Dje ka vdekur Antonin Scalia, anëtar i Gjykatës Supreme Amerikane, gjyqtar që ka shërbyer në gjykatën më të lartë më gjatë se cilido nga anëtarët e tjerë, i emëruar nga ish presidenti Ronald Reagan.

Emrimi i tij ishte bërë në vitin 1986. Vdiq në moshën 79 vjeç ndërsa në Gjykatë shërbeu plotë 30 vjet, post ku gjyqtarët emërohen me mandat të përjetshëm. Gjyqtari Scalia u tha se ka vdekur nga shkaqe natyrore në një dhomë hoteli gjatë qëndrimit në një vendpushim në Teksas.

Antonin “Nino” Scalia, zyrtarisht i quajur ‘gjyqtari i parë italiano-amerikan në gjykatën Supreme,’ nga disa grupe Arbëreshe në Amerikë do të konsiderohej si gyqtari me prejardhje dhe nga të dy prindërit Arbëreshë nga Sicilia, megjithëse një gjë të tillë, të qenit Arbëresh nuk dihet ta ketë thënë ndonjëherë vetë Scalia. Ai do të njihet si një zë i fuqishëm i konservatorëve të Amerikës dhe gjyqtari më i vlerësuar nga republikanët. Gjykata Supreme Amerikane e përbërë prej nëntë anëtarësh, është dega e tretë e pushtetit dhe anëtarët e saj konsiderohet se përbëhen nga dy krah ideologjik, ai konservator dhe liberal.

Ish presidenti Bill Clinton në deklaratën e tij tha se “edhe pse nuk jam pajtuar me te në pothuajse asgjë, unë gjithmonë e kam pëlqyer gjyqtarin Scalia.”

Presidenti Barack Obama, i cili duhet të emërojë gjyqtarin e ri, tha se Gjyqtari Scalia ishte “një mendje e shkëlqyer ligjore me një stil energjik dhe me ndikim tek një brez i gjyqtarëve, juristëve dhe studentëve, që i dha një formë të thellë peizazhit ligjor.” Gjyqtari i ri i propozuar nga presidenti duhet të konfirmohet nga Senati. /RTK

“Aleanca KuqeZi” është tubuar sot në bulevard në pritje të Sekretarit Amerikan të Shtetit, John Kerry. Dhjetra aktivistë “kuqezi”, kanë vendosur një banderolë për ardhjen e sekretarit Kerry në Shqipëri.

Në tubim, “AK” bëri thirrje që sekretari amerikan nuk duhet të takohet me qeveritarët shqiptar të korruptuar.

Në fjalën e tij, kreu i “AK”-së Kreshnik Spahiu, i uroi mirëseardhjen John Kerry-t, ndërsa i kujtoi atij se, duhet të publikojë emrat e politikanëve kriminelë, të përmendur kohë më parë nga ambasadori i tij, Donald Lu.

Spahiu theksoi se, Shqipëria për 25 vjet demokraci ka zero investime amerikane.

Më tej, ai bëri me dije se, shqiptarët janë një popull pro amerikan, me qeveritar servil dhe të korruptuar.

“Rreziku i Shqipërisë, banditizmi dhe jo patriotizmi”,- tha kreu i “AK”-së, Kreshnik Spahiu.

Aktivistët “kuqezi” vendosën një mesazh për Kerry-n në krye të Bulevardit të Tiranës.

Para pak çastesh avioni i Sekretarit të Shtetit, John Kerry, është ulur në pistën e Aeroportit të Rinasit.

Sekretari amerikan pritet me masa të rrepta sigurie dhe shoqërohet edhe agjentët e CIA-s.

Po kështu, një helikopter Cougar i ushtrisë po patrullon nga ajri.

Pas takimit me Presidentin Nishani, eskorta e Sekretarit Kerry do të niset drejt Tiranës, ku do të takohet në godinën e Kryeministrisë nga ministri i Jashtëm Ditmir Bushati e më pas me Kryeministrin Rama.

Sekretarit amerikan i Shtetit, John Kerry, sot viziton Shqipërinë. Ai në Rinas, përveç anëtarëve të protokollit të shtetit dhe zyrtarëve të nivelit të dytë do të gjejë edhe presidentin e Republikës së Shqipërisë, Bujar Nishani.

Pas mbërritjes në Rinas, shefi i diplomacisë amerikane do t’i drejtohet Kryeministrisë. Siç njofton zyra e kryeministrit, John Kerry do të takohet fillimisht me homologun e tij Ditmir Bushati dhe më pas do të kryejë takimin me kreun e qeverisë, Edi Rama.

Axhenda zyrtare përmban një deklaratë të përbashkët mes Kerryt dhe Ramës në orën 11.00 dhe menjëherë më pas, sekretari i Shtetit do të zhvendoset disa metra më tej, në hotel “Rogner”, ku do të zhvillohet takimi me kryetarin e Partisë Demokratike, Lulzim Basha, i shoqëruar nga 4 deputetë.

Gjatë mesditës së të premtes u fol për një takim të John Kerryt me Hashim Thaçin, por mediat në Shqipëri kanë konfirmuar se ky takim nuk është në agjendën e sekretarit amerikan të Shtetit.

09.00 Pritja në Rinas nga Presidenti

10.10 Takime me Kryeministrin dhe Ministrin e Jashtëm

11.00 Deklaratë e përbashkët e Sekretarit Kerry me kryeministrin Rama

11.40 Takim me Kryetarin e PD, Lulzim Basha, në hotel “Rogner”.

Ngaora 7 e mëngjesit deri në orën 15 të drekës, do të këtë kufizime të segmenteve që nga Qafë-Kashari, në vijim, pjesa e autostradës Tiranë-Durrës, segmenti i Laprakës, Rruga e Durrësit dhe Bulevardi Dëshmorët e Kombit.

“Të bllokuar do të jenë dhe aksi rrugor sheshi Skënderbej- Bulevardi “Dëshmorët e Kombit”- Sheshi “Nënë Tereza” dhe rrugët lidhëse me to. Gjitahshtu dhe rruga “Teodor Keko”, e njohur si Unaza e Re- Fabrika e Miellit- Bulevardi “Bajram Curri”- nga ura Teknologjike – Ura e Kualidimit – Ura e Drejtorisë Tiranë – Ura e Dajtit deri te ura e Rrugës së Elbasanit.

Aks tjetër i bllokuar është ai i bulevardit “Zogu i Parë” nga ministria e Drejtësisë deri tek sheshi “Skënderbej”.

Gjithashtu njoftohen të gjithë drejtuesit e mjeteve që do devijohet aksi rrugor i Kamzës deri tek shinat e Trenit”, njofton Policia e Shtetit.

Më shumë se 1500 efektivë janë angazhuar për mbarëvajtjen e vizitës së sekretarit Kerry, përfshirë edhe gardën e republikës dhe shërbimet inteligjente. Po ashtu për patrullimin nga ajri, në dispozicion do të jetë edhe një helikopter i ushtrisë.