Tani, po duket qartë se partitë politike dhe pushteti i Kosovës kërkonin transferin e plotë të kompetencave nga ndërkombëtarët te vendorët që t’i shfrytëzojnë ato për pasurim të paligjshëm privat, e jo për të mirën e shtetit dhe perspektivën e integrimeve evropiane. Se ky ishte qëllimi i kërkesës së transferit, vërtetohet edhe me gjendjen në të cilën këta politikanë e sollën Kosovën deri sot”, tha analisti Isa Mulaj për “Kosova Sot”

Kryeministri Isa Mustafa, një- soj sikurse edhe paraardhësi i tij Hashim Thaçi, po vazhdon t’i mbajë me shpresë të kotë qytetarët e Kosovës për liberalizimin e vizave, ndërsa vendi mbetet i izoluari i Ballkanit. Mustafa, edhe në mbledhjen e fundit të Qeverisë, tha se beson shumë që në fund të këtij viti Kosovën do ta gjejmë me datën për liberalizimin e vizave. Mirëpo, përfaqësues të subjekteve politike në opozitë dhe analistë të pavarur nuk e besojnë as këtë premtim të radhës të kryeministrit, pasi ky mund të jetë vetëm një zotim mashtrues për blerje të paqes sociale, përballë dështimeve që po e përcjellin këtë Qeveri. Vlerësohet se shkaktarë të këtij izolimi janë interesat personale e grupore të kësaj politike, ato që po e dështojnë shtetin dhe po e shkatërrojnë atë për interesa pushtetare, klanore dhe oligarkike të mafies së sistemuar në kapjen e shtetit.

“Kjo klasë politike institucionale e ka dëmtuar seriozisht dhe tepër rëndë imazhin e vendit, aq sa na duhen dekada që ta përmirësojmë këtë imazh. Janë të gjitha raportet e deritanishme ndërkombëtare që flasin për Kosovën e që e fokusojnë në vazhdimësi ekzistencën dhe thellimin e krimit të organizuar dhe korrupsionit në të gjitha nivelet e qeverisjes së shtetit, duke qenë Kosova në top- listën e vendeve më të korruptuara dhe më të dështuara në sundimin e ligjit”, tha deputeti Zafir Berisha, nga subjekti politik “Nisma” për Kosovën../Kosova Sot/

Analistët dhe opozita komentojnë performancën kryeministrore

Akademiku nuk la gjurmë fare në zhvillimin e vendit

Të gjitha këto veprime të Isa Mustafës, me përkeqësimin e gjendjes në sferën ekonomike dhe me vazhdimin e monopoleve nga oligarkët mafiozë që e kanë kapur shtetin, po tregojnë se Isa Mustafa nuk ka lidhje se si qeveriset shteti. Kjo pasi që koha dhe praktika po tregojnë se të gjitha dikasteret ekonomike në vendin tonë kanë dështuar”, u shpreh deputeti Lahi Brahimaj

Lidershipi i profesorit të ekonomisë dhe akademikut Isa Mustafa i ka zhgënjyer tej mase analistët, deputetë të Kuvendit të Kosovës, por edhe përfaqësues të odave ekonomike dhe të Asociacionit të bizneseve. Ata thonë se kanë pritur shumë më tepër nga lideri i LDK-së. Sipas analistëve, me një ekonomist të mirëfilltë në krye vendi do të kishte dukshëm një qasje më të mirë se si do të zhvillohet.

Ndërkohë, që sipas tyre Isa Mustafa ka lejuar vazhdimin e monopoleve nga kompanitë e oligarkëve që janë të lidhur me pushtetin. Deputeti Lahi Brahimaj tha se, edhe pse deputet opozitar, ka pritur shumë më tepër nga kryeministri Isa Mustafa, pasi në krye të Qeverisë erdhi një ekonomist, i cili e ka marrë edhe gradën e akademikut. “Qeverisja e Isa Mustafës doli të jetë qeverisje e një ‘amkademiku’ dhe jo një qeverisje e një akademiku”, theksoi ai. Brahimaj thotë se Qeveria e Isa Mustafës i ka zhgënjyer madje edhe ata të partisë së tij, pra elektoratin më fanatik të LDKsë…/kosova sot/

Shqetësimet e opozitës nuk merren parasysh

Analistët besojnë se bashkësia ndërkombëtare, e cila ka mbështetur marrëveshjet e 25 gushtit, nuk dëshiron të rrezikojë, por mbështet Qeverinë aktuale, duke dënuar veprimet e opozitës

Paaftësia e kreut të Kuvendit për të menaxhuar si duhet seancat, pas veprimeve të opozitës, ka nxitur edhe reagime të ambasadave në Prishtinë. Deputetë të pozitës dhe analistë politikë konsiderojnë se vazhdimi i tejzgjatur i bllokimit të punës së Kuvendit të Kosovës dhe dështimi i kryetarit të Kuvendit, Kadri Veseli, për të siguruar kushte normale pune, i ka marrë sinjalet më serioze të deritanishme të faktorit ndërkombëtar se është gati të ndërmjetësojë për zgjidhjen e krizës, duke parë se tensionet po shtohen dhe nuk ka as dialog mes grupeve kundërshtare politike. Deputeti i LDK-së, Adem Salihaj, thotë se sinjalet dhe mesazhet e ndërkombëtareve janë shumë të qarta.

“Ata duan situatë stabile dhe ecje normale në proceset e rëndësishme, të cilat i ka Kosova përpara. Ata po ashtu janë shumë të qartë në mesazhet e tyre se duan që të funksionojë Kuvendi dhe institucionet e Kosovës. E vlerësoj se çështja e Asociacionit të komunave me shumice serbe është problematike, por vështirë e revokueshme, për shkak se ajo është bërë me presion ndërkombëtar dhe ata nuk do të lejojnë kthim prapa”, tha deputeti Salihaj për “Kosova Sot”…

Prokuroria e Shtetit kërcënon të pandehurit e opozitës, se nëse nuk paraqiten në Polici apo Prokurori, gjyqtari i procedurës paraprake do të lëshojë urdhërarrest. Deputetët e opozitës që hodhën gazin lotsjellës në Kuvend thanë se nuk do t’i përgjigjen Prokurorisë

Prokuroria e Shtetit do të lëshojë urdhërarrest për deputetin e “Vetëvendosjes”, Albin Kurti, Faton Topalli, deputeten Albulena Haxhiu, si dhe deputeten e AAK-së, Donika Kadaj-Bujupi, të cilët hodhën gaz lotsjellës në dy seancat e fundit në Kuvendin e Kosovës. Fletarrestimi vlen nëse këta deputetë nuk do t’i përgjigjen ftesës së Prokurorisë për të dalë para organeve të sigurisë. Deputetët e opozitës, ndërkaq, po refuzojnë të paraqiten në Polici apo para Prokurorisë, duke i quajtur këto institucione të varura nga politika dhe në mbështetje të krimit.

Vendosmërisht nga këto dy parti, të premten është deklaruar se nuk do t’i dorëzohen Prokurorisë. Mirëpo, nga Prokuroria e Shtetit bëjnë të ditur se do të ketë një afat deri kur do të priten deputetët që hodhën gazin lotsjellës të deklarohen në Polici dhe Prokurori. Dhe pas këtij afati ata do të arrestohen…/zeri/