Shqiptari Zeqir Rexhaj nga Korisha e Prizrenit me vendbanim në Wohlen të Argaut është nderuar nga Konfederata e Zvicrës- Fondacioni për kërkim shpëtim të jetës të pilotit zviceran.

Rexhaj vitin e kaluar ka shpëtuar pilotin zviceran i cili ishte rrëzuar me një avion të vogël dhe kishte tërhequr pilotin nga avioni që po digjej.

“Konfederata e Zvicrës- Fondacioni për kërkim shpëtim të jetës në Bern e nderon Z. Zeqir Rexhaj nga Korisha e Prizrenit me vendbanim në Ëohlen të Argaut me Diplomë nderi për humanizmin, trimërin dhe guximin e treguar në shpëtimin e pilotit zvicerar.

Siq dihet vitin e kaluar z.Zeqir Rexhaj shpëtoi pilotin zviceran i cili ishte rrëzuar me një avion të vogël.

Ngjarja kishte ndodhur në komunën Muhen të kantonit Aargau në të cilën ishte rrëzuar një avion i vogël, pas rrëzimit avioni është përplasur me një veturë dhe me atë rast kanë pësuar lëndime të rënda piloti dhe drejtuesja e veturës. Për heroizmin e z. Rexhaj patën shkruar dhe raportuar edhe mediumet zvicerane.

Shqiptari Zeqir Rexhaj nga qyteti Ëohlen, kishte tërhequr pilotin nga avioni që po digjej. Pa ndihmën e tij piloti ndoshta nuk do të kishte mbijetuar. Z. Zeqir Rexhaj tregon se ishte duke shkuar nga puna në shtëpi, kur ndodhi tragjedia. «Befas në anën e djathtë pashë një avion duke fluturuar shumë ulët. M’u duk e çuditshme, sepse aty afër nuk kishte pistë”, tregon për ngjarjen. Gjatë rrëzimit avioni u përplas me një veturë, duke e rrokullisur atë.

“E ndala menjëherë veturën dhe vrapova te vendi i aksidentit. Pasi pashë që avioni po digjej dhe gruaja në veturë nuk ishte drejtpërdrejtë në rrezik, vendosa t’i ndihmoj pilotit. Z. Rexhaj duke kujtuar këtë ngjarje tregon “se piloti nuk kishte më forcë të dilte nga avioni dhe flakët kishin përfshirë edhe trupin e tij.

Unë thjesht reagova dhe e kapa për koke duke e tërhequr nga avioni”.

Për fat të keq piloti pas një dite nuk mund të mbijetoj plagëve të marrura nga djegiet”, thuhet në njoftimin për media.

Ish-komandanti i UÇK-së dhe Zonës së Dytë të TMK-së në Prizren, Selim Krasniqi thotë se listat e veteranëve të luftës janë manipuluar. Sipas tij, në lista janë futur servilët dhe bashkëpunëtorët e Serbisë.

“Në këto lista ka kundërshtarë të luftës, të cilët gjatë kësaj kohe janë pasuruar”, shkruan Krasniqi në Facebook,transmeton PrizrenPress.
“Kam bindjen që në këto lista ka edhe servil e bashkëpunëtorë të Serbosë”.

Krasniqi thotë se personalisht do të kishte dëshirë që gjatë luftës numri i luftetarëve të tejkalonte numrin aktual të veteranëve.

“Mirëpo, realiteti është se nuk ishte një numër kaq i madh, edhe pse të gjithë këta persona që kanë hyrë tani në këto lista e kanë pasur mundësinë e të drejtën që të rreshtoheshin në radhët e UCK-së”.

“Si shumë punë e veprime të mbrapshta, besoj fuqishëm që lista e veteranëve është punë e veprim i njerëzve që duan ta denigrojnë figurën e veteranit të vërtetë”.

“Kam bindjen se disa edhe përfituan materialisht, kurse dikush po përpiqet edhe të siguroi sa më shumë vota në këtë mënyrë të mbrapsht etj”.

“Është turp për ata që manipuluan dhe përfituan në këto raste”.

Ish-komandanti i UÇK-së Krasniqi, mendon se listat e veteranëve kanë mundur të përpilohen shumë thjeshtë dhe në mënyrë reale.

“Këto lista ka qenë fare e thjeshte të përpilohen po të kishte dëshirë dhe vullnet”./PrizrenPress.com/