Radiohead e ka përfunduar incizimin e albumit më të ri. Kitaristi Jonny Greenwood e konfirmon këtë lajm të gëzueshëm.
Radiohead e ka kaluar muajin shtator brenda në studio, duke punuar në albumin e tyre më të ri, të nëntin me radhë.
Duket se sesionet e tyre ka kulmuar suksesshëm, pasi që kitaristi Jonny Greenwood i ka deklaruar një radioje ruse se bendi tashmë e ka përfunduar incizimin.
“E kemi përfunduar incizimin e albumit të ri, por po vazhdojmë ta rishikojmë punën që kemi bërë”.
“Shpresojmë që do të jetë gati së shpejti, e pastaj do të planifikojmë turneun për vitin e ardhshëm”, ka thënë Greenwood.
Lajmi për albumin e ri Radiohead nuk është fort befasues, marrë parasysh deklaratat e mëhershme të daullexhiut Phil Selway – i cili pat përmendur vjeshtën si kohën kur ata shpresonin ta kryenin atë.
Pak dihet për përmbajtjen.
Selway pat lënë të nëkuptohej mundësia e një bashkëpunimi të jashtëm, gjë që – nëse ndodh – do të ishte hera e parë për Radiohead. Greenwood, ndërkaq, ka thënë se “Lift”, kënga që daton prej vitit 1996, mund të jetë në këtë album. /Politiko.net