Presidenti i Republikës së Austrisë, Heinz Fischer në një seancë solemne iu ka drejtuar deputetëve të Kosovës, duke i porositur që ta respektojnë kushtetutën dhe shtetin ligjor. Kurse, sa i përket integrimit të Kosovës, ai tha se nuk duhet vënë data por duhet të krijohet rruga.

Fischer tha se BE është një familje e madhe dhe objektivat janë që edhe shtetet e Ballkanit të përfshihen në sfidën e refugjatëve.

Ai ka premtuar se Austria do ta vazhdojë me përkrahjen e zhvillimit ekonomik të Kosovës.

“Interesi nacional i vendit është që për hir të shtetit të veprohet në funksionim me një zë të përbashkët. Apeloj tek ju për një pluralizëm. Asnjë demokraci nuk është përfekte. Unë mendoj se demokracisë i bëjmë një shërbim të mirë kur kemi një bazë të mirë ekonomike”, ka thënë ai.

Kryetari i Kuvendit të Kosovës, Kadri Veseli, ndërkaq, ka deklaruar se prezenca e Fischer në Kuvendin e Kosovës shpreh më së miri përkrahjen e Austrisë ndaj Kosovës.

“Lidhjet e shumëfishta me vendin tuaj për neve paraqesin një vlerë të veçantë të cilën do ta vazhdojmë edhe në të ardhmen”, ka thënë Veseli.

Një numër jo i vogël i rasteve të inkriminuara, ku janë përshirë zyrtarë të lartë, si nga niveli qendror ashtu edhe nga ai lokal, kanë zënë myk në sirtarët e prokurorisë dhe për pjesën më të madhe të tyre gjasat janë që të mos zbardhen kurrë.

Hetimet në rastin e privatizimit të Fabrikës së Amortizatorëve, apo edhe në shumë privatizime të tjera, në rastin e skandalit të grurit kancerogjen, në rastin e Fondit të tre-përqindëshit, në rastin e Fondit “Vendlindja thërret”, e në shumë raste të tjera, kanë njohur zvarritje, madje në disa prej tyre nuk po punohet fare.

Profesor Muhamet Kelmendi këtë situatë e lidh me emërimin në drejtësi të njerëzve të politikës.

“Çështja e hetimit të zyrtarëve të lartë dhe dhënies së dënimit meritor, konform ligjeve, të cilat ekzistojnë në fuqi në Kosovë, është një çështje e cila ka çaluar që 16 vjet, që nga momenti i çlirimit të Kosovës e deri më sot, për shkak se çështja e ndjekjes, hetimit dhe procedurës së mëtejshme ndaj këtyre personave është çështje e politizuar skajshmërisht dhe natyrisht këta faktorë apo subjektet që janë kompetente për të hetuar dhe për të dhënë dënimin më tutje janë nën kontrollin përfundimtar të forcave politike shtetërore”, ka theksuar ai.

Sipas tij, kuptohet që në këtë drejtim pastaj nuk kemi hetime, analiza të kësaj çështje, dhe nuk kemi as dënime konform ligjeve të cilat janë në fuqi.

“Këtu duhet të përmendim disa veprimtari, të cilat janë të domosdoshme të hetohen. Është fjala për tre-përqindëshin, ku udhëheqës i tij ka qenë Bujar Bukoshi, për fondin “Vendlindja thërret”, për rastin e Goleshit, për rastin e Aeroportit të Prishtinës, për çështjen “Bektel-Enka”, për rrugën në drejtim të Morinës, për shumë veprimtari, të cilat janë kryer në mënyrë të pandërprerë që 10 apo 15 vjet, për të cilat flitet në popull që janë veprimtari kriminale, pra për krim të organizuar dhe që askush nuk është përgjigjur. Fakt është se këtu kemi të bëjmë me keqpërdorime nga pozita shtetërore të nivelit më të lartë dhe natyrisht si të tilla është e kuptueshme pse hetimet mbesin në fillim apo nuk shkojnë më tutje fare. Por, edhe nëse shkojnë më tutje nga gjykata shpallen të pafajshëm ose rastet lihen në sirtarët e gjykatës me 10 apo 15 vjet, derisa vjetërsohet në tërësi”, është shprehur Kelmendi. /Kosova Sot

Kthimi i opozitës në seancën e sotme plenare nuk nënkupton se gjërat po vihen në binarë, pasi që tri partitë opozitare kanë hartuar një plan operativ edhe më të rrezikshëm se ai i gazit lotsjellës për paralizimin e Kuvendit.

Opozita synon që të hënën t’i bllokojë hyrjet e Kuvendit të Kosovës me simpatizantët e tyre të zjarrtë, që t’ua pamundësojë deputetëve të koalicionit të futen brenda në Parlament, shkruan Zëri.

E nëse kjo praktikë nuk jep rezultatet konkrete, atëherë alternativa mbetet sërish “kallja” nga brenda e Kuvendit me gaz lotsjellës dhe gjësende të tjera, të konsideruara “demokratike”.

Blloku opozitar shprehet i vendosur se do të përdorë të gjitha mjetet për ta stopuar punën e legjislativit, në shenjë kundërshtimi të marrëveshjeve të arritura për Asociacionin e Komunave Serbe dhe Demarkacionin e Kufirit me Malin e Zi. /Zëri

Drejtori i Shërbimeve Publike komunale, Hasan Hasani, i ka kërkuar falje publike këshilltares së Lëvizjes Vetëvendosje, Drita Millaku, në Gjykatën Themelore në Prizren. Pas kërkimfaljes është mbyllur edhe gjykimi për padinë që kishte bërë Millaku .

“Jemi pajtuar sepse nuk jemi armiq” ka konfirmuar Hasni për KD.

Një person është gjetur pa shenja jete në Dragash.

”Në rrethana të panjohura viktima mashkull K/Boshnjak është gjetur pa shenja jete i shtrirë në skaj të rrugës”, njofton Policia e Kosovës.

“Vdekjen e viktimës e ka konstatuar mjeku kujdestar në vendin e ngjarjes”.

