Trajneri i njohur, i cili më parë ka drejtuar Vushtrrinë e Lirinë e Prizrenit, Samuel Nikaj është emëruar dje edhe zyrtarisht si kryetrajner i ri i FC Prizrenit.

Skuadra në fjalë garon në Ligë të Dytë të Kosovës dhe po kërkon ngritje në Ligë të Parë të Kosovës, për të qenë pjesë e saj nga stinori i ardhshëm 2025/26. Në Shqipëri, shkodrani Nikaj ka punuar me Kastriotin, Pogradecin, etj.

“FC Prizreni ka kënaqësinë të njoftojë ndryshimet dhe përforcimet e rëndësishme në stafin teknik dhe menaxhues të klubit, duke synuar ngritjen në Ligën e Parë dhe vazhdimin e rrugëtimit drejt suksesit. Samuel Nikaj, trajneri i mirënjohur shqiptar, i bashkohet FC Prizrenit si trajner kryesor.
Me përvojën e tij të pasur në ngritjen e ekipeve në rangje më të larta, ai ka qenë pjesë e sukseseve të Flamurtarit të Prishtinës, Vushtrrisë, Kastriotit të Krujës, Pogradecit, dhe shumë klubeve të tjera, duke dëshmuar aftësi të jashtëzakonshme në drejtimin e ekipeve dhe zhvillimin e talenteve,” ka bërë të ditur ndër të tjera ekipi në fjalë.

Trajneri i deritashëm i skuadrës, Bekim Bakaj ka dalë në pozitë të drejtorit sportiv, kurse ndihmës të Nikajt në ekip do të jenë Ylli Bakaj dhe Xhevat Avdyli.

FC Prizreni ka kryer vjeshtën në pozitë të tretë të Ligës së Dytë. Aty, vetëm dy skuadrat e para sigurojnë “vizë” për Ligë të Parë. Aktualisht, pozita e parë është e “okupuar” nga Tefik Çanga që ka 39 pikë nga 16 ndeshje, ndërsa në vendin e dytë është Dardania me 37 pikë. Prizrenasit kanë 36 pikë.

Manchester City duhet ta mposht patjetër Bruggen për të shmangur eliminimin nga Liga e Kampionëve.

Në situatë të ngjashme është edhe Paris Saint-Germaini, që patjetër duhet të fitoj ndaj Stuttgartit për të avancuar nga faza e ligës.

City ka 8 pikë dhe është i 25-ti në tabelë, ndërsa Parisi me 10 pikë renditet i 22-ti.

Faza e ligës mbyllet sonte me 18-të ndeshjet e xhiros së tetë, që startojnë në orën 21:00, ku do të mësohet se cilat skuadra avancojnë tutje dhe cilat eliminohen nga Championsi.

Në fazën e ligës garojnë 36 skuadra, ku tetë të parat avancojnë direkt në 1/8 e finales kurse ekipet prej pozitës së nëntë deri në pozitën e 24-të-të, kualifikohen në fazën e plejofit dhe e kërkojnë një vend në 1/8 e finales.

Real Madridi e ka të sigurt vendin në plejof por ka gjasa për kualifikim direkt, situatë në të cilën janë edhe Bayerni, Juventusi e Borussia Dortmundi, skuadra këto që gjithashtu i kanë nga 12 pikë të mbledhura.

Reali luan në udhëtim te Bresti, Juventusi e pret Benfican, ndërsa në shtëpi luajnë edhe Bayerni e Dortmundi që përballen me Sllovanin, përkatësisht Shakhtarin.

Duelet tjera të mbrëmjes, janë: Aston Villa – Celtic, Barcelona – Atalanta, Bayer Leverkusen – Sparta, Dinamo Zagreb – Milan, Girona – Arsenal, Inter – Monaco, Lille – Feyenoord, PSV – Liverpool, Salzburg – Atletico Madrid, Sporting – Bologna, Sturm Graz – Leipzig dhe Young Boys – Cërvena Zvezda.

Sonte vendoset finalisti i parë i Kupës së Kosovës.

Trepça dhe Prishtina takohen në palestrën “Minatori” në Mitrovicë, në ndeshjen e kthimit  për të kërkuar finalen e madhe.

Në ndeshjen e parë, prishtinasit fituan 67:65, edhe pse kishin epërsi deri në 24 pikë, 27:3. Dy pikë dallim bën që sfida të jetë e paparashikueshme.

Mitrovicasit duhet të fitojnë me tre pikë dallim nëse duan kualifikimin tutje, ndërsa bardhekaltrit humbja me një pikë, barazimi apo fitorja i kualifikon tutje.

Kjo sfidë luhet nga ora 18:30.

Marketing

Partizani fitoi në Prizren ndaj Junior 06 Moni Bau me shifrat 70:83 (21:23, 8:15, 22:30, 19:15), në javën e gjashtë të Liga Unike Femrat.