Autoritetet maqedonase kanë identifikuar trupat e të vrarëve gjatë konfliktit të fundjavës së kaluar në Kumanovë të Maqedonisë përmes autopsisë së përfunduar të hënën.

Numri i të vdekurve të identifikuar është dhjetë, nëntë nga ata janë nga Kosova, derisa njëri është nga Maqedonia, shkruan “Zëri”.

Burime të besueshme të gazetës në Ministrinë e Drejtësisë së Maqedonisë kanë konfirmuar në kushte anonimiteti se autopsia e trupave ka përfunduar gjatë ditës së hënë, ndërkohë janë në pritje të vendimit të Prokurorisë se kur do t’i lejojë trupat të sillen në Kosovë.

Ndonëse lista me emrat e të vdekurve akoma nuk ka arritur në Kosovë, gazeta ka pasur qasje në atë listë në të cilën në mesin e të vdekurve janë edhe të shumëpërfolurit, Mirsad Ndrecaj (17.06.1979) dhe Beg Rizaj (25.12.1977). /Zëri/

Trafikimi me qelizat vezë, me spermë, si dhe dallaveret me procesin e fekondimit artificial kanë gjenezën në klinikën kosovare “Global Hospital”, e mbyllur në fund të vitit të kaluar pas ndërhyrjes së Prokurorisë dhe Inspektoratit Shëndetësor.

Një raport i Komisionit për Frytnimin e Asistuar Mjekësor (KFAM) i hartuar nga një komision ekspertësh, e që e ka siguruar gazeta “Zëri”, sqaron se është pikërisht “Global Hospital” me pronare gjinekologen e arratisur Gjina Zeqiri, që i ka vënë vulën dallavereve në fushën e frytnimit të asistuar dhe procedurave të IVF-së.

Raporti i nënshkruar nga Shefqet Lulaj, kryetar i KFAM-së, i protokolluar më 26 nëntor 2014, në Ministrinë e Shëndetësisë, me numër protokolli 05-6859, sqaron se në klinikën e Zeqirit ishte bërë një inspektim bashkë me Policinë, pasi dyshohej se aty është kryer transplanti dhe shitblerja e qelizave gjinore…/zeri/

Kryeministri Isa Mustafa i ftuar në emisionin ‘Sonte’ në RTK, ka treguar për një bisedë me Myftiun e Kosovës Naim Tërnava. Tha se derisa ishte në vështirësi, Tërnava e kishte ngushëlluar me një shprehje kuranore.

“Ndryshime po bëjmë tani. Vetëm dëshiroj të ju them një rast kur ishim të themi në sikletin e protestave, sepse njeri i përjeton ato dhe nuk është lehtë të punohet kur ka protesta shumë. Pastaj erdhi në vizitë Myftiu Naim Tërnava të ma uroj detyrën edhe që të më ngushëlloj tha: Shiko mos u mërzit se në Kuran shkruan që kur punët fillojnë shumë vështirë pastaj kryhen lehtë”, tha Mustafa në emisionin ‘Sonte me Berat Miftarin’ në RTK.

Kryeministri Mustafa me 15 maj ka festuar ditëlindje e tij të 64-të. Lidhur me këtë ka thënë se ishte i lumtur që ditën e ditëlindjes kishte pranuar as shume urime.

Ai ka thënë se ishin bashkëpunëtorët që ia kanë kujtuar se e kishte ditëlindjen sepse nga angazhimet e shumta, kishte harruar se kishte ditëlindjen.

“Më thënë të drejtën e kisha harrua se kisha ditëlindjen, sepse në qeveri kur shkon ka shumë punë dhe kisha shumë takime. Por, ishin bashkëpunëtorët e mi që kur hyra në zyre ma kujtuan se kam ditëlindjen”, ka thënë Mustafa.

Ndërkaq, i pyetur se sa është aktiv në rrjetin social “Facebook”, Mustafa ka thënë së është shumë i hapur me qytetarët sepse sipas tij ndonjëherë jep mendime dhe merr mendim. Por, ai ka thënë se rrjetet sociale janë të nevojshme sepse siç thotë ai nuk është gjithmonë që ja qëllon dhe ka nevojë ti lexoj komentet e personave.

Ndryshe, kreu i Qeverisë së Kosovës është i lindur me 15 maj 1951 në Prapashticë.

Kjo është ditëlindja e parë në pozitën e kryeministrit. Ai ditën e ditëlindjes e nisi në mbledhjen e Qeverisë së Republikës.