Drejtori i Policisë rajonale në Prizren, Nexhmi Krasniqi, i cili ishte suspenduar nga Inspektorati Policor i Kosovës, sot nënshkroi vendimin për kthimin e tij në punë.
Krasniqi, ka thënë për KALLXO.com se sapo ka nënshkruar kthimin e tij në punë.

“Para dy ore kam nënshkruar dhe jam kthyer në pozitën e njëjtë që e kam pasur para suspendimit” tha Krasniqi.

Inspektorati Policor i Kosovës (IPK) në shtatorin e vitit të kaluar i kishte rekomanduar Policisë së Kosovës suspendimin e drejtorit të Drejtorisë Rajonale të Policisë së Prizrenit, Nexhmi Krasniqit, së bashku me Besim Rexhepin, udhëheqës në sektorin e hetimeve të vrasjeve, nën dyshimin se nga informacionet që posedonte IPK kishte ankesa nga qytetarët ndaj tyre.

Rexhepi ishte kthyer në punë rreth dy muaj më parë, ndërsa sot kthimin në punë e nënshkroi edhe drejtori Krasniqi.

Krasniqi tha se me të dëgjuar lajmin ka marrë urime të shumta nga kolegët e tij.

“Deri tash nga kolegët e mi i kam pranuar mbi 1,500 mesazhe urime, edhe vet jam i lumtur që më në fund triumfoi drejtësia dhe për qytetarët e Prizrenit nga të cilët kam pasur përkrahje në vazhdimësi, besoj që ky vendim është një vulë moszhgënjimit dhe pafajësisë time”, tha Krasniqi.

Komuna e Rahovecit, sot, ka nënshkruar marrëveshje me Caritasin Zviceran, për realizimin e projektit “Edukimi Parashkollorë në Komunën e Rahovecit”.

Nënshkrimi i marrëveshjes u bë nga nënkryetari i Komunës së Rahovecit, Xhemali Haxhimustafa, Vjollca Vuçiterna – drejtoreshë e DKA-së, Kreshnik Basha – shef i zyrës së Caritasit Zviceran zyra në Prizren dhe Albert Bakalli përgjegjës i projektit.

Nënkryetari i Komunës së Rahovecit Xhemali Haxhimustafa, falënderoi zyrtarët e Caritasit Zviceran për pranimin e kërkesës së bërë nga ana e komunës përkatësisht nga drejtoresha e DKA-së.

“Falë kësaj kërkese ka ardhur edhe tek nënshkrimi i marrëveshjes. Me nënshkrimin e marrëveshjes, do të përfitojnë 7 klasë parashkollorë në 7 shkolla në Komunën e Rahovecit”, ka thënë Haxhimustafa. Gjithashtu, ai, u shpreh i gatshëm, për vazhdimin e bashkëpunim edhe në projekte të tjera në mes të Komunës dhe Caritasit Zviceran.

Nga ana e tyre zyrtarët nga Caritasi Zviceran, thanë se edhe në te kaluarën ka pasur bashkëpunim në mes të Komunës së Rahovecit dhe Caritasit Zviceran, për këtë arsye nuk do të kemi problem për zbatimin e projektit i cili ka të bëjë me “Edukimi Parashkollorë në Komunën e Rahovecit”.

Sipas marrëveshjes, shkollat të cilat janë përfitues të këtij projekti nga Caritasi Zviceran do të përfitojnë pajisje për klasat e parashkolloreve, trajnimin e mësimdhënëseve të klasave të parafillorëve, do të bëhet edhe monitorimi i projektit, mbështetje e Komunës së Rahovecit në zhvillimin e strategjisë së parashkollore. Realizmi i projektit dë të zgjatë për periudhën nga viti 2016-2017. /PrizrenPress.com/

Në një garazh privat në fshatin Zhur të Prizrenit ka ndodhur një vjedhje e rëndë.

Sipas informatave që ia ka dhënë policisë pronari i garazhit thuhet se dikush ka hyrë në garazh dhe nga aty ka vjedhur vegla pune dhe sende të tjera (goma, felne alumini), në vlerë të përgjithshme rreth 10 mijë euro, raporton PrizrenPress.

Policia bën të ditur se ka intervistuar katër të dyshuar meshkuj, të cilët kanë pranuar se kanë kryer veprën.

Me vendim të prokurorit të dyshuarit janë liruar në procedurë të rregullt.

Një tjetër vjedhje e rëndë ka ndodhur edhe në fshatin Randobravë. Një i dyshuar – shtetas i Shqipërisë është arrestuar, pasi që ekziston dyshimi i bazuar se me forcë ka depërtuar në shtëpinë e viktimës, me ç’rast ka vjedhur gjësende të ndryshme. Me urdhër të prokurorit i dyshuari dërgohet në mbajtje. /PrizrenPress.com/