Festivali Ndërkombëtar i Filmit Dokumentar dhe të Shkurtër, DokuFest ka hapur thirrjen e aplikimit për programin e trajnimit për prodhimin e dokumentarëve dhe thërret pjesëmarrësit mes moshës 18-25 vjec nga Kosova, Shqipëria, Bullgaria, Bosnje dhe Hercegovina, Serbia, Maqedonia, Rumania, Greqia, Kroacia, Italia, Spanja dhe Franca të aplikojnë.
Projekti ‘Rec’on the future!’ ka për qëllim të ofrojë hapësirë për të rinjtë të diskutojnë për temën e shtetësisë në Evropë.
Pjesëmarrësit e përzgjedhur do të ftohen në Prizren për të konceptuar, xhiruar dhe edituar filmat e tyre nën drejtimin e tutorëve. Dy dokumentarë me temën e identitetit, kulturës dhe shtetësisë do të prodhohen.
Projekti do ti ketë dy sesione trajnimi:
Sesioni I në Prizren, Kosovë: 5 – 17 prill 2016
Sesioni II në Prizren Kosovë në fillim të muajit gusht 2016.
Afati i fundit për aplikim është 25 mars.
Projekti koordinohet nga Pistes Solidaires Méditerranée, organizuar nga DokuFest dhe me mbështeje financiare nga Erasmus+ dhe Région PACA. /PrizrenPress.com/