Për rreth një dekadë e gjysmë, la profesionin e tij kirurgjinë dhe u mor me politikë. Ishte kryeministër, kryetar komune e ministër. Por, tani kur nuk ushtron asnjë post publik, ai ka filluar të flas për profesionin e kirurgjisë, me theks të veçantë synetinë.

Rexhepi në një emision në Klan Kosova, duke folur për këtë temë ka bërë të ditur se në kohën kur vendi ishte i pushtuar nga Serbia, e shqiptarët u larguan nga puna, ai kishte filluar të bënte kryesisht punën e synetisë. Ai ka treguar se ka ndodhur që brenda një viti të ketë bërë deri në 700 syneti. Ndërsa si raste të veçanta, ka përmendur dy të tilla, kur i është dashur të bëjë synet dy persona, njëri i moshës 40 dhe tjetri 43 vjeçar.

Veriu.info mëson se Bajram Rexhepi së shpejti pritet t’i kthehet zanatit të tij prej kirurgu, e që normalisht do të merrej edhe me syneti, pasi që jemi edhe në prag të sezonit veror e që njihet si sezon i dasmave dhe synetive.

Marrëveshjen e para dy viteve në Bruksel mes shtetit të Kosovës dhe atij serb, deputeti i Nismës për Kosovës, Zafir Berisha, e vlerëson si të dëmshme për vendin. Berisha në një postim në rrjetin social Faceebok, ka shkruar se me marrëveshjen e para dy viteve, Serbia u bë palë në (ç)rregullimin e brendshëm të Kosovës.

Postimi i Berishës në Facebook
Dy vite më parë u arrit marrëveshja e Brukselit ku Serbia u bë palë në (ç)rregullimin e brendshëm të Kosovës. Kjo marrëveshje fundosi përfundimisht perspektivën Evropiane të qytetarëve të Kosovës duke bërë vendin tonë shtet jo funksional. Nga kjo marrëveshje u legjitimua në institucionet, politika ekstremiste serbe, e cila do të jetë “vrimë e zezë” për vendin tonë për shumë kohë

Zëvendëskryeministri, njëherësh ministër i Punëve të Jashtme, Hashim Thaçi, ka kujtuar dyvjetorin e nënshkrimit të marrëveshjes së Brukselit, ndërmjet Kosovës dhe Serbisë, në kuadër të dialogut për normalizimin e marrëdhënieve.

Thaçi ka thënë se pavarësisht ngecjeve, suksesi i pamohueshëm i marrëveshjes ka sjellë përfitime afatgjate për tërë Kosovën e rajonin dhe është bërë shembull botëror i zgjidhjes së problemeve me dialog.

“Dy vite më parë e nënshkruam marrëveshjen historike të Brukselit me të cilën siguruam zhbërjen e strukturave ilegale paralele të Serbisë dhe evropianizimin e Ballkanit. Pavarësisht ngecjeve, suksesi i pamohueshëm i marrëveshjes ka sjellë përfitime afatgjate për tërë Kosovën e rajonin dhe është bërë shembull botëror i zgjidhjes së problemeve me dialog. Në këtë përvjetor dëshiroj ta përkujtoj Enver Zymberin, i cili e dha jetën në mbrojtje të sovranitetit të Kosovës, por prej të cilit edhe lindi procesi që shtriu pushtetin e Kosovës gjithandej vendit dhe afroi Kosovën në prag të BE-së”, ka shkruar Thaçi në profilin e tij në Facebook.

Pas akuzave që deputeti i LDK-së, Armend Zemaj i bëri në adresë të ministrit të FSK-së, Haki Demolli, ka reaguar ky i fundit. Përmes një postimi në Facebook, Demolli ka thënë se ai është i pavarur në qëndrimet e tija dhe nuk i frikësohet as SHIK-ut, e as askujt tjetër.

Ministri Demolli në përgjigjen e tij ka thënë se Zemaj merret me insinuata, “… ia bëjë me dije deputetit Zemaj, se jam një ish deputet, një ministër aktual i cili gjatë gjithë jetës së vet ka pasur dy parime kryesore të angazhimit: a) parimin e ndershmërisë dhe b) parimin e përkushtimit”.

