Anëtari i Kryesisë së Partisë Demokratike të Kosovës (PDK), Xhavit Haliti, i ka hedhur poshtë zërat se koalicioni qeverisës PDK – LDK është përçarë. Pretendimet e tilla ai i ka quajtur shatërvan dëshirash të njerëzve dhe subjekteve të caktuara politike.

Në një intervistë për “Epokën e re” ai ka thënë se në PDK nuk ka asnjë informacion zyrtar apo jozyrtar që mund ta vë në dyshim koalicionin ndërmjet PDK-së dhe LDK-së.

“Ne si Parti Demokratike nuk kemi mbajtur asnjë mbledhje të kryesisë, as të Këshillit Drejtues për ta analizuar ndonjë të çarë që mund të ketë qenë ose mund të jetë në kuadër të koalicionit qeverisës. Të gjitha këto shkrime ose dëshira për t’u përçarë koalicioni qeverisës po më duket se janë më shumë shatërvan dëshirash të njerëzve të caktuar dhe subjekteve politike të caktuara”, ka thënë Haliti.

Ai është shprehur i çuditur se si dikush nga zyrtarët e PDK-së e të LDK-së mund të flasin për përçarje, ndërsa krerët e të dy partive vazhdimisht deklarojnë se janë në të njëjtat pozicione.

“Përderisa z. Thaçi dhe z. Mustafa janë në të njëjtat pozicione dhe në të njëjtat deklarata, unë nuk e di se si mund të deklarohen të tjerët për këtë lloj përçarje. Pra, unë nuk kam informacion zyrtar të partisë për këtë çështje. Gjithashtu, nuk kam informacion as jozyrtar nga LDK-ja nëpërmjet miqve të mi që mund të kenë informata”, është shprehur Haliti.

Sa iu përket largimeve të disa zyrtarëve që janë bërë nga ministra të caktuar të LDK-së, Haliti ka treguar se çdo ministër mund ta ndërtojë ekipin e tij sipas politikave të veta, por jo të largojë njerëz nga puna për shkak të bindjeve politike.

“Nëse largimet janë bërë për shkak të ndërrimeve politike unë këtë veprim e dënoj personalisht, sepse nuk do të duhej të veprohet kështu. Ndërsa në qoftë se njerëzit ndërrohen për shkak të paaftësive të tyre për ta kryer detyrën të cilën e kanë marrë dhe për shkak të gabimeve që mund t’i kenë bërë gjatë procesit sa kanë qenë në detyra të ngarkuara, atëherë mendoj se ata që e kanë shkelur ligjin duhet të dërgohen në prokurori dhe të japin llogari aty”, ka vlerësuar deputeti i PDK-së.

Haliti ka treguar se brenda koalicionit PDK – LDK po sheh vullnet për të punuar dhe për t’i quar punët përpara. Ai ka uruar të mos ketë ndarje të koalicionit, por të ketë një qeverisje PDK – LDK, e cila do të jetë në fund e suksesshme dhe do t’i shërbejë vërtet interesit qytetar, e jo interesit të klaneve të tyre apo interesit të tenderëve.

Kurse sa i përket postit të presidentit, Haliti beson se LDK-ja do ta respektojë marrëveshjen, në të kundërtën PDK-së do t’i duhet ta shqyrtojë pozicionin e saj në raport me koalicionin.

Faqja në internet në gjuhën serbe e “Deutsche Welle” shkruan se gati gjysma e të gjithë refugjatëve në Gjermani që kërkojnë azil politik vjen nga Ballkani.

Rrjeti ndërkombëtar i Radio Televizionit gjerman “Deutsche Welle” duke marrë për bazë emigrantët nga Ballkani në këtë shtet bën një analizë ku thotë se politikanët e kësaj pjese të Evropës kanë dështuar të sjellin stabilitet në vendet e tyre.

Faqja në internet në gjuhën serbe e “Deutsche Welle” shkruan se gati gjysma e të gjithë refugjatëve në Gjermani që kërkojnë azil politik vjen nga Ballkani, dhe ata përgjegjës për eksodin i konsiderojnë politikanët vendas, transmeton lajmi.net.

Analiza vazhdon tutje, duke thënë se as Kosova, Shqipëria, Serbia, Bosnja e as Maqedonia, nuk janë në luftë, atje nuk ka uri e as tortura dhe për më shumë se një dekadë popujt atje jetojnë në paqe dhe kanë perspektivë evropiane. Situata në këtë pjesë të Evropës është e pakrahasueshme me atë në Siri, Irak apo Afganistan ku njerëzit vriten çdo ditë për shkak të luftimeve dhe terrorizmit.

Megjithatë, një numër i madh i njerëzve në Ballkan largohen nga shtëpitë e tyre për të kërkuar azil në Gjermani. Ata sipas “Deutsche Welle” po ikin nga varfëria dhe mungesa e perspektivës. Janë të zhgënjyer dhe frustruar me statusin politik dhe ekonomik në vendet e tyre.

Faji për ketë, vazhdon analiza, duhet adresuar te liderët politik që për gjithë këtë kohë nuk kanë arritur të krijojnë një përspektivë në këto vende, ku më shumë se gjysma e të rinjve nuk mund të gjejnë punë edhe pas përfundimit të studimeve.

Ndalja e kontrabandës dhe korrupsionit nëpër qendrat korrektuese dhe ato të paraburgimit në Kosovë, vazhdojnë të mbesin sfidë për institucionet e drejtësisë, tash e 15 vjet pas përfundimit të luftës. Kjo lloj kontrabande, ka kaluar në dukuri nëpër të gjitha qendrat e vendit, për të cilën e pranojnë edhe vetë zyrtarët e drejtësisë.

Drejtori i Shërbimit Korrektues të Kosovës, Emrush Thaçi, në një bisedë për “Zërin” e pranon se problem edhe më tej mbetet kontrabanda nëpër burgje dhe sidomos futja ilegale e telefonave mobilë, si dhe e substancave narkotike.

“Jemi të shqetësuar me nivelin e kontrabandës në burgje dhe jemi të fokusuar në luftimin e dukurive negative ku hyjnë edhe keqpërdorimi i pozitës zyrtare dhe korrupsioni”, ka thënë Emrush Thaçi.

Por, që nga marrja e detyrës së drejtorit të burgjeve, në muajin nëntor të vitit të kaluar, sipas Thaçit, kanë punuar në goditjen e dukurive negative qoftë nga ana e të burgosurve por edhe nga ana e oficerëve korrektues.

Misioni më i madh evropian për sundim të ligjit në Kosovë, EULEX, ka pranuar se gjendja në sistemin drejtësisë nuk është ajo e dëshiruara.

Kështu ka deklaruar shefi i këtij misioni në Kosovë, Gabriele Meucci, me anë të një opinioni që u ka dërguar medieve.

Por, për këtë dështim ai ua lë fajin institucioneve të vendit ngase, sipas tij, suksesi më i madh është arritur në sektorët në të cilët kolegët dhe homologët e Kosovës janë motivuar të ecin përpara dhe ta pranojnë ndryshimin.

“Ne në Kosovë jemi mysafirë”, ka thënë ndër të tjera ai. Ndërsa, analistët këtë fjalim e quajnë të pakuptimtë. /TribunaChannel/

Tetëdhjetetrevjeçari Fadil Stavileci, i cili është më i moshuari i kësaj familje, vështirë e ka të pranojë humbjen e kushëririt të tij, akademikut Esat Stavileci.

Me vdekjen e akademikut, sipas familjarit kanë humbur te gjithë shqiptarët, duke treguara se Stavileci, kishte projekte për ta.

Me dhimbje këtë humbje e ka përjetuar edhe një mik i të ndjerit. Bile, ky është i mllefosur me faktin se politikanet e Kosovës nuk e ofruan afër vetes atë, për t’ia marrë këshillat.

Se ai i duhej politikes, këtë ia kishin thënë edhe familjaret, por ai kishte dhënë një përgjigje interesante. Për më shumë, shikojeni videon. /Klan Kosova/