Gjykata Themelore në Prizren- Departamenti për Krime të Rënda ua shqiptoi masën e paraburgimit tre personave për shkak të dyshimtë të bazuar se kanë kryer veprën penale të fajdes. Të dyshuarit janë : G.Shtufi, A.Domgjoni dhe K.Buduri. Të pandehurit do të mbahen në paraburgim në kohë zgjatje prej një muaji.

Ky është njoftimi i Gjykatës Themelore:

Gjyqtarja e Procedurës Paraprake – Departamenti Për Krime të Rënda i Gjykatës Themelore të Prizrenit vendosi që ndaj të pandehurve K.Domgjoni nga fshati Velezhë-Komuna e Prizrenit, për shkak të dyshimit të bazuar se ka kryer veprën penale fajdeja nga neni 343 par.3 lidhur me par.1 të KP-së, K.Buduri nga fshati Hoqë e Qytetit – Komuna e Prizrenit, për shkak të dyshimit të bazuar se ka kryer veprën penale të fajdesë në ndihmë nga neni 343 par.3 lidhur me par.1 e lidhur me nenin 33 të KP-së, G.Shtufi nga fshati Shpenadi – Komuna e Prizrenit, A.Domgjoni nga fshat Velezhë – Komuna e Prizrenit, për shkak të dyshimit të bazuar se në bash kryerje kanë kryer veprën penale të detyrimit nga neni 340 par.2 lidhur me par.1 të KP-së ndërsa G.Shtufi edhe për veprën penale mbajtja në pronësi, kontroll dhe në posedim të paautorizuar të armëve nga neni 374 par.1 të KP-së. Të pandehurit do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 01.10.2015 në ora 09:00 dhe do të zgjasë deri me datën 01.11.2015.

Gjyqtarja e Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurve. Të pandehurit dyshohen për shkelje të Kodit Penal , se prej një periudhe të gjatë kohore, në bashkëkryerje kanë kryer veprat penale për të cilat dyshohen, si dhe faktin se nga këto veprime përfitojnë shumë të mëdha parash, duke shfrytëzuar gjendjen e rëndë financiare ose papërvojën e të dëmtuarve të ndryshëm, me të njëjtit kanë kontraktuar huazimin e shumave të ndryshme financiare me kamata dukshëm jo proporcional dhe sipas nevojës kanë përdorur edhe forcën ose kanosjen serioze për të detyruar të dëmtuarit të kryejnë ndonjë veprim në dëm të pasurisë së tyre.

Kanë nisur të hetohen personat nga Komuna e Prizrenit me inicialet K.D, A.D., G.Sh., dhe K.B.

Sipas komunikatës së lëshuar sot nga Zyra e Prokurorit të shtetit K. D. po hetohet për fajde, A.D., për detyrim, G. Sh. Për detyrim në bashkëkryerje dhe K. B., për ndihmesë në fajde.

Prokurori që po heton këta katër persona ka paraqitur kërkesë për paraburgim ndaj tyre.

Në Prizren më 7 shtatë shtator u vra Hekuran Morina dhe 3 persona tjerë u plagosën.

Gjykata e Apelit ktheu në rigjykim çështjen e Blerim Bajramit që kishte paditur Komunën e Suharekës për mospranim në punë.

Gjykata e Apelit prishi aktvendimin e Gjykatës Themelore të Prizrenit-Dega në Suharekë, e cila kishte refuzuar padinë e Blerim Bajramit lidhur me padrejtësitë që pretendon se i janë bërë në një konkurs për një vend pune në Shkollën e Mesme Profesionale në Shirokë të Suharekës.

Kolegji i Apelit ktheu në rigjykim çështjen e Bajramit, pasi konsideroi shkelje procedurale gjatë gjykimit të shkallës së parë.

Apeli kërkoi nga gjykata themelore që të marrë parasysh propozimet e paditësit për dëgjimin e anëtarëve tjerë të komisionit intervistues dhe të miratojë propozimin për shikimin e procesverbalit të intervistës së kandidatëve.

Sot u mbajt seanca e parë e rigjykimit, ndërsa në të Blerim Bajrami kërkoi nga gjykata që të vërtetojë padinë e tij dhe të anulohet konkursi i Drejtorisë së Arsimit në Komunën e Suharekës për lëndët e juridikut në shkollën profesionale në Shirokë.

Avokati i komunës, Selajdin Gallopeni kërkoi që padia e Bajramit të hedhet poshtë nga gjykata.

Gallopeni tregoi në gjykatë se nuk ekziston procesverbali i intervistave të kandidatëve, shqyrtimin e së cilit e kishte kërkuar Gjykata e Apelit.

“Jemi deklaruar me datë 08.01.2015 këtu në gjykatë, duke pohuar se nuk ekziston një procesverbal i tillë,” sqaroi Gallopeni.

Por gjyqtari Shaban Zeqiraj, duke vepruar sipas kërkesave të Apelit, aprovoi kërkesën e paditësit për dëgjimin si dëshmitarë të dy anëtarëve tjerë të komisionit intervistues, ndërsa obligoi Komunën e Suharekës që të sjellë në gjykatë procesverbalin e të intervistuarve për vendin e punës ku konkurroi Blerim Bajrami.

Vetë Bajrami deklaroi se pret të vendoset këtë herë në favor të tij.

“Gjykata themelore ka refuzuar padinë, por unë kam parashtruar ankesë në Gjykatën e Apelit, ndërsa Gjykata e Apelit e ka kthyer çështjen në rivendosje dhe shpresoj që tanimë do të vendoset ne favor timin,” tha Bajrami.

Bajrami për pozitën në të cilën konkurroi kishte hyrë edhe në listën e ngushtë, por nuk ishte pranuar, pasi sipas komisionit, kushtet i kishte plotësuar kundërkandidatja e tij që ishte me kualifikim të njëjtë.

Seanca e ardhshme e këtij gjykimi u caktua më 3 nëntor.

KALLXO.com e ndoqi edhe më herët këtë gjykim

Katër personat e arrestuar për fajde në Prizren, kanë kërkuar ndaj tre viktimave hiq më pak se 41 mijë euro.

“Të dyshuarit në vazhdimësi kanë kryer vepra penale, ndaj tre viktimave, duke përmendur edhe një shumë parash prej 41 000€”, njofton Policia e Kosovës.

Pas një hetimi të gjatë lidhur me fenomenin e fajdeve dhe kanosjes në Prizren, hetuesit policor në bashkëpunim me Prokurorinë e Shtetit dhe me miratimin e Gjykatës Themelore, me qëllimin e gjetjes së provave materiale, dje në mëngjes janë kryer tri bastisje në lokacione të ndryshme.

Gjatë bastisjes, policia ka hasë në një armë zjarri të tipit Kallashnikov me katër karikatorë, një pushkë gjahu e prodhimit rus, një pistoletë e llojit “Zastava” me disa fishekë, një boks metalik dhe një veturë e llojit Nisan Morano, që janë sekuestruar.

Në aksion janë sekuestruar edhe disa letra e dokumente të ndryshme me interes për hetimin e rastit.

Katër persona janë shoqëruar për intervistim e më pas janë ndalur nën masën e arrestit policor.

Policia tregon se provat materiale dhe shkresat e lëndës do t’i kalojnë prokurorisë për procedurat në vazhdim./PrizrenPress.com/

Gjykata Themelore në Prizren ia ka caktuar një muaj paraburgim S.Badallajt nga Zhuri. Afërdita Kicaj,zëdhënëse e gjykatës tha se Badallaj dyshohet se ka kryer veprën penale të blerjes, posedimit, shpërndarjes ose shitja së paautorizuar të drogës.

I pandehuri do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 30.09.2015 dhe do të zgjasë deri me datën 30.10.2015, deri në ora 22:00.

“Gjyqtarja e Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurit”, njofton Kicaj.

“I pandehurit dyshohet për shkelje të Kodit Penal , se me datën 30.09.2015, me rastin e kalimit kufitar Shqipëri – Kosovë, ka blerë dhe poseduar me qëllim të shitjes apo shpërndarjes dhe ofrimit për shitje substancën e dyshuar për narkotik të llojit marihuan, me peshë prej 1073.25 gram, supstanca këto të cilat sipas ligjit mbi barnat narkotike, bëjnë pjesë në tabelën 1/,- bimët, barnat narkotike dhe supstancat psikoterapie me rrezikshmëri të lartë që nuk kanë përdorim në mjekësi dhe veterinë, veprimtaria e të cilave është e ndaluar me ligj në Kosovë”./PrizrenPress.com/