Marrja e më shumë kompetencave nga gjyqtarët vendorë po përcillet me pakënaqësi nga gjyqtarët e EULEX-it, për shkak të kthimit në rigjykim të lëndëve që i kanë udhëhequr këta të fundit.

Nga 38 lëndë, që në shkallë të parë janë gjykuar nga gjyqtarët ndërkombëtarë, 10 janë kthyer në rigjykim nga gjyqtarët e Gjykatës së Apelit në Prishtinë, ku në përbërjen e kolegjeve kanë qenë dy gjyqtarë vendorë dhe një ndërkombëtar.

“Me ndryshimet ligjore dhe me marrjen e më shumë kompetencave nga vendorët në kolegje, tashmë janë në përbërje dy gjyqtarë vendorë dhe një ndërkombëtar. Kur të bëhet vendosja për lëndë, vendimi merret pas votimit.

Në shumë raste vërehet se në shkallë të parë nuk ka pasur profesionalizëm dhe ka pasur shkelje të shumta të procedurave, andaj nuk i kemi mbyllur sytë karshi këtyre shkeljeve, por lëndët i kemi kthyer në rigjykim”, ka thënë për “Zërin” një punonjës vendor i Gjykatës së Apelit.

Rasti i cili është kthyer në rigjykim së fundmi nga gjyqtarët vendorë është ai i kryetarit të Komunës së Prizrenit, Ramadan Muja. /Zëri

Një person ka humbur jetën dhe një tjetër është lënduar rëndë, teksa po merreshin me sigurimin e druve për djegie. Ngjarjet kanë ndodhur në dy lokacione të komunës së Dragashit, ku policia ka kryer hetimet për të mësuar shkaqet e aksidenteve.

Rasti më i rëndë ka ndodhur në fshatin Brezne, ku edhe ka humbur jetën një person, teksa po e priste një lis i cili, duke rënë përtokë e ka zënë të ndjerin.

Ndërkaq, rasti i dytë ka ndodhur në fshatin Shajnë, kur dy vëllezër i kishin sjellë drutë deri në prag të shtëpisë, por në një çast shkëputet rimorkioja e traktorit dhe pëson lëndime të rënda personi që ishte hipur në të.

Policia e Kosovës, përmes një komunikate, ka raportuar për ngjarjen, duke sqaruar se janë kryer të gjitha hetimet, të cilat janë vlerësuar si aksidente. Ndërkaq, njofton se viktima është shpënë në QKUK në Prishtinë, nga ku raportohet se ende mbetet në gjendje kome. /Radio Sharri

Më 14 qershor të vitit 1999, një njësi e Ushtrisë Çlirimtare të Kosovës kishte arritur që të zbraps forcat serbe nga fshati Zjoz i Prizrenit, duke marrë kontrollin në atë pjesë.

Në videon nga arkivi i Associated Press shihet se thuajse i tërë fshati ishte shkatërruar nga artileria serbe, duke lënë prapa një rrëmujë.

Në minutën 0:34 të videos shihet një kufomë e dekompozuar e një banori shqiptar brenda një shtëpie, e mjaftueshme sa për të përjetuar sado pak makthin që kishte mbretëruar në fshat gjatë qëndrimit të paramilitarëve serb në këtë pjesë.

“Këtu është kryer një masakër. Askush nuk ka shpëtuar”, dëgjohet të thotë një komandant në video.

“Me ndihmën e NATO-s dhe Bashkësisë Evropiane kemi arritur ta shkatërrojmë artilerinë serbe. Nëse vjen urdhëri prej Shtabit të Përgjithshëm për dorëzimin e armëve, natyrisht këtë do ta bëjmë pa pritesë”, thotë një ushtar i UÇK-së për AP. /Indeksonline

https://youtu.be/BEf97xOiLWA

Tre persona janë lënduar në një aksident trafiku që ka ndodhë në fshatin Semetisht të Suharekës.

Sipas policisë, i dyshuari me veturë “Audi” nga pakujdesia ka goditur veturën “Opel Kadet”.

Si pasojë e aksidentit lëndime trupore kanë pësuar dy drejtuesit dhe një pasagjere, të cilët kanë pranuar tretman mjekësor. /PrizrenPress.com

Dy persona janë arrestuar në Suharekë, pasi që janë kapur në flagrancë duke vjedhur kabllo elektrike.

Policia bën të ditur se të dyshuarit pas intervistës me vendim të prokurorit dërgohen në mbajtje. /PrizrenPress.com

Një turk ka kërcënuar me fjalë një person zyrtar policor në Mamushë.

“Njësiti policor ka ndaluar një mashkull K/Turk dhe gjatë diskutimit me të i njëjti nuk ka pasur dokument identifikimi me vete, më vonë ka ardhë babai i të dyshuarit dhe i njëjti u është kërcënuar me fjalë personave zyrtar”, bën të ditur Policia.

Me urdhër të prokurorit rasti mbetet në procedurë të rregullt. /PrizrenPress.com

Inspektorati i Arsimit (SIA) në Prizren nuk tërhiqet, që në mënyrë të jashtëligjshme t’ia mundësojë rivlerësimin e nxënësve, që kanë humbur vitin në Gjimnazin “Remzi Ademaj”.

SIA në një vendim që ka siguruar ‘PrizrenPress’, urdhëron mësimdhënësit e kësaj shkolle, që të rivlerësojnë ngelcat . Rivlerësimi i tyre është bërë dje.

Inspektorati i Arsimit në korrik të këtij viti pat kërkuar nga kujdestarët e këtyre klasave që t’i njoftojnë nxënësit që kanë ngelur me tre apo katër nota të dobëta se do të kenë edhe një mundësi të rivlerësimit.

Ndërkaq, ky vendim i SIA-s është në kundërshtim me Udhëzimin Administrativ, për vlerësimin e shkallës së arritshmërisë së nxënësve.

Udhëzimi Administrativ, parasheh se nxënësit mund të ankohen 48 orë pas komunikimit të suksesit. Procesi mësimorë në këtë shkollë ka përfunduar me 5 qershor, ndërkaq njoftimi për mundësin e rivlerësimit është shpallë me 24 qershor.

Inspektorati në shenjë hakmarrje për moszbatimin e këtij vendimi ka kërkuar nga drejtori i kësaj shkolle që t’i ndëshkojë mësimdhënësit që nuk kanë bërë rivleësimin e ngelcave.

“Të merren masa disiplinora ndaj këtyre mësimdhënësave”, thuhet në vendimin e SIA-s.

Burimet brenda Gjimnazit “Remzi Ademaj” bëjnë të ditur se mësimdhënësit nuk kanë respektuar vendimin e SIA-së për shkak se ka qenë jashtëligjor dhe i pa vulosur.

“Vendimi që është sjellë në korrik nga SIA nuk ka qenë i vulosur, por edhe jashtë afatit që Udhëzimi Administrativ parasheh që nxënësi mund të ankohet 48 orë pas komunikimit të suksesit”,tregon burimi brenda kësaj shkolle. /PrizrenPress.com/

PDK-ja me plane për ta prishur koalicionin qeverisës

Salihaj: Bllokada e Kuvendit është paralajmërim për shkuarje në zgjedhje të parakohshme

“PDK-ja e ka përgatitur më herët planin për prishjen e koalicionit me LDK-në dhe ta dërgojë vendin në zgjedhje të parakohshme. Një gjë e tillë do të ndodhë, sepse PDK-ja, ose më mirë të them Hashim Thaçi dhe Kadri Veseli, nuk durojnë që Qeverinë ta udhëheqë LDK-ja dhe Isa Mustafa”, thotë analisti Faik Krasniqi

Kryeministri i Kosovës, Isa Mustafa, shpejt mund ta shohë veten jashtë Qeverisë, kjo sepse partneri i tij Hashim Thaçi njihet si një lojtar politik, që në vazhdimësi i djeg bashkëpunëtorët, duke nisur nga ish-presidenti Fatmir Sejdiu, e këndej. Duket se PDK-ja luan lojë të dyfishtë përmes një plani të fshehtë për rrëzimin e Isa Mustafës.

Në fakt, Hashim Thaçi është duke luajtur në vazhdimësi dhe duke u përpjekur që nëpërmes makinerisë së blerë nga ai të shumicës së medieve të tij të korruptuara që i kontrollon dhe i financon, të arrijë qëllimin e tij prej mafio-oligarku, në mënyrë që të sigurohet që në zgjedhjet e parakohshme parlamentare në vitin e ardhshëm 2016 të mos pësojë rënie të madhe të votave, duke viktimizuar kësaj radhe “si kurbanin e radhës” me rënie të madhe të votave vetëm LDK-në e Isa Mustafës. Pa dyshim se kryeministri Mustafa duhet t’i shohë këto lojëra me qëllim të mos bëhet “kurban”, i radhës i Thaçit./kosova sot/

Kosova në Komisionin e Venedikut përfaqësohet nga ish-kryetari i Gjykatës Kushtetuese, Enver Hasani, ndaj të cilit në korrik të këtij viti është ngritur aktakuzë në Gjykatën Themelore në Prishtinë, për veprën penale “Mashtrimi në detyrë”.

Prandaj, ekspertët e çështjeve kushtetuese vlerësojnë se përfaqësimi i Kosovës në Komisionin e Venedikut nga Hasani është jodinjitoz.

Ata thonë se Hasani duhet të tërhiqet nga ky post, pasi, sipas tyre, mbajtja e një pozite kaq të rëndësishme nga një person i cili ka probleme me ligjin e dëmton imazhin e Kosovës.

Megjithatë, kjo duket e pamundur pasi Hasani ka edhe rreth tri vjet mandat në atë Komision, ndërsa Statuti i Komisionit të Venedikut specifikon se mandati i përfaqësuesve të shteteve në këtë Komision përfundon nëse ata e ofrojnë dorëheqjen e tyre apo nëse Komisioni vlerëson se ata nuk janë në gjendje që ta kryejnë detyrën.

“Mandati i anëtarëve mund të përfundojë vetëm nëse ata ofrojnë dorëheqjen e tyre ose në qoftë se Komisioni vëren se anëtari në fjalë nuk është më në gjendje apo i kualifikuar për ta ushtruar funksionin e tij”, thuhet në Statutin e këtij Komisioni../zeri/