Sindikata e Bashkuar e Arsimit, Shkencës dhe Kulturës organizon ceremoninë festive të ndarjes së mirënjohjeve pensionistëve të arsimit nga e tërë Kosova në respekt të 7 Marsit ditës së madhe të mësuesit dhe shkollës shqipe.
Në kuadër të Ceremonisë, SBASHK-u u ndanë mirënjohje dhe nga një orë dore të 556 punëtorëve të arsimit që janë pensionuar nga 7 marsi i vitit të kaluar e deri në marsin e këtij viti. Ata janë ftuar të jenë të pranishëm në këtë Ceremoni.
Në këtë ceremoni do të marr pjesë edhe Ministri i Ministrisë së Punës dhe Mirëqenies Sociale, Arban Abrashi.
Po ashtu do të jenë të pranishëm përfaqësues të MASHT-it dhe mysafirë të tjerë.
Ceremonia solemne mbahet në Sallën e kuqe të Pallatit të Rinisë, Kulturës dhe Sporteve, duke filluar nga ora 12:00.