Lexojeni të plotë postimin e Demollit në Facebook:

Në shenjë respekti dhe përkujtimi për betejën e Kosharës dhe kontributin e jashtëzakonshëm të komandantëve dhe heronjëve të kombit Agim Ramadani dhe Sali Çekaj, këtyre ditëve nën patronatin e kryeministrit të Kosovës Z. Isa Mustafa, është organizuar manifestimi tradicional “Ditët e Shqipes”. Në kuadër të këtij manifestimi, me dt. 09.04.2015 është mbajtur akademia përkujtimore dhe janë organizuar homazhe në varrezat e dëshmorëve të rënë në Koshare.

Kurse me dt. 11.04.2015, është organizuar akademia përkujtimore për Komandanin Agim Jashari, ndërsa sot është organizuar akademia përkujtimore për Komandantin Sali Çekaj. Për këtëo dy akdemi përkujtimore, nga ana e Kryeministrit Isa Mustafa, jam caktuar që si Ministër i FSK-së të mbajë nga një fjalë rasti.

Dhe vërtetë, konform marrëveshjes me kryeministrin Mustafa, unë në praninë e familjarëve të heroit Sali Çekaj, qindra familjarëve të dëshmorëve, veteranëve të Brigadës 138 “Agim Ramadani”, veteranëve të UCK-së, ministrave, deputetëve të Kuvendit të Kosovës, kryetarëve të komunave, aktivistëve të cështjes kombëtare dhe të pranishmëve të tjerë, në emër të Qeverisë së Kosovës kam mbajtur një fjalë të rastit në përkujtim dhe respekt të heroit të popullit Sali Çekaj dhe të bashkëluftëtarëve të tij, pjesmarrës në Betejën e Kosharës.

Ndonëse një numër i madh i të pranishmëve në këtë Akademi përkujtimore më përgëzoi për fjalimin, si një fjalim tejet objektiv, përmes të cilit u përshkrua në mënyrë tejet objektivi jeta dhe vepra e Komandanit Sali Çekaj, si dhe u fol gjërë e gjatë për aktivitetin politiko-ushtarak të heroit kombëtar Sali Çekaj.

Por për habinë time personale e besoj edhe habinë e shumë pjesëmarrësve të kësaj akademie përkujtimore, menjëherë pas fjalimit, u prononcua publikisht Armend Zemaj, deputet i Kuvendit të Kosovës, i cili në pronocimin e tij u shfrytëzua me disa të pavërteta, me qëllim të denigrimit të fjalimit tim në këtë akademi.

Për hirë të së vërtetës unë po citojë pjesë nga pronencimi i deputetit Zemaj, ku ndër të tjera ai thotë: “Paramendo një Minister i LDK-së, si Minister i FSK-së, nuk ka guxim të theksoj në terminologjinë e tij fjalen FARK apo edhe të përmend emrat e Komandantëve si Ahmet Krasniqi e Tahir Zemaj si epror dhe bashkëluftëtare të Sali Çekajt e Agim Ramadanit.. Frika e tij nga eproret e SHIK-ut tregon ligësin dhe mashtrimin e elektoratit Rugovian..”,

Lidhur me një deklaratë të tillë të Zemajt, e më qëllim të pasqyrimit të së vërtetës dhe vetëm të vërtetës, pa lënë hapsirë të ndonjë keqkuptimi, për qytetarët e Kosovës në përgjithësi dhe të simpatizantëve dhe anëtarësisë së LDK-së, unë do t’i komentojë dhe do të ofrojë fakte, lidhur me dy insinuata të deputetit Zemaj:

1. Deputeti Zemaj, thotë se kinse unë nuk kam guxuar të përdorë gjatë fjalimit tim “terminologjinë FARK”, unë për hirë të së vërtetës, do të citojë disa pjesë nga fjalimi im, në bazë të cilave shihet se unë gjatë fjalës sime në vazhdimësi kam theksuar se Beteja e Kosharës është përgatitur, udhëhequr dhe zhvilluar nga Forcat e Armatosura të Ministrisë së Mbrojtjes të Republikës së Kosovës (FARK-ut).

