Sulmin e gjerë që e kishte ndërmarrë Serbia në Drenicë për të zhdukur Ushtrinë Çlirimtare të Kosovës e koncentroi në Prekaz,në zemrën dhe kokën e UÇK-së,duke i bërë asaj një rrethim të hekurt

Për fat të mirë, ky rrethim alarmoi tërë botën.Ajo që do të ndodhë në fillimet e marsit të vitit 1998 do të jetë një dëshmi e gjallë për botën e qytetëruar dhe përgjegjësit e saj politik e diplomatik .Në të vërtetë kjo ngjarje kaq e drejtpërdrejtë dhe kaq e fuqishme për nga përmasat e saj të flijimit unikat, të qëndresës e të masakrimit do ta ngrejë çështjen e Kosovës në krye të agjendës botërore. Kështu, në natën e 4 e 5 marsit të vitit 1998, Prekazi rrethohet nga forcat e shumta ushtarake dhe policore. Kjo lë të kuptohet se atje do të ketë rrethim të hekurt.

Pikërisht më 5 mars bëhen 18 vjet të rënies së komandantit legjendar,Adem Jasharit,familjes së tij dhe Jasharëve të tjerë. Mirëpo,çdo përvjetor Adem Jasharin e bënë më të lavdishëm në historinë e kombit tonë.

Adem Jashari me disa shokë ishte i vetmi që filloi krijimin e një force madhështore e cila do të dalë armikut përpara. Për Adem Jasharin dhe Ushtrinë Çlirimtare të Kosovës shumë kush është duke shkruar,por dua të them se Ushtria Çlirimtare e Kosovës shpejt arriti simpatinë e popullit liridashës,sepse e meritonte respektin e popullit. Adem Jashari shumë herë kishte thënë,në biseda me ushtarët e tij të UÇK-së se ‘’në jetë nuk ka herë kështu herë ashtu,nëse njëherë turpërohesh mbetesh i turpëruar për gjithmonë’’.Edhe në këtë përvjetor të Epopesë së Jasharëve dhe të Epopesë së UÇK-së,ka vendin respekti.

Me aktin e rënies së komandantit legjendar Adem Jasharit dhe familjes së tij dhe Jasharëve të tjerë,Kosova mundi frikën,me çka i hapi shtigjet e lirisë dhe të ardhmërisë.Dhe jo rastësisht, në Prekaz,në Lagjen e Jasharëve është ngritur monumenti më i madh i luftës për liri,për pavarësi e demokraci,që këdo ditë dhe data, e pikërisht 5,6,7 mars për çdo vit vëmendja e të gjithë kombit shqiptar kthehet nga Prekazi Legjendar,që shekuj e vite i dha Kosovës shumë .Siç dihet familja Jashari,pos komandantit legjendar Adem Jasharit ranë për të mos vdekur kurrë edhe 20 anëtar tjerë të familjes Jashari.

Lufta e Prekazit zgjoi kureshtje jo vetëm të popullit liridashës shqiptar por edhe tek shtetet tjera botërore që bëri buj sepse ngriti lartë mentalitetin luftarak të UÇK-së se si po luftonte për çlirimin e vendit dhe lirinë e këtij populli shqiptar i vuajtur dhe i përvuajtur me shekuj nga një shtet që quhej Serbi dhe kjo histori e Jasharëve u vulos me germa të arta në historinë e kombit shqiptar. Kjo histori e komandantit legjendar Adem Jasharit,familjes së tij dhe Jasharëve të tjerë,do të mbetet histori në vete për brezat e ardhshëm dhe gjeneratave të reja të kombit shqiptar,por në raste ndodhin siç kanë ndodhur kurrë pa vullnetin tonë por gjithnjë të imponuara,rënia e Jasharëve do të jetë mësimi se si duhet tëflijohesh për lirinë e vendit dhe për lirinë e popullit të tij.

Në Prizren dhe në fshatra të kësaj komune, disa qytetarë kanë ndezur fishekzjarrë dhe kanë dalë në rrugë me daulle për ta festuar kthimin në punë të drejtorit të suspenduar të policisë rajonale, Nexhmi Krasniqi.

Krasniqi i ka dhënë fund periudhës disamujore të suspendimit dhe është kthyer në krye të policisë rajonale në Prizren.

Këtë vendim të Policisë e kanë përshëndetur në mënyrat e tyre qytetarët në Prizren dhe në fshatin e banuar me boshnjakë Reqan të kësaj komune.

Një qytetar e ka dërguar në KALLXO.com një video gjatë ndezjes së fishekzjarrëve në qytet.

Drejtori i Policisë rajonale në Prizren, Nexhmi Krasniqi, i cili ishte suspenduar nga Inspektorati Policor i Kosovës, sot nënshkroi vendimin për kthimin e tij në punë.
Krasniqi, ka thënë për KALLXO.com se sapo ka nënshkruar kthimin e tij në punë.

“Para dy ore kam nënshkruar dhe jam kthyer në pozitën e njëjtë që e kam pasur para suspendimit” tha Krasniqi.

Inspektorati Policor i Kosovës (IPK) në shtatorin e vitit të kaluar i kishte rekomanduar Policisë së Kosovës suspendimin e drejtorit të Drejtorisë Rajonale të Policisë së Prizrenit, Nexhmi Krasniqit, së bashku me Besim Rexhepin, udhëheqës në sektorin e hetimeve të vrasjeve, nën dyshimin se nga informacionet që posedonte IPK kishte ankesa nga qytetarët ndaj tyre.

Rexhepi ishte kthyer në punë rreth dy muaj më parë, ndërsa sot kthimin në punë e nënshkroi edhe drejtori Krasniqi.

Krasniqi tha se me të dëgjuar lajmin ka marrë urime të shumta nga kolegët e tij.

“Deri tash nga kolegët e mi i kam pranuar mbi 1,500 mesazhe urime, edhe vet jam i lumtur që më në fund triumfoi drejtësia dhe për qytetarët e Prizrenit nga të cilët kam pasur përkrahje në vazhdimësi, besoj që ky vendim është një vulë moszhgënjimit dhe pafajësisë time”, tha Krasniqi.