Home Blog Page 6744

Arrestohet aktivisti i Vetëvendosjes në Prizren, Egzon Azemi

admin
-
0

Lëvizja Vetëvendosje! në Prizren, përmes një komunikate ka bërë të ditur se, Policia e Kosovës ka arrestuar sot në shtëpinë e tij aktivistin e tyre, Egzon Azemin, për protestën e mbajtur në Prizren dy vite më parë kundër kryetarit të Komunës së Prizrenit, Ramadan Muja.

“Ramadan Muja, është i dënuar nga Gjykata për keqpërdorim dhe abuzim me detyrën por vazhdon të qëndrojë në liri dhe vazhdon të jetë Kryetar i Komunës. Kurse aktivistët e Vetevendosje!-s që protestuan kundër tij vazhdojnë të përndiqen e arrestohen nga ky sistem i kapur i drejtësisë”, thuhet në komunikatën e kësaj Lëvizje.

“Iu bëjmë thirrje organeve të rendit që t’i lirojnë të gjithë aktivistët, dhe t’i ndalin përndjekjet ndaj tyre. Në anën tjetër, policia duhet të arrestojë zyrtarët e pushtetit kriminal, të cilët edhe pse formalisht janë të dënuar, vazhdojnë të qëndrojnë në krye të institucioneve”, thuhet në komunikatë.

“Ramadan Muja duhet të shkojë në burg, e jo aktivistët që protestuan kundër tij. Shteti ku hajnat dhe keqpërdoruesit e dënuar apo të padënuar vijojnë të rrinë në pushtet ndërsa protestuesit arrestohen, është shtet në shërbim të krimit”. /PrizrenPress.com/

Avokati Komunal i Prizrenit shpallet i pafajshëm

admin
-
0
Avokati Komunal i Prizrenit shpallet i pafajshëm

Avokati Publik Komunal i Prizrenit, Besim Morina, është shpallur sot i pafajshëm nga akuzat me të cilat e ngarkonte Prokuroria.

Besim Morina akuzohej se duke mos u ankuar në gjykatën e shkallës më të lartë për dy lëndë i ka shkaktuar dëm në patundshmëri Komunës së Prizrenit, interesat e të cilës i mbronte.

“Trupi gjykues ka gjetur se i akuzuari Besim Morina lirohet nga akuza pasi që nuk është provuar që e ka kryer veprën penale – keqpërdorim i pozitës apo autoritetit zyrtar”, ka thënë kryesuesja e trupit gjykues e Gjykatës Themelore të Prizrenit, Ajser Skenderi.

Ndërsa, në një prononcim për KALLXO.com, pas shpalljes së aktgjykimit, Besim Morina tha se që nga fillimi është ditur pafajësia e tij.

“Që nga fillimi kur është inicu procedura ndaj meje, e kam konfirmu vazhdimisht që nuk kam të bëj me vepër penale. Sot edhe nga ana e trupit gjykues të gjykatës u konfirmua ky konsiderim i imi dhe normal mori vendim mbi lirimin nga akuza”, tha Avokati Publik Komunal i Prizrenit. /Kallxo.com/

Malisheva nis masat parandaluese për ethet hemoragjike

admin
-
0
Malisheva nis masat parandaluese për ethet hemoragjike

Sot, në territorin e Komunës së Malishevës, ka filluar cikli i parë i fushatës për repelimin e kafshëve shtëpiake, si masë parandaluese ndaj etheve hemorragjike krime kongo (EHKK).

Repelimi i kafshëve, bëhet me qëllim të mbrojtjes nga rriqrat si bartës të virusit të EHKK, të cilët përmes kafshëve barten tek njeriu si dhe për ndërprerjen e ciklit të shumimit të rriqrave, përkatësisht pamundëson, që rriqra të ushqehet nga kafshët.

Repelimi i kafshëve, bëhet nga Agjencia e Veterinës dhe Ushqimit, në bashkëpunim të ngushtë me drejtorinë komunale për bujqësi dhe shtabin komunal, për luftimin dhe parandalimin e EHKK.

Kjo formë e luftimit të EHKK, është në kuadër të zbatimit të strategjisë nacionale për luftimin dhe parandalimin e EHKK.

“Repelimi i kafshëve, ka filluar sot në fshatrat Banjë dhe Gajrak, ndërsa ky është cikli i parë i repelimit. Deri në fund të vitit, pritet të bëhen katër cikle të repelimit”, tha drejtori për bujqësi, Hajrullah Mazreku, i cili e ka vëzhguar nga afë, fillimin e kësaj fushate.

Repelimin e kafshëve, është duke e kryer operatori “Fauna”, i përzgjedhur nga Agjencia e Veterinës dhe Ushqimit, ndërsa në ciklin e parë të repelimit, përdoret preparati “Butox”. /PrizrenPress.com/

Basha vizitë zyrtare në ShBA

admin
-
0
Basha vizitë zyrtare në ShBA

Kryetari i Partisë Demokratike të Shqipërisë, Lulzim Basha, është nisur sot për një vizitë zyrtare në SHBA.

Sipas njoftimit të PD-së, Basha do të takohet me zyrtarë të lartë të administratës dhe politikës amerikane. Në këtë vizitë, ai shoqërohet nga një delegacion që ka në përbërje disa deputetë.

Vizita e Bashës në SHBA ndërlidhet me 25-vjetorin e rivendosjes së marrëdhënieve diplomatike ndërmjet Shqipërisë dhe SHBA-së.

Sfidat e Shqipërisë për ndërtimin e një demokracie funksionale dhe shtetit të së drejtës, zbatimi i reformës së dekriminalizimit, zgjedhjet e lira dhe reforma në drejtësi, do të jenë në qendër të agjendës së Bashës në SHBA.

Gjithashtu gjatë kësaj vizite, Basha pritet të diskutojë edhe për qëndrimet e Partisë Demokratike për nxjerrjen e Shqipërisë nga kriza.

UP rishpall konkursin për rektor

admin
-
0
UP rishpall konkursin për rektor

Universiteti i Prishtinës rishpalli konkursin për rektor pas dështimit të zgjedhjes së tij dy javë më parë.

Kandidatët të cilët duan të garojnë për pozitën e rektorit të Universitetit të Prishtinës “Hasan Prishtina” nga sot mund të aplikojnë në konkursin që është rishpallur nga universiteti.

Konkursi i rishpallur do të qëndrojë i hapur për 15 ditë, deri më datën 28 mars në orën 15:30.

Kandidatët duhet të aplikojnë me dorëzim të dokumenteve në formë fizike dhe elektronike të cilat pastaj do t’i shqyrtojë komisioni për verifikimin e dokumenteve.

Konkursi për rektor u rishpall pas pamundësisë të zgjedhjes së tij më 4 mars kur asnjë kandidat nuk mori votat e mjaftueshme.

Kandidatë në konkursin e kaluar ishin: Lul Raka, Naser Sahiti, Sali Bashota dhe Anton Berishaj ndërsa kandidati i pestë Isuf Musliu nuk ishte ftuar fare për intervistim.

Babë e bir arrestohen në Vërmicë, kërkoheshin nga autoritetet belge

admin
-
0
Babë e bir arrestohen në Vërmicë, kërkoheshin nga autoritetet belge

Policia Rajonale e Prizrenit njofton se të shtunën në mbrëmje, rreth orës 17:25 minuta të datës 12 mars, në vendkalimin kufitar në Vërmicë, gjatë kontrollit të dokumentacionit është ndaluar një shtetas i Republikës së Shqipërisë ngase rezultonte të jetë i kërkuar më urdhër arrest ndërkombëtar për llogari të drejtësisë së Belgjikës.

Pas arrestimit, është informuar Ambasada e Shqipërisë dhe prokurori i shtetit në Prizren për procedura të më tejme.

Ndërkaq, të nesërmen, rreth orës 08:30 minuta, në vendin e njëjtë është arrestuar edhe babai i të arrestuarit të mëparshëm ngase edhe ky rezulton të jetë i kërkuar nga drejtësia belge.

Dy të arrestuarit po mbahen nën masën e ndalimit me urdhër të prokurorit të shtetit ndërsa procedurat po i kryejnë hetuesit rajonal të Prizrenit në bashkëpunim me Zyrën Ndërlidhëse ILEC në Prishtinë. /PrizrenPress.com/

Nuk respektohet gjuha shqipe

admin
-
0
Nuk respektohet gjuha shqipe

Gjuha shqipe në Maqedoni vazhdon të mos pranohet nga një pjesë e qytetarëve, kurse shkarravitjet e tabelave me mbishkrimet shqipe janë shndërruar në përditshmëri.

Por nuk mungojnë as shkarravitjet e mbishkrimeve në tabelat me gjuhën maqedonase, nga grupe të caktuara njerëzish. Qytetarët janë shprehur se kjo është rezultat i sjelljes së paedukatë të disa individëve.

“Averzioni ndaj gjuhës së komunitetit të dytë më të madh në Maqedoni, është i theksuar në shumë segmente. Shkarravitja e mbishkrimit në gjuhën shqipe në tabelat në rrugë, vazhdon të jetë një problematikë në vendin tonë”, ka thënë një qytetar, raporton Alsat.

Zyrtarë nga Drejtoria e Ndërmarrjes Publike për rrugë, kanë njoftuar se megjithë përpjekjet së vazhdueshme për eliminimin e këtij problemi, përsëri paraqiten persona që bëjnë shkarravitjen e tabelave.

“Ne punojmë në vazhdimësi në eliminimin e këtij problemi, mirëpo gjithmonë paraqiten persona të cilët shkarravisin tabelat në rrugë. Kjo ndodh edhe në komunat me shumicë maqedonase, edhe në atë me shumicë shqiptare. Mbishkrimet shkarraviten në të dyja gjuhët”, ka thënë Sinisha Ivanovski, drejtor i Ndërmarrjes Publike për Rrugë dhe rrugica.

Shenjtërimi i Nënë Terezës, sot Papa firmos kanonizimin

admin
-
0
Shenjtërimi i Nënë Terezës, sot Papa firmos kanonizimin

Papa Françeskume sot pritet të nënshkruajë dekretin për kanonizimin e shenjtores shqiptare Nënë Tereza.

Papa pritet të bëjë edhe shpalljen e datë për shenjtërimin e Nënë Terezës. Ndër datat e mundshme mendohet të jetë 5 shtatori, dita e vdekjes së shenjtores.

Papa Francesku miratoi në dhjetor të 2015 një dekret për njohjen e një mrekullie që i atribuohet ndërmjetësimit të saj me Perëndinë, transmeton lajmi.net.

Nënë Tereza e cila vdiq në shtator të vitit 1997, u shpall e lume në vitin 2003 nga Papa Gjon Pali i Dytë. Lumnimi është hapi i fundit para shenjtërimit.

Anjezë Gonxhe Bojaxhiu, që u bë më pastaj në gjithë botën e njohur si Nënë Tereza, u lind në Shkup më 26 gusht të vitit 1910 në një familje me prejardhje nga Prizreni.

Më 1979 ajo mori çmimin Nobël për Paqe. Nënë Tereza vdiq më 5 shtator 1997 në Kalkuta të Indisë, ku kishte kaluar pjesën më të madhe të jetës duke ndihmuar të varfrit.

Erdogan: Terrorizmi do të gjunjëzohet

admin
-
0
Erdogan: Terrorizmi do të gjunjëzohet

Presidenti turk Recep Tayyip Erdogan, është zotuar se do ta qesë terrorizmin “në dy gjunjë”, pas sulmit të fundit  terrorist në Ankara ku mbetën të vdekur 32 persona, shkruan BBC.

Erdogan ka thënë se sulmi me bombë do të shërbejë vetëm për t’i forcuar edhe më shumë forcat e sigurisë së Turqisë.

Shpërthimi që ndodhi në zonën Guven Park, ka lënë të vdekur 125 persona. Që të dy bombarduesit kanë vdekur në vendin e ngjarjes.

Ministri i brendshëm, Efkan Ala ka thënë se hetimet do t’i emërojnë përgjegjësit për sulmin.

Ende asnjë grup nuk e ka marrë përgjegjësinë për sulmin, por burime të qeverisë thonë se bombardimi u bë nga pjesëtarët e Partisë Kurde.

Mos e keqpërdorni luftën e UÇK-së

admin
-
0
Mos e keqpërdorni luftën e UÇK-së

Kryetari i Shoqatës së Familjeve të Dëshmorëve, Xhavit Jashari, ka bërë thirrje që të mos keqpërdoren vepra dhe heroizmi i atyre që kanë vulosur lirinë e Kosovës.

Në këtë intervistë për ‘Epokën e re’, ai ka thënë se lufta e Ushtrisë Çlirimtare të Kosovës (UÇK) nuk duhet të keqpërdoret nga individët për qëllime politike ose individuale.

Jashari ka vlerësuar se të gjithë atë që kanë qenë në radhët e UÇK-së kanë pasur qëllim çlirimin e vendit, kurse tani kanë obligim ta mbrojnë atë, dhe të ecin të bashkuar drejt realizimit të amanetit të dëshmorëve. Ai ka folur edhe procesin e verifikimit të veteranëve, të invalidëve dhe të dëshmorëve.

Sipas Jasharit, nëse vazhdohet me këtë ritëm të punës, brenda këtij muaji do të përfundojë procesi për të tria kategoritë. /Epoka e Re/

1...6 7436 7446 745...9 240Page 6 744 of 9 240