Mosvotimi i Gjykatës Speciale do ta izolojë Kosovën edhe më shumë nga bota dhe nga grupi i shteteve prej të cilave varet ekzistenca dhe funksionimi ynë si shoqëri. Ndërsa në anën tjetër votimi i saj na detyron të heqim dorë nga tregimi historik që e shkruam për veten gjatë këtij çerek-shekulli. Kështu e nis përgjigjen e tij rreth votimit të Gjykatës Speciale, analisti kosovar, Dukagjin Gorani, në intervistën e tij dhënë gazetës “Zëri”.

Ai thotë se në njërën anë bëhet fjalë për nevojë, e në anën tjetër për fytyrë.
Gorani thotë se kjo Gjykatë do të bëhet, deshëm apo jo ne. Sipas tij, politikanët kosovarë e kanë në dorë të vendosin nëse do ta rrënojnë vendin e tyre apo jo.

Gorani ka folur edhe për situatën socio-politike në Kosovë dhe çështjet tjera me rëndësi, si liberalizimi i vizave dhe “bashkëjetesën” PDK-LDK. Ai ka shtuar se në Kosovë aktualisht është një huti e madhe e vlerave, qëndrimeve dhe bindjeve.

Zëri: Cila është gjendja socio-politike sot në Kosovë?

Gorani: Është një huti e madhe. Huti e vlerave, qëndrimeve, bindjeve. Po hyjmë në fazën e fundit të procesit të përballjes me vetveten – dhe me iluzionin që ndërtuam mbi shtetësinë, pavarësinë, sovranitetin..

Legjislativi i Kosovës mund ta ketë para vetes javën e ardhshme Projektligjin dhe amendamentet kushtetuese për Gjykatën Speciale.

Burimet e gazetës “Zëri” kanë konfirmuar se të gjitha gjasat janë që javën që vjen me procedurë të përshpejtuar të futet në rënd dite Projektligji për Gjykatën Speciale dhe se partnerët e koalicionit bashkë me minoritetet janë duke bërë përpjekjet e fundit që t’i sigurojnë dy të tretat e votave të deputetëve me mbështetjen e 2/3 e votave të komuniteteve pakicë.

Sipas këtij burimi, janë duke u bërë disa ndryshime në draft-ligjin e hartuar nga BE-ja me qëllim që të hiqet fjala “gjenocid” dhe sapo Projektligji t’i dërgohet Qeverisë, i njëjti po të njëjtën ditë do t’i procedohet Kuvendit…

Në kuadër të nismës “Gjykatë e Hapur”, të premten u organizua vizita e nxënësve të klasave të VI-ta, VII-ta dhe VIII-ta të ShFMU “Emin Duraku” të Prizrenit në Gjykatën Themelore. Vizita tematike “Njoftohu me gjykatën tënde” kishte për qëllim informimin e nxënësve rreth punës dhe shërbimeve që ofron Gjykata Themelore në Prizren dhe t’u mundësojë atyre të njihen për së afërmi me objektin e gjykatës.

Gjykata Themelore e Prizreni është gjykatë e hapur, e cila përpiqet t’i përfshijë në punën e saj të gjithë qytetarët e Prizrenit. Kjo vizitë e organizuar me ftesën e iniciativës së lartpërmendur ka për qëllim të krijojë një traditë të mirë të bashkëpunimit edhe me shkollat eqytetit.

Në pjesën e parë të vizitës nxënësit në njërën nga sallat e gjykimit u pritën nga gjykatësi Artan Sejrani gjyqtar në Departamentine Përgjithshëm, Divizioni Penal dhe zëdhënsja Afërdita Kicaj, të shoqëruar nga praktikantët e Zyrës për Informim Publik.

Sejrani prezantoi para nxënësve strukturën dhe punën e gjykatës, sfidat e punës dhe bashkëpunimin e gjykatës më qytetarët. Zëdhënësja Kicaj prezantoi punën që bënë zyra e informimit, mënyrat e komunikimit me qytetarë dhe mjetet e zhvilluara për krijimin e një lidhje më të mirë me qytetarët. Takimi vazhdoi me diskutim të hapur mes përfaqësuesve të gjykatës dhe nxënësve, të cilët ishin të interesuar për vështirësitë me të cilat ballafaqohen gjyqtarët gjatë punës së tyre, kriteret për tu bërë një gjyqtarë, si dhe nxënësit u interesuan për shqiptimin e dënimit me burgim të përjetshëm, etj.

Në pjesën e dytë të vizitës, nxënësit patën rastin të njoftohen për së afërmi me objektin e gjykatës dhe të shohin se cilat janë shërbimet që i ofron gjykata për qytetarët e Prizrenit, si duken sallat e seancave gjyqësore, ku dhe si operojnë departamentet brenda gjykatës.

Iniciativa “Gjykatë e Hapur” është rezultat i bashkëpunimit në mes të Gjykatës Themelore në Prizren dhe OJQ “EC Ma Ndryshe”, me partner implementues Universitetin e Prizrenit “Ukshin Hoti”. Qëllimi i përgjithshëm i iniciativës është përmirësimi i pjesëmarrjes së qytetarëve në sektorin e drejtësisë dhe rritja e besimit në sistemin e drejtësisë. /PrizrenPress.com/