Policia e Kosovës ka arrestuar dy persona në Malishevë, përkatësisht në fshatin Bellanicë dhe Carrallukë. Arrestimi i tyre është bërë me urdhër të Gjykatës Themelore në Gjakovë.
I arrestuari i parë është dërguar në vuajtje të dënimit në burgun e Dubravës, kurse i arrestuari i dytë pasi ka kryer obligimet e përcaktuara nga gjykata është liruar. /PrizrenPress.com/
Një rast i dhunës familjare është shënuar në Suharekë.
Policia e Kosovës thotë se një femër ka raportuar se është sulmuar fizikisht nga bashkëshorti i saj, me q’rast ka pësuar lëndime trupore.
Viktima ka pranuar tretman mjekësor.
Nuk raportohet për të arrestuar.
Me urdhër të prokurorit rasti shkon në procedurë të rregullt./PrizrenPress.com/
Ka filluar protesta për 150 dëshmorët e rënë para luftës së UÇK-së.
Kërkesat e protestuesve janë që tu njihet statusi i dëshmorëve edhe këtyre të fundit nga Qeveria e Kosovës.
Në Protestë janë duke marrë pjesë rreth 200 protestues.
Marshi protestues ka nisur nga Biblioteka Kombëtare për të vazhduar drejt sheshit “Zahir Pajaziti” dhe në fund do të ndalen para objektit te Qeverisë./Gazeta Tribuna/
Vokalisti i Radiohead, Thom Yorke, ka komponuar një vijë melodike të gjatë 432 orë.
Kjo këngë në momentin që do të shtypet butoni “Play”, nuk do të ketë më nevojë që të bëhet “Replay”.
Ky prodhim do të jetë pjesë e ekspozitës 18 ditore, sepse edhe vet kjo vijë melodike zgjatë plotë 18 ditë.
Kjo ekzspozitë do të titullohet “The Panic Office”, e do të mbahet në Sydney të Australisë.
York ende nuk ka planifikuar ende nëse këtë vijë melodike mund ta shijojnë edhe fansat e tij që nuk do të jenë të pranishëm në ekspozitë.
Shtatë persona janë vënë në pranga, si pjesë e një grupi kriminal që trafikonin lëndë narkotike drejt Greqisë.
Sipas burimeve zyrtare të Policisë së Shtetit, në sajë të operacionit të koduar “Udhëtimi”, janë sekuestuar 23.4 kg kanabis sativa. Operacioni është shtrirë në qytetet e Korçës dhe të Tiranës.
Të arrestuar në Korçë janë Adrian Lile, nga Tirana, Enver Lika nga Laçi, Altin Kodra, nga Lushnja, Leonard Qesari dhe Bujar Qesaraka nga Tirana. Ndërsa në Tiranë janë vënë në pranga Gjergjo Gjoka, nga Lezha dhe Platin Bodi nga Durrësi, raporton top-channel.
Nga hetimet e policisë rezulton se këta persona janë përfshirë në trafikun e lëndëve narkotike drejt Greqisë. Krahas drogës, policia ka sekuestruar 6 aparate telefonike celularë, 90 euro, 100 mijë lekë të vjetra dhe dy automjete.
Kryetari i LSDM-së Zoran Zaev ka pranuar që shqiptarët në Maqedoni të kenë një nga tre postet kryesore të shtetit në Maqedoni.
“Aktualisht, shumë aspekte të zgjidhjes së krizës politike varen nga përfaqësuesit shqiptarë, por jo vetëm prej tyre. Ato varen edhe nga qytetarët shqiptarë dhe pakica të tjera në vendin tonë. Kështu që le ta lëmë këtë gjë të ndodhë në mënyrë natyrale, dhe kështu do të ndodhë, sepse në vendin tonë ka intelektualë dhe politikanë me peshë nga të gjitha grupet etnike.” ka thënë Zaev
Ai ka thënë se si qytetarë e Maqedonisë po konfirmojmë faktin se kjo krizë po bashkon të gjithë, maqedonasit, shqiptarët, turqit, serbët dhe të gjithë grupet tjera etnike.
“Këtë e demonstruam në rastin e Kumanovës, këtë e demonstruam në grumbullimin masiv para qeverisë në Shkup dhe këtë gjë po e dëshmojnë çdo ditë para qeverisë. Ky nuk është vetëm qëndrimi im mbi këtë” ka thënë Zaev për Vision Plus.
Padyshim se secilit nga ne i intereson jeta e një personi që mbanë përgjegjësi publike. Kësaj radhe për ju lexues të dashur kemi zgjedhur që t`ju shpalosim momente nga jeta e njërit prej politikanëve më të votuar në Republikën e Kosovës. Është ky deputeti dhe kryetari i Nismës për Kosovën, Fatmir Limaj, i cili ekskluzivisht për gazetën “Bota sot”, rrëfen për jetën e tij familjare, bashkëshorten e tij Arlindën, fëmijët dhe madhështinë e të qenit gjysh.
Cilat ishin momentet me te vështira nga ana emocionale qe jeni pasur ne jete?
Fatmiri: Të them të drejtën në jetën time kam pas shumë momente të vështira emocionale si: burgosja dhe vrasja e shokëve të luftës kanë qenë momente shumë të rënda emocionale. Pastaj vdekja e prindërve dhe gruas. Po ashtu akuzat dhe shpifjet e ulëta që më janë bërë që 12 vite natyrisht që të çdo njeri shkakton dhimbje dhe i lutem zotit që askujt në botë mos t’i ndodhin padrejtësitë.
Sa ju mungon Fatmiri, kur dihet qe është shume i angazhuar?
Arlinda: Kur ne jemi martuar unë e kam marrë parasysh faktin se natyra e punës së Fatmirit është e tillë dhe se sigurisht do ta ndjej edhe mungesën e tij, por megjithatë përkundër gjithë angazhimeve ne megjithatë gjejmë kohë të mjaftueshme për njëri tjetrin. /Bota Sot/
Neverland – shtëpia dhe kopshti që i takon Michael Jackson, të cilin legjenda e bleu në vitin 1987, është shitur kësisoj për 65 milionë dollarë.
Dikur hapësira ishte kopsht zoologjik, një park argëtues. Legjenda e bleu hapësirën që ta kthente në një vend ku fëmijët e botës do të gjenin lumturi, derisa një vit më vonë nisi të jetonte edhe vetë aty.
Emri Neverland vjen nga Piter Pan, ishulli ku fëmijët jetojnë në përrallën e famshme. Parku ka qenë i mbyllur për publikun deri në vitin 2006 për shkak se legjenda Michael Jakcson kishte falimentuar edhe nuk mund të paguante.
Duket se Maqedonia po i afrohet daljes nga kriza politike. Për këtë arsye, sipas gjitha gjasave, dalje nga kriza do të jetë një qeveri kalimtare, dhe jo teknike ose qeveri tjetër për shpëtim nacional, thuan burime diplomatike për lokalno.
Sipas burimeve të njëjta jo zyrtare në tavolinë janë vendosur disa opsione, por një është e sigurt, vendi i kryeministrit i ngelet VMRO-DPMNE-së, por jo për Nikolla Gruevskin. Vendin e tij do ta marr, sipas gjitha gjasave Nikolla Todorov, edhe pse në lojë nuk është i përjashtuar edhe Lupco Jolevski.
Ministritë kyçe, financat, drejtësinë dhe MPB do të ishin të LSDM-së. Ndarja e të gjitha ministrive do të zgjidhet me të gjithë negociuesit në proces, ndërsa në mënyrë plotësuese do të limitohet me emra që duhet pranuar nga të gjitha palët, transmeton zhurnal.mk
Sipas burimeve të njëjta, Nikolla Gruevski do të kthehet në parti dhe do ta përgatis për zgjedhjet e ardhshme që do të mbaheshin pas gjashtë muajve, pasi që do të rregullohet lista zgjedhore, përderisa regjistrimi i popullësisë kësaj here do të ngelte pa u bërë, për shkak të kohës së shkurtër.
Lidhja Demokratike e Kosovës, Nëndega në fshatin Korishë, në mbledhjen e mbajtur dje, ka marr qëndrim unanim që delegati i degës së Prizrenit që është nga kjo nëndegë ta votoj për kryetar të partisë në kuvendin e VIII-të zgjedhor të LDK-së kryetarin aktual të partisë njëherit edhe kryeministrin e Kosovës Isa Mustafën.
“Nëndega e LDK-së e fshatit Korishë, përkrah fuqishëm kandidaturën e Akademik Isa Mustafës duke u bazuar në punën dhe kontributin e tij me qeverisjen e Kryeqytetit në dy mandate. Me anëtarësimin e Lidhjes Demokratike të Kosovës si anëtare e barabartë e Partive Popullore Evropiane. Me udhëheqjen e Isa Mustafës është shtuar numri i votuesve pro Lidhjes Demokratike. Dhe për herë të par Lidhja Demokratike e Kosovës merr udhëheqjen e Qeveris me Kryeministër Akademik Isa Mustafa. Këto janë merita shumë të mëdha të Liderit Aktual të LDK-së dhe përkushtimit të Fuqishëm të qeveris së tij në rikthimin e Kosovës në qeverisje normale dhe të përgjegjshme”, thotë kryetari i Nëndegës se LDK-së në Korishë, Agim Muçaj.
“Rezultatet e para të kësaj qeverie jan evidente dhe kemi besim të plot se në fund të mandatit do të kemi një stabilitet ekonomik, investime më të mëdha si vendore ashtu edhe të huaja një kalim shumë të favorshme për bizneset e reja. Këto janë argumentet por ka edhe shumë të tjera që nëndega i jep mbështetje delegatit zotëri Sefer Rexhaj që të votoj për kryetar partie Akademik Isa Mustafen”, thotë Muçaj. /PrizrenPress.com/