Hetimet për korrupsion në Kosovë nuk kanë rezultuar me dënime përfundimtare. Kështu thuhet në Raportin e sivjetmë të Progresit të Komisionit Evropian, ku potencohet se politika ka ndikim në gjyqësor në luftën kundër korrupsionit.

“Kosova nuk ka krijuar ende një regjistër të hetimeve, ndjekjeve penale dhe dënimeve në rastet e korrupsionit. Në vitin 2014, Agjencia Kundër Korrupsionit ka kryer procedurat administrative në një total prej 304 raste, prej të cilave 56 janë të bartura nga 16 vitet e kaluara dhe 248 ishin të reja. Hetimet e rralla të korrupsionit të nivelit të lartë deri më tani nuk kanë rezultuar me dënime përfundimtare”, thuhet mes tjerash në Raportin e Progresit, në pjesën ku flitet për luftën kundër korrupsionit.

Po ashtu, sipas këtij Raporti, ekspertiza e Kosovës në trajtimin e hetimeve komplekse financiare dhe për konfiskimin e pasurive kriminale në mënyrë efektive është ende e kufizuar. “Ndikimi politik në zbatimin e ligjit dhe organeve gjyqësore vazhdon. Autoritetet politike duhet të sigurojnë që organet e zbatimit të ligjit janë të autorizuar plotësisht për të vepruar në mënyrë efektive dhe të paanshme kur hetohen për korrupsion”./zeri/

Njëra nga tri subjektet opozitare, Aleanca për Ardhmërinë e Kosovës, ka konfirmuar se bashkë me dy partitë opozitare, Lëvizjen “Vetëvendosje” dhe “Nismën për Kosovën”, janë marrë vesh që ta organizojnë, siç thonë ata, një tubim protestues më 28 Nëntor, në Ditën e Flamurit Kombëtar, duke i kundërshtuar kështu marrëveshjet e fundit me Serbinë dhe Malin e Zi.

Zëdhënësi i kësaj partie, Muharrem Nitaj, ka thënë se do të ketë tubim protestues më 28 nëntor, në orën 14:00, në sheshin “Zahir Pajaziti”.

“Opozita nuk po del në protesta, por e ka caktuar një tubim protestues, për datën 28 nëntor. Kjo s’ka lidhje me festat.

Tubimi do të jetë manifestim i qetë në sheshin ‘Zahir Pajaziti’ dhe është caktuar 28 nëntori në orën 14:00 për shkak se është fundjavë, dhe njerëzit nuk e kanë ditë pune”, ka deklaruar Nitaj.

Ndër të tjera, Nitaj thekson se pretendimet se kjo datë po shfrytëzohet për masivitet të pjesëmarrjes së qytetarëve në protestë, nuk qëndron.

“Pretendimet se kjo datë është caktuar për të shfrytëzuar 28 Nëntorin si festë nuk qëndrojnë”, ka thënë Nitaj.

Ndërsa dy partitë e tjera opozitare, Lëvizja “Vetëvendosje” dhe “Nisma”, nuk e kanë konfirmuar nëse protesta do të mbahet më 28 Nëntor.

“Ne jemi në Parlament dhe do të protestojmë brenda tij çdoherë që organizohet seancë, deri në tërheqjen e marrëveshjeve me Serbinë dhe demarkacionit me Malin e Zi”, ka thënë për “Zërin”, zëdhënësi i LVV-së, Frashër Krasniqi.

Kryetari i Prizrenit Ramadan Muja në emër të qytetarëve të këtij qyteti, ka shprehur ngushllime për humbjen e jetës së qindra qytetarëve francezë nga sulmet e mbrëmshme terroriste në Paris.

“Komuna jonë dhe gjithë qytetarët sot janë me Republikën e Francës dhe popullin francez”, thuhet në ngushllimin e Mujës.

“ Aktet terroriste në Paris, janë veprime qyqare të grupëve që planetin tonë e duan pa njerëz dhe që cenojnë edhe vetë krijuësin tonë, cenojnë jetën e pafajshme të qytetarëve të lirë. Goditjen ndaj Parisit, zemrës së lirisë dhe demokracisë botërore e përjetojmë si goditje edhe ndaj vlerave tona qytetare dhe vlerave universale planetare për jetë më të mirë për të gjithë”/PrizenPress.com/

Një biçiklist ka goditur veturën në Prizren. Policia e Kosovës njofton se biçiklisti ka pësuar lëndime trupore.

“I dyshuari duke lëvizur me biçikletë nga pakujdesia ka goditur veturën ‘VË’ që drejtohej nga viktima”

“Si pasoj e aksidentit i dyshuari ka pësuar lëndime trupore dhe i njëjti ka pranuar tretman mjekësor”. /PrizrenPress.com/