në të gjithë botën”, u shpreh Rami.

Bashkia Gjirokastër në bashkëpunim me Ministrinë e Kulturës, institucionet dhe shoqërinë civile vendore, janë duke hartuar në programe të përbashkëta veprimtarish për të realizuar bashkërisht disa veprimtari kulturore të përmasave kombëtare dhe mbarë shqiptare, sikurse është rijetëzimi i shtëpisë së lindjes së shkrimtarit, ngritja e librarisë “Kadare” në zonën historike të qytetit dhe të një muzeu të jetës dhe veprës së shkrimtarit Ismail Kadare në banesën e tij të lindjes. Sipas Drejtorisë së Kulturës së Bashkisë Gjirokastër është hartuar një kalendar aktivitetesh sipas të cilit muaji janar 2016 do të jetë muaji ku çdo ditë e tij do të ketë veprimtari dedikuar personalitetit dhe krijimtarisë së shkrimtarit, ndërkohë që trupa e teatrit profesionist do ngjisë në skenë një përshtatje skenike të romanit “Darka e gabuar” të Kadaresë, piktori i njohur me origjinë nga Gjirokastra, Bashkim Ahmeti, do të çelë ekspozitën me krijimtarinë e tij të “Kadare dhe Gjirokastra”. Gjithashtu është menduar organizimi i Festivalit Poetik “Ca pika shiu ranë mbi qelq”, ndarja e Çmimit Letrar “Kadare” në Gjirokastër, organizimi i një panairi mbarëkombëtar të artizanatit dhe suvenire me emrin, firmën dhe portretin e shkrimtarit Kadare. Vetë kryetarja e bashkisë, Zamira Rami, ka deklaruar se bashkia do t’i propozojë këshillit bashkiak miratimin së shpejti të nismës për ngritjen e shtatores së shkrimtarit të shquar në një nga sheshet kryesore të qytetit Gjirokastër, ndërkohë që ajo në emër të qytetarëve të Gjirokastrës, u ka bërë thirrje të gjitha institucioneve kulturore, arsimore dhe akademike të Universitetin “Eqrem Çabej” shkollat 9-vjeçare e të mesme, që ta bëjnë pjesë kryesore të veprimtarive të tyre kulturologjike, Nderimin e Mirënjohjen për veprën e shkrimtarit Ismail Kadare.

Shkrimtari i madh që prej vitesh qëndron në majën e listës së kandidatëve të nominuar për çmimin “Nobel” të letërsisë nga Akademia Suedeze e këtij çmimi, krijuesi që arriti të japë vepra të mëdha, duke e bërë të njohur kështu Shqipërinë, historinë dhe kulturën e saj në gjithë botën, Ismail Kadare lindi më 28 janar të vitit 1936 në Gjirokastër. Ai është sot shkrimtari më i njohur dhe më i përkthyer shqiptar në rreth 50 gjuhë të ndryshme të botës. /Gazeta Shqip

Rrugët e Rahovecit, të kalueshme

admin
-
0
Rrugët e Rahovecit, të kalueshme

Gjendja aktuale e rrugëve në territorin e komunës së Rahovecit është e mirë dhe të gjitha rrugët janë të kalueshme.

Drejtori i Drejtorisë së Shërbimeve Publike në Rahovec, Feim Fetoshi bënë të ditur se mund të ketë vështirësi në ndonjë pjesë të rrugëve në zonat malore, por kryesisht ato janë të kalueshme për qarkullimin e automjeteve.

Ai tha se kompania e angazhuar për mirëmbajtjen e rrugëve për sezonin dimëror, është në gatishmëri sa i përket gjendjes së krijuar në terren.

Fetoshi apelon tek të gjithë qytetarët pjesëmarrës në komunikacion dhe drejtuesit e automjeteve t’i përshtaten kushteve të rrugës. /PrizrenPress.com

Haradinaj: 2016, viti i kthesës së madhe

admin
-
0
Haradinaj: 2016, viti i kthesës së madhe

Lideri i Aleancës për Ardhmërinë e Kosovës Ramush Haradinaj ka thënë se 2016 do të jetë vit i kthesës së madhe.

Haradinaj më tutje ka thënë se opozita ne ngulm kërkon heqjen e nënshkrimeve nga marrëveshjet e kontestuara.

“E nëse kjo nuk ndodh duhet të ketë dorëheqje, nëse nuk anulohen ujditë atëherë qeveria po e anulon veten”, tha Haradinaj pas bëri homazheve tek kompleksi memorial i familjes Jashari në Prekaz, njofton Klan Kosova.

1...6 4336 4346 435...8 804Page 6 434 of 8 804

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne