James Joyce, i lindur më 2 shkurt 1882, konsiderohet si thesari kombëtar i Irlandës. I njohur për librat klasikë si “Portret Artisti të Ri”, “Dublinasit”, si dhe kryeveprën “Uliksi”, por ndërkohë jeta e tij ka pasur plot të panjohura – saqë edhe sot ka shumë kontradikta për të.

Më poshtë, disa informacione interesante për shkrimtarin irlandez.

1. Personazhi i Moli Blum, në romanin e tij “Uliksi”, bazohet mbi gruan e tij, Nora Barnacle. Romani fillon më 16 qershor, dita kur Joyce takoi bashkëshorten e tij të ardhshme, më 1904.

2. Joyce studio danisht dhe norvegjisht në Dublin, në mënyrë që të ishte i aftë të lexonte veprën e dramaturgut norvegjez, Henrik Ibsen, në origjinal.

3. Pasi përfundoi studimet në vitin 1902, ai u largua nga Irlanda për në Paris, ku u shpërngul për të studiuar mjekësi.

4. Irlandezi jetoi me familjen e tij në Pola, Austro-Hungari në 1904-n, por në 1905-n u dëbua, kur qeveria zbuloi një rreth spiunësh.

5. Joyce u rikthye në Irlandë në vitin 1909, për të hapur kinemanë e parë në Dublin, “Cinematograph Volta”, ku shfaqte filma italianë dhe të vendeve të tjera europiane.

6. Joyce bëri 25 operacione në sy gjatë jetës së tij.

7. Përpara se libri i tij “Uliksi” të botohej në Amerikë në vitin 1934, qindra kopje të jashtëligjshme u sekuestruan dhe u dogjën në vitet 1920.

Pesë shtetas britanikë kanë vdekur në një aksident me makinë në Suedi.

Anëtarët e grupit indie Viola Beach janë të përfshirë në aksident, i cili ka ndodhur të shtunën në kryeqytetin suedez Stokholm.

Mediat lokale thonë se makina u zhyt nga një urë të autostradës në një kanal.

Grupi me bazë në Warrington, të cilët ishin për një koncert në Guildford në Surrey të shtunën, ishin pjesë e festivalit të muzikës suedeze “Where is the Music”.

Magazina më e madhe evropiane e filmit, Cineuropa, i ka kushtuar një artikull filmit “Shok”, të parit film në historinë e kinematografisë kosovare që u nominua për çmimin prestigjioz Oscar.

Shkrimi, që nis me titullin “Fëmijët me biçikletë janë rrugës për në Hollivud” nis duke cituar fjalët e paramilitarëve serbë “Ky nuk është shteti juaj. Merrni gjërat tuaja, largohuni dhe mos shikoni prapa. Nëse ktheheni, do t’ju vrasim”, drejtuar kosovarëve që po i dëbonin nga shtëpitë e tyre.

Cineuropa shkruan se nuk është e domosdoshme të jesh lindur e rritur në Prishtinë për të kuptuar absurditetin e përshkruar në këtë film kur një oficer i rangut të lartë nga ushtria serbe në një mëngjes të vitit 1998 dëbon nga shtëpia e tyre një familje shqiptare, në kohën kur Kosova është ende dhjetë vjet larg fitimit të pavarësisë.

Kjo magazinë thotë se matanë Atlantikut audienca është fascinuar me filmin sepse nga 16-të çmime marr nëpër festivale, 13 janë fituar në Amerikë.

“Kosova po feston këtë fitore të madhe, që është fryt i një strategjie të propozuar nga Qendra Kinematografike e Kosovës që ngadalë po e vendosë industrinë në hartën kinematografike”, shkruan Cineuropa.

Filmi “Shok” i regjisorit Jamie Donoughe është i bazuar në ngjarje të vërtetë dhe është i vendosur gjatë periudhës së luftës në Kosovë, kur vendi ishte nën okupimin e Serbisë. Këtu sprovohen kufijtë e miqësisë mes dy djemve të vegjël të cilët luftojnë për të mbijetuar gjatë luftës në Kosovë.

Në këtë film luajnë Lum Veseli, Andi Bajgora, Melihate Qena, Aurita Agushi, Eni Cani, Armond Morina, Eshref Durmishi, Sunaj Raça, Luan Kryeziu, Astrit Kabashi, Xhevdet Jashari, Kushtrim Sheremeti, Fisnik Ademi, Besnik Krapi etj.

Rikujtojmë se ceremonia e ndarjes së çmimeve “Oscars” mbahet më 28 shkurt.

Në prag të festës së Pavarësisë së Kosovës, kur debati politik është i ashpër dhe krahas aktiviteteve që po shënojnë këtë 8-vjetor planifikohet edhe protestë, edhe artistët kanë mënyrën e tyre për të reaguar.

Artisti kosovar, Rrezeart Galaica, komenton për KosovaLive njërin nga punimet e tij, objekt i së cilit është simboli shtetëror i Kosovës, saktësisht flamuri. Sipas Galicës ky flamur u përzgjodh me një konkurs të rremë.

“Flamurin e Kosovës e kam zgjedhur pa pas parasysh ato debate që sot përfliten, jo që për mua është i pranueshëm por sepse ka ardhur si pasojë e një konkursi të rremë, jo serioz, sepse teksa ne po aplikonim me idetë tona për flamur shtetëror të Kosovës, pushtetarët e atëhershëm vetëm se e kishin shtypur një sasi të flamurit të sotëm në fabrikat e Turqisë. Kjo është një ndër arsyet pse më vije fallc ky flamur i sotshëm, që duket qartë i kontrabanduar dhe jo përfaqësues e aq më pak emocionues si simbol”, thotë Galica.

Në punimin e titulluar “Hope Ks” (Shpresë Ks) harta e Kosovës paraqitet si një balonë e shfryrë, sipër të cilës janë yjet e komuniteteve, që sipas autorit, është një metaforë për tkurrjen e kosovarëve dhe privilegjet e pa arsyeshme dhënë komuniteteve.

“Nëse them se vetëm zhvillimet e fundit janë si reflektim i veprës sime atëherë gënjej sepse nuk është e vërtetë sepse zhvillime në dëm të qytetarëve të saj ka pasur që prej kohësh. Ju kujtohet se në fillim të vitit të kaluar imazhet që depërtuan nga vendi ynë ishte braktisja e vendit në masë të madhe nga të rinjtë që kishin humbur shpresën se zhvillimet në vendin tonë do të ishin pozitive. Tani po shohim se duke u privilegjuar një pakicë apo një tjetër. Kjo po e përgjysmon shtetin tonë duke krijuar një embrion të një shteti tjetër përbrenda e për nga perspektiva duket se ky embrion do të jetë kancerogjen për ardhmërinë e këtij vendi”, shprehet Galica.

Rrezearti ka pasur ekspozita të ndryshme personale në Prishtinë, Turqi, Gjermani, Itali etj, si dhe shumë ekspozita kolektive në vend dhe rajon.

Rikujtojmë se Galica në nëntor të vitit të kaluar prezantoi punimin e tij, “Bloody Eiffel”, që e lidh me sulmet terroriste që ndodhën në Paris.