Luljeta Veselaj-Gutaj, deputete nga radhët e Partisë Demokratike të Kosovës, thotë se me nënshkrimin e MSA-së, Kosova bëri hapin e parë më të rëndësishëm drejt anëtarësimit në Bashkimin Evropian. Ajo thotë se Kosova bëri progresin më të madh politik dhe historik në rrafshin ndërkombëtar drejt rrugës së integrimit në familjen evropiane, drejt vlerave evropiane dhe transatlantike.

Sipas Veselaj-Gutaj, kjo është meritë dhe dëshmi e suksesit të Institucioneve të Kosovës dhe gjithë qytetarëve të vendit.

“Me nënshkrimin e MSA-së, Kosova bëri hapin e parë më të rëndësishëm drejt anëtarësimit në Bashkimin Evropian, bëri progresin më të madh politik dhe historik në rrafshin ndërkombëtar drejt rrugës së integrimit në familjen evropiane, drejt vlerave evropiane dhe transatlantike. Pa kontestueshëm është meritë dhe dëshmi e suksesit të Institucioneve të Kosovës dhe gjithë qytetarëve të vendit, ky angazhim dhe përkushtim serioz i Institucioneve të Kosovës është dëshmia më e mirë drejt realizimit të synimeve dhe prioriteteve në proceset integruese që do të sjellin përfitime ekonomike, gjeostrategjike, politike në raport me vendin tonë”, tha Veselaj-Gutaj.

“Sigurisht, gjatë këtij procesi dhe gjitha proceseve tjera integruese, Kosova padyshim do të has në vështirësitë nga politikat kundërshtuese joaleate, por që nga çlirimi i vendit tonë, synimi, orientimi apo rreshtimi ynë si shoqëri ka qenë dhe është integrimi në vlerat evropiane dhe transatlantike dhe ja ky është vetëm fillimi i realizimit të synimeve tona, ky është akt përfitimi nga kjo marrveshje kontraktuale me Bashkimin Evropian dhe garantuesit aleat të implementimit të kësaj marrveshjeje”.

“Në kontestin politik po e ritheksoi se është akt historik për vet faktin se nga tash e tutje Kosova me Bashkimin Evropian ka vendosur raporte kontraktuale, ne si shtet kemi vënë gurthemelin për obligimet dy palëshe që deri më tani ka qenë inekzistente, gjithashtu duhet marr shumë positive këtë çasje të BE-së, pa përjashtuar asnjë shtet të Bashkimit Evropian, për të cilën mund të nënkuptojmë apriori se edhe ato vende që ende nuk na kanë njohur, kanë filluar së menduari ndryshe për shtetin tonë të ri, përfundimisht esenciale është miratimi i kësaj marrëveshje nga BE-ja”.

“Institucioneve të Kosovës i mbetet që të punojnë shumë drejt rrugës së integrimit në BE-së, sa më shumë që do të punojmë aq më tepër do të përmbushen obligimet që dalin nga kjo marrëveshje”.

“Kosova asnjëherë më shumë ska pas nevojë që të ketë institucione stabile dhe unike rreth konsolidimit të shtetsisë, anëtarësimi i Kosovës në të gjitha organizatat ndërkombëtare si procese të domosdoshme dhe si obligime që ja kemi vendos vetes si shoqëri,vetëm se e forcojnë subjektivitetin tonë ndërkombëtar”.

“Sot është një ditë e madhe sepse Kosova filloi një epokë të re, andaj me këtë rast përgëzime për të gjithë qytetarët e Republikës së Kosovës”. /PrizrenPress.com

Kryetari i Lidhjes Demokratike të Kosovës, Isa Mustafa, i ka dërguar të hënën një telegram ngushëllimi familjes Rexhaj, me rastin e vdekjes së Sefer Rexhajt, anëtar i Kryesisë së Degës së LDK-së në Prizren.

“E nderuara familje Rexhaj, me rastin e vdekjes së veprimtarit të LDK-së, Sefer Rexhaj, ju lutem pranoni ngushëllimet e mia dhe strukturave të LDK-së, për humbjen e anëtarit të familjes. Kjo nuk është një humbje vetëm e familjes tuaj, por edhe e LDK-së dhe Prizrenit, pasi që kontributi i Tij, në strukturat e partisë dhe veprimtarisë në përgjithësi, zë një vend të merituar dhe të respektuar.

Dega e LDK-së në Prizren dhe gjithë strukturat e saj do ta kujtojnë Seferin si një veprimtar të devotshëm dhe të palodhshëm, në shërbim të qytetarëve të Kosovës. Kontributi i tij ka lënë gjurmë në strukturat e partisë në Prizren dhe më gjerë”, thuhet në telegramin e ngushëllimit të kryetarit të LDK-së, Isa Mustafa. /PrizrenPress.com

Kuvendi i Kosovës me shumicë votash ratifikoi Marrëveshjen e Stabilizim Asociimit me Bashkimin Evropian.

Me 86 vota ‘për’ deputetët e pranishëm në sallë votuan për ratifikimin e kësaj marrëveshjeje, e cila u cilësua si shumë e rëndësishme për Kosovën.

Në sallë ishin prezent 87 deputetë.

“Urime të gjithë qytetarëve të Kosovës”, u shpreh Kryetari i Kuvendit, Kadri Veseli.

Në votim nuk morën pjesë tri partië opozitare, të cilat lëshuan seancën menjëherë pas fjalimeve të tyre.

Deputetët e Lëvizjes Vetëvendosje, ata të AAK-së dhe Nismës, sapo kanë lëshuar seancën e cila po zhvillohet për projektligjin për ratifikimin e MSA-së.

Përderisa në foltore u thirr deputeti Ilir Deda, kolegët e tij të opozitës kanë lëshuar sallën.

Qysh në fillim deklaruan se opozita nuk do ta bllokojë ratifikimin e marrëveshjes, por, që nuk do të jetë në seancë për ta votuar, pasi që ka vota të mjaftueshme për ta bërë këtë.

Shefi i Grupit Parlamentar të Vetëvendosjes, Glauk Konjufca, deklaroi në seancën e sotme se MSA është një pako kushtesh të cilat nëse nuk plotësohen atëherë nuk ka integrime evropiane.

“Nëse në një shtet ka qeveri të korruptuar, të paaftë për ta luftuar krimin dhe korrupsionin, nëse qeveria e kontrollon drejtësinë dhe i ka kapur institucionet shtetërore atëherë procesi prej MSA’së deri te anëtarësimi ngrihet tërësisht”, u shpreh Konjufca, i cili mori shembull Maqedonin e cila ka marrë shumë vite më parë MSA’në por që për shkak të korrupsionit dhe qeverisjes së Gruevskit ka ngecur në përmbushjen e kritereve të kërkuara.

“Qeveria e Gruvskit më së shumi i ngjanë Qeverisë sonë”.

Konjufca tha se dy shtetet janë në bisht të integrimeve evropiane. Bosnja dhe Kosova.

“MSA erdhi vetëm për shkak të Marrëveshjeve të Kosovës me Serbinë. E këtë marrëveshje nuk bazohen në reciprocitete shtetëror. Me to Beogradit po i krijohet një instrument i fuqishëm në vendin tonë”, u shpreh Konjufca./Politiko.net