5.6 C
Prizren
E shtunë, 11 Prill, 2026
Home Blog Page 6863

Një Berat, ministër në qeverinë e re të Turqisë

0

Presidenti i Turqisë Rexhep Taip Erdogan ka publikuar emrat e qeverisë së re të tij.

Ndër emrat e rinj binte në sy edhe ai i Berat Albajrak, dhendrit të Erdogan.

Albajrak u zgjodh parlamentar në Stambol dhe i është besuar Ministria e Energjitikës.

Kryeministër është konfirmuar Ahmet Davutogli.

Ndërkohë që një debat i madh është hapur pas përjashtimit nga qeveria e re e ish-ministrit të Jashtëm dhe Ekonomisë Ali Babaxhan, roli i të cilit është vlerësuar edhe nga Perëndimi.

Përjashtimi i tij ka ardhur pas disa përplasjeve me Erdogan në muajt e shkuar lidhur me çështjen e taksave. /Mapo

Grabitësi plagos me thikë gruan, i vjedh çantën me para

0

Një grua me inicialet J.C. është plagosur me mjet prerës të dyshuar si thikë në qendër të Tiranës, nga një person ende i paidentifikuar i cili i grabiti gruas një sasi lekësh që kishte në çantë.

Ngjarja e rëndë ndodhi rreth orës 15.00 në rrugën para Bankës së Shqipërisë.

Gjithçka ndodhi në pak sekonda, teksa autori i’u afrua gruas dhe i kërkoi paratë duke e kërcënuar me jetë.

Pasi hasi më rezistencën e saj, grabitësi e ka sulmuar dhe për pasojë e plagosi lehtë në dorë. Ai mundi të marë paratë që ndodheshin në çantë dhe u largua me shpejtësi.

Aktualisht Policia po kryen veprimet hetimore për zbulimin, e më pas arrestimin e autorit të krimit. /Mapo

Një person arrestohet në Prizren

0

Një person është arrestuar në rrugën “Wiliam Woker” në Prizren.

Siç raporton Policia e Kosovës, i dyshuari është arrestuar në bazë të urdhëresës së lëshuar nga Gjykata Themelore në Prizren.

I njëjti është dërguar në burgun e Dubravës. /PrizrenPress.com

Mbetet në fuqi masa e paraburgimit ndaj deputetes Kada- Bujupi

0

Kolegji penal prej tre gjyqtarësh i Gjykatës së Apelit, ka lënë në fuqi masën e paraburgimit prej një muaji, ndaj të pandehurës Donika Kada- Bujupi.

Kështu, Apeli ka refuzuar si të pa bazuar, ankesën e avokatit mbrojtës, kundër aktvendimit të Gjykatës Themelore në Prishtinë, PPKR.nr.415/2015 , të datës 23.11.2015.

“E pandehura po dyshohet nga ana e prokurorisë, për veprën penale ‘Përdorim i armës apo mjetit të rrezikshëm’, nga neni 375 lidhur me nenin 31 të Kodit të Procedurës Penale”, bëhet e ditur një njoftim.

Sipas vlerësimit të kësaj gjykate, pretendimet ankimore janë të pa bazuara, ngase prej shkresave të lëndës, respektivisht, prej provave të mbledhura gjerë me tani, rezulton dyshimi i bazuar, se e pandehura ka kryer veprën penale për të cilën dyshohet, dhe se a do të argumentohen këto fakte, është çështje që do të vërtetohet gjatë fazave të mëtutjeshme procedurale.

“Kjo gjykatë i vlerëson po ashtu si të pa bazuara edhe pretendimet e mbrojtjes se e pandehura ka imunitet funksional, pasi që Gjykata e Apelit, nuk është kompetente për vlerësimin e kushtetutshmërisë se Kushtetutës së Republikës së Kosovës. Një interpretim të tillë e bënë Gjykata Kushtetuese, vendimet e së cilës janë të obligueshme për gjyqësorin. Në vendimin e Gjykatës Kushtetuese AGJ.138/11, çështja e imuniteti sa i përket veprave penale është sqaruar”, thuhet më tej në njoftim.

Gjykata e Apelit, vlerëson se ende ekzistojnë arsye ligjore për caktimin e masës së paraburgimit, konform nenit 187 të Kodit të Procedurës Penale, duke pasur parasysh veprimet e të pandehurës të ndërmarra gjatë dy herëve.

“Të gjitha këto tregojnë se ekziston rreziku se po të gjendet e pandehura në liri do ta përsërisë veprën penale, dhe se kjo rrethanë paraqet bazë të mjaftueshme për caktimin e paraburgimit, konform dispozitave te lartë cekura”, thuhet në komunikatën e Gjykatës.

Bllokohet “Rruga e Kombit”, shembet dheu

0

Moti i keq i ditëve të fundit ka vështirësuar qarkullimin e mjeteve në rajonin verior dhe verilindor. Mëngjesin e sotëm (24 nëntor) është bllokuar njëra korsi e Rrugës së Kombit dhe shkak janë bërë rrëshqitja e dherave dhe gurësh në këtë segment.

Konkretisht rrëshqitja e dherave ka ndodhur në aksin Fushë-Dukagjin – Kukës. Ndërkohë pritet edhe ndërhyrja e autoriteteve për të pastruar masivin e gurëve.

Në këtë segment rrugor, ku çdo vit fenomeni i rënieve të masivëve të dherave e gurëve është evident, kanë qenë të pranishme duke sjellë probleme në qarkullimin e automjeteve.

Jo vetëm në rrugën e Kombit, por edhe në rrugë të tjera nacionale e rurale, rrëshqitjet e dherave e gurëve kanë qenë të pranishme si në rrugën Kukës – Krumë, Kukës – Shishtavec e Kukës – Peshkopi.

Sulmohet stacioni policor në Bosnje, dyshime për sulm terrorist

0

Prokurorët në Bosnje Hercegovinë po hetojnë një shpërthim që ka ndodhur në një stacion policorë, të cilat autoritetet thonë se mund të ketë qenë një akt i “terrorizmit”.

Sulmuesi ka hedhur një mjet shpërthyes në çatinë e ndërtesës në qytetin qendror, në Zavidoviq, duke shkaktuar dëme të vogla, por jo viktima, sipas policisë.

Një zëdhënëse e policisë tha se “rasti ka elemente të veprës penale të terrorizmit.”

Zyra e prokurorit kombëtar ka marrë përsipër rastin dhe pritet të formojë një ekip të posaçëm për hetime.

Incidenti vjen më pak se një javë pasi dy ushtarë u vranë, më 18 nëntor, nga një person i cili sulmoi ata me armë automatike, pranë një kazermë në Sarajevë.

Autoritetet kanë thënë se autori kishte lidhje me qarqet islamike dhe se sulmi ishte një “akt terrorist.”

Myslimanët përbëjnë rreth 40 % të popullsisë në Bosnje.

Shumica dërrmuese e myslimanëve të Bosnjës janë të moderuar, por një pakicë e vogël e mbështet vehabizmin radikal./REL

DokuFest thërret kineastët për aplikim

0

Festivali Ndërkombëtar i Filmit Dokumentar dhe të Shkurtër, DokuFest fton të gjithë autorët e dokumentarëve, filmave të shkurtër dhe animacioneve të aplikojnë me filmat e tyre për edicionin e 15-të festivalit.

“Ne jemi në kërkim të veprave të reja të cilat eksplorojnë kufijtë, e sfidojnë publikun, eksperimentojnë me stil dhe teknikë apo frymëzojnë me kreativitet”, thotë zyrtarja për marrëdhënie me publikun pranë DokuFest, Nita Deda.

Autorët mund të aplikojnë përmes internetit përmes platformave REELPORT në www.reelport.com, FESTHOME në www.festhome.com dhe FILM FREEWAY në www.filmfreeway.com/

Afati i fundit për aplikim është 01 mars 2016. Festivali do të mbahet nga data 5 deri më 13 gusht 2016 në Prizren, Kosovë. /PrizrenPress.com

Luftëtari serb përshkruan ‘shfarosjen’ e fshatarëve shqiptarë në Kosovë

0

Në rigjykimin e 12 ish-trupave të Ushtrisë Jugosllave për krime lufte gjatë konfliktit të vitit 1999 në Kosovë, një ish-luftëtar serb rikujtoi sesi grupe civilësh shqiptarë u qëlluan dhe vranë “si dele”.

Dëshmitar kryesor i prokurorisë, Zoran Raskoviç, ish-anëtar i një njësie ushtarake serbe të njohur si Çakallët, tha në gjykatën speciale në Beograd ditën e hënë se trupat tij të njësisë ekzekutuan më shumë se rreth 60 burra në fshatin Lubeniq të Pejës, më 1 prill 1999.

“Burrat që mund të mbanin armë u ndanë nga gratë, fëmijët dhe të moshuarit. Ata u liruan, por burrat u ekzekutuan në grup. Si dele, ata nuk u rebeluan shumë,” dëshmoi Raskoviç.

Qëllimi i sulmit ishte “të shfaroseshin” civilët që jetonin në fshat, tha ai.

Dymbëdhjetë ish-anëtarë të Skuadrës 177 të Ndërhyrjes të Ushtrisë Jugosllave, të cilët të gjithë u deklaruan të pafajshëm, po gjykohen për torturë, grabitje dhe vrasjen e 118 shqiptarëve të Kosovës. Ata janë akuzuar për krime në katër fshatra – Lubeniq, Pavlan, Qyshk dhe Zahaq – gjatë luftës së Kosovës në prill dhe maj të vitit 1999.

Sipas aktakuzës, qëllimi i sulmit ishte dëbimi i përhershëm i popullsisë shqiptare.

Raskoviç të hënën përsëriti dëshminë që ai dha më parë në vitin 2013 gjatë gjyqit të parë, kur ai e përshkroi në detaje masakrën brutale në Lubeniq.

Nëntë luftëtarët serbë janë dënuar më parë me një total prej 106 vitesh burg në shkurt të vitit 2014, por gjykata e apelit në Beograd e anuloi vendimin në mars, duke e quajtur atë “të pakuptueshëm dhe kontradiktor”, dhe e dërgoi rastin për rigjykim.

Në fillim të gjyqit, prokuroria pretendoi se burrat ishin anëtarë të një njësie paraushtarake të quajtur Çakallët, por më vonë vendosi se të gjithë të akuzuarit kishin karta identiteti ushtarake dhe merrnin rroga nga Ushtria Jugosllave.

Por Raskoviç megjithatë këmbënguli përsëri se luftëtarët nuk ishin pjesë e ushtrisë, por vetëm e “një grupi njerëzish të armatosur dhe gjaknxehtë”.

“Ne filluam ta mbronim vendin tonë me qëllimet më të mira duke kryer disa krime të tmerrshme. Ne Çakallët, vramë shumë civilë,” tha ai të hënën.

Para vrasjeve të Lubeniq, një nga civilët e pyeti komandantin e njësisë Nebojsa Miniç, i njohur ndryshe si “Mrtvi” (Vdekja) pse luftëtarët e tij hynë në fshatë “si kriminelë”, tha Raskoviç.

“Mrtvi e vrau atë dhe më pas tha se të gjithë të tjerët do të ekzekutoheshin,” risolli në mendje Raskoviç.

Minic, një nga oficerët më famëkeq të Ushtrisë Jugosllave të asaj kohe, vdiq nga një sëmundje që ka lidhje me AIDS-in në Argjentinë në vitin 2005, para se të ekstradohej në Serbi për akuzat për krime lufte.

Raskoviç tha se pas vrasjeve në Lubeniq, një nga burrat që janë në gjyq, Milojko Nikoliç, i njohur ndryshe si “Sumadija” hyri në turmën e fshatarëve për zvogëluar dhimbjen e tyre” dhe qëlloi ata që ishin ende gjallë.

Prokuroria e bashkoi çështjen me një tjetër i cila filloi në shtator të vitit 2014, në të cilën tre ish-anëtarë të Skuadrës 177 të Ndërhyrjes të Ushtrisë Jugosllave, Vladan Krstovic, Lazar Pavlovic dhe Milan Ivanovic, janë të akuzuar për pjesëmarrje në vrasjen e 46 njerëzve në Lubeniq më 1 prill 1 1999.

Edhe pse Krstoviç mohoi të ketë qenë në fshat më 1 prill 1999, Raskoviç tha në gjykatë se mban mend ta ketë parë atë atje ditën e vrasjeve.

“Mbaj mend që ishte atje, sepse ai ishte shok i ngushtë i Obradoviçit, një tjetër pjesëtar i njësisë tonë. I pashë bashkë diku në fshat atë ditë,” tha ai.

Çështja konsiderohet si një nga më të mëdhatë ndonjëherë në lidhje me krimet e luftës në Kosovë në gjykatat e Beogradit, me seanca dëgjimore dhe gjyq fillestar që zgjati për katër vjet. Sulmi ndaj katër fshatrave dhe mbulimi më pas i këtij krimi janë hulumtuar në një dokumentar të BIRN; “Të Paidentifikuarit”.

Në gusht të vitit 2014, prokuroria serbe për krime lufte nisi një hetim ndaj Dragan Zivanoviç, ish-komandant i Brigadës 125 të Ushtrisë Jugosllave, për akuzën se s’kishte bërë asgjë për të parandaluar vrasjet e shqiptarëve dhe shkatërrimin e shtëpive dhe pronave në katër fshatrat.

Deri më tani megjithatë nuk është lëshuar asnjë padi.

Gjyqi vazhdon më 18 dhjetor. /BIRN

Koci: Apeli akoma pa vendim për deputeten Kadaj–Bujupi

0

Gjykata e Apelit pritet të vendosë rreth ankesës nga ana e mbrojtjes për deputeten e Aleancës për Ardhmërinë e Kosovës, Donika Kadaj-Bujupi.

Arianit Koci, avokati i deputetes ka thënë për Klan Kosovën se akoma nuk ka marrë asnjë njoftim për këtë ankesë por ai pret që shqyrtimi i saj pritet të bëhet gjatë ditës së sotme.

Koci këtë ankesë e ka dorëzuar javën e kaluar në Gjykatën e Apelit.

Ndërkohë që deputetja e AAK-së Donika Kadaj – Bujupi është arrestuar të mërkurën e javës së kaluar në shtëpinë e saj pas fletë-arrestit të lëshuar nga Gjykata Themelore e Prishtinës pas hedhjes së gazit lotsjellës në  seancat e Kuvendit të Kosovës.

AAK: Manifestimi i 28 nëntorit nuk do ta rrezikojë sigurinë

0

Aleanca për Ardhmërinë e Kosovës, përmes një kumtese për media kanë sqaruar se manifestimi protestues me 28 nëntor do të jetë paqësor dhe i qetë. Sipas tyre, tubimi nuk do ta rrezikojë sigurinë e askujt dhe do t’i dërgohet pushtetit një mesazh.

Ata kanë reaguar duke shtuar se mos të lëshohet tollumbace alarmi sepse tubimi do të jetë paqësor.

“Mos lëshoni tollumbace alarmi sepse tubimi me 28 nëntor do të jetë paqësor

Manifestimi protestues i 28 nëntorit, do të jetë paqësor dhe i qetë. Opozita e Bashkuar, është përcaktuar që në këtë tubim, të shpalos kundërshtimin civil e qytetar, për dy marrëveshje që rrëzikojnë funksionimin normal të Kosovës.

Ne këtë tubim, do ta dërgojmë një mesazh për pushtetin . Askush nuk mund të jetë mbi kushtetutën e kundër interesave të vendit as me nënshkrime e as me këto dy marrëveshje.

Ne do të jemi paqësor, dhe tubimi ynë nuk do ta rrezikojë sigurinë e askujt.

Policia e Kosovës le ta kryej e qetë punën e saj.

Manifestimi ynë ku do të marrin pjesë i madh e i vogël, nuk mund të lidhet me asgjë, përpos me një kundërshtim qytetar, për dy marrëveshjet, të cilat tashmë po i kundërshton shumica”, thuhet në njoftimin e AAK-së.