Kryetari i komunës së Rahovecit, Idriz Vehapi, ka prit sot në takim lamtumirës Emanuel, komandant i LMT-së në Rahovec.

Në takim u bisedua për bashkëpunimin e mirë që ka komuna me zyrtarët e LMT-së.

Emanuel falënderoi Vehapin për bashkëpunimin e mirë që ka pasur, dhe kërkojë që të vazhdohet edhe më tutje ky bashkëpunim i mirë me komandantin e ri i cili do të vijë në Rahovec.

“Jam i kënaqur pasi që ka pasur ndryshime në të mirë të të gjithë qytetarëve të cilët jetojnë në komunën e Rahovecit”, tha mes tjerash Emanuel.

Kurse, Idriz Vehapi falënderoi për vizitën e bërë sot dhe për punën që ka bërë LMT-ja dhe që po vazhdon të bëjë në bashkëfinancimin e projekteve me komunën. Ai, i premtoi komandantit të LMT-së se bashkëpunimi i mirë që ka qenë deri me tani me LMT-ën, do të vazhdojë me tutje edhe me komandantin e ri. /PrizrenPress.com

Kryetari i Bashkimit Demokratik në Prizren, Zafir Berisha ua uron festën e Kurban Bajramit të gjithë besimtarëve të besimit Islam.

Ai uron që paqja, hareja dhe dashamirësia të mbretëroj kudo dhe çdo herë tek ju.

“Kurban Bajrami, në rrafshin e marrëdhënieve shoqërore, vjen si opsioni më efektiv në luftimin e sjelljeve devijante dhe negative në shoqëri, është festë e faljes dhe falënderimit, sakrificës, solidariteti, prandaj kjo festë le të shërben si një pikënisje për reformim shpirtërorë,le të jetë si një vlerë e domosdoshme për ne shqiptarët, për të punuar dhe vepruar për një të ardhme sa më të mirë të brezave që vijnë pas nesh, dukë vënë interesat e përgjithshme mbi interesat personale. Gëzuar festën e Kurban Bajramit”, thuhet në urimin e kryetarit të BD-së, Zafir Berisha. /PrizrenPress.com

Këshilli Komunal për Siguri në Bashkësi (KKSB), sot ka mbajtur takim e rregullt, ku është vlerësuar situata e sigurisë së përgjithshme në Komunën e Malishevës, situatë e cila u vlerësua e qetë, stabile dhe pa tendencë të prishjes së kësaj situate, në të gjitha fushat e sigurisë.

“Kësaj situate të mirë, i kanë kontribuar të gjitha organet e sigurisë në vend, si dhe organizatat jo qeveritare dhe organizmat tjerë, për çka ne i falënderojmë të gjithë”, thotë nënkryetari i Komunës së Malishevës, Raxhep Mazreku,

Komandanti i stacionit policor në Malishevë, kapiteni Halil Morina, duke u bazuar në raportet policore dhe statistikat e krahasimit të veprave penale, aksidenteve dhe çështjeve tjera që lidhen me sigurinë e përgjithshme, tha se “situata e sigurisë është e mirë dhe pa indikacione për prishjen e kësaj situate, e po ashtu edhe numri i veprave penale, ka shënuar rënie të dukshme, në raport me vitet tjera, dhe çdo vit po shkon drejt përmirësimit”.

Ahmet Morina, drejtor për Mbrojtje dhe Shpëtim, tha se këtë vit, situata me EHKK, ka qenë shumë stabile, dhe nuk kemi pasur, asnjë rast të infektuar me ethe hemorragjike. Morina po ashtu tha se edhe situata me zjarre, pavarësisht numrit të madh të zjarreve, ka qenë nën kontroll dhe intervenimet e njësive për shuarjen e zjarreve ka qenë në nivel të kënaqshëm, duke i kontribuar me këtë edhe sigurisë së përgjithshme për qytetarët e Komunës së Malishevës.

Në këtë mbledhje, zyrtarja komunale për çështje gjinore, Vera Bytyçi, ka raportuar për gjendjen aktuale të barazisë gjinore, ku sipas raporteve të grumbulluara, pavarësisht se krahasuar me një dekadë më parë, gjendja e femrës është më e mirë, ka nevojë për më shumë përkrahje dhe avancim të femrës në të gjitha sektorët e jetës dhe punës, përfshi edhe udhëheqjen.

Kurse, sa i përket fillimit të vitit të ri shkollor 2015-2016, raportoi drejtori komunal për arsim, Blerim Thaçi, ku sipas tij mësimi zhvillohet normalisht dhe pa probleme të cilat do ta pengonin procesin mësimor.

“Të gjitha shkollat janë në funksion dhe në gjendje të mirë, në aspektin e sigurisë dhe nuk janë shënuar raste të cilat do ta rrezikon mësimin apo nxënësit”, tha drejtori Thaçi, duke folur për aspektin e sigurisë në shkolla. /PrizrenPress.com