Citoj “Deri në Epopenë e marsit të vitit 1998 të cilën e udhëhoqi komandanti legjendar Adem Jashari, Sali Çekaj do të vazhdonte aktivitetet e kombinuara politiko- ushtarake me aktivistët e LDK-së si në diasporë ashtu edhe në Kosovë, me qëllim të përgatitjes për luftën clirimtare të armatosur, e cila sipas tij në ato rrethana ishte e pa shmangshme. Me fillimin e luftës clirimtare në Kosovë, Sali Çekaj u rreshtua në rradhët e Forcave të Armatosura të Minsitrisë së Mbrojtjes të Republikës së Kosovës. Pas përgaditjeve të përshpejtuara në bazat ushtarake të Ministrisë së Mbrojtjes së Kosovës që gjendeshin në Shqipëri, Saliu në pranverën e vitit 1998, hyri në Kosovë për të operuar në Rrafshin e Dukagjinit.” …”Pas Ofensivës së armikut të shtatorit 1998, Komandant Saliu me bashkëluftëtarët e tij Agim Ramadani, Rrustem Berisha e shumë oficerë të tjerë të Ministrisë së Mbrojtjes së Republikës së Kosovës, do të rigrumbullojë ushtarët e Brigadës 138, për t’i stërvitur dhe përgatitur për njërin prej operacioneve dhe betejave më të lavdishme të clirimtarëve të Kosovës.”

2. Insinuata e dytë e deputetit Zemaj, është se kinse unë frikësohem nga eprorët e SHIK-ut dhe në këtë mënyrë mashtroi elektoratin Rugovian. Unë përmes kësaj shkrese ia bëjë me dije deputetit Zemaj, se jam një ish deputet, një ministër aktual i cili gjatë gjithë jetës së vet ka pasur dy parime kryesore të angazhimit: a) parimin e ndershmërisë dhe b) parimin e përkushtimit.

Andaj pikërisht për shkak të këtyre dy parimeve, e sidomos për shkak të faktit që askush në këtë botë, nuk mund të më etiketojë për ndonjë veprim të kundërligjshëm apo ndonjë keqpërdorim apo bashkëpunim dhe malverzime me ndonjë organziatë qoftë legale apo ilegale (përfshi këtu edhe SHIK-un), unë jam plotësisht i pavarur dhe nuk i frikësohem askujt gjatë paraqitjeve publike në pasqyrimin e bindjeve dhe mendimeve të mija lidhur me dukuritë e ndryshme politike, përfshirë këtu edhe respektin dhe përkujtimin e heronjëve kombëtar dhe betejave të tyre të zhvilluara për clirimin e vendit tonë. E poqëse, dikush ka ndonjë fakt apo argument me të cilat do të mund të kontestonte, këto vlerësime rreth punës dhe angazhimit tim, atëherë e ftoi që ato t’i bëjë publike.

Lideri i AAK’së, Ramush Haradinaj ka shtrënguar duart sot me Kryeministrit e Kosovës, Isa Mustafa. Takimi i Hardinajt me Mustafën ka ndodhur vetëm një ditë pas protestës së opozitës.

Por, çka u fol në këtë takim?

Shefi i Grupit Parlamentar të LDK’së, Ismet Beqiri, i cili ka marrë pjesë në këtë takim, thotë se s’u fol për protestë por vetëm pinë nga një kafe me liderin e opozitës.

“Ky takim ishte normal”, thotë Beqiri, për Gazetën Express.

Takimi Mustafa-Haradinaj ka ndodhur pas akademisë përkujtimore për nder të heroit Sali Çekaj.

“Pas përfundimit të kësaj akademie ishte një kafe rasti në të ciliën mori pjesë edhe z. Haradinaj. Asgjë tjetër përpos një kafe dhe është normale një takim i tillë. Ne jemi rival politikë por nuk jemi armiq”, ka shtuar Beqiri.

Lideri i AAK’së, Ramush Haradinaj, vitin e kaluar, për gjashtë muaj sa kishte zgjatur bllokada politike, kishte pasur takime ditore me Liderin e LDK’së, Isa Mustafa.

Por, raportet ishin prishur kur u prish marrëveshja e Bllokut dhe AAK mbeti për herë të tretë në opozitë.

Tash, Haradinaj është bërë bashkë me Lëvizjen Vetëvendosje dhe po protestojnë kundër Qeverisë. Protesta e fundit ishte të shtunën.

Sekretari i Përgjithshëm i LDK’së, Ismet Beqiri thotë se në takimin e sotëm Mustafa – Haradinaj s’u fol për protestën.

“Nuk kemi folur për protestë. Secili i ka punët e veta. Ne edhe me herët kemi thënë se është e drejtë demokratike me protestu. Protesta është e ligjshme derisa nuk rrezikohet vendi. Nuk dua ta kualifikoj protestën e djeshme dhe as pjesëmarrjen. Me rëndësi që protesta ishte e qetë”, ka deklaruar Beqiri. /Gazeta Express/