Një shqiptar 37 vjeç, është vrarë në banesën e tij në provincën e Carpeneda di Vobarno në Breshia të Italisë, ndërsa në shtëpi ndodhej e shoqja dhe kunati i tij.
Shqiptari një punëtor krahu, identiteti i të cilit nuk është bërë i ditur, është vrarë me thikë ndërsa dyshimet e para bien mbi kunatin e tij.
Sipas mediave italiane që citojnë burime nga grupi hetimor, vrasja ka ndodhur në orën 13.30 dhe bëhet fjalë për një ngjarje të ndodhur gjatë një sherri familjar, por ende nuk është zbardhur dinamika e krimit.
Kunati i viktimës, është i vetmi që ka qëndruar në shtëpi pas krimit dhe aktualisht po merret në pyetje nga policia, ndërsa bashkëshortja është e shtruar në spital si pasojë e gjendjes së shokut.
Fqinjët tregojnë se familja ishte e qetë dhe nuk kishte patur asnjëherë situata problematike./tvklan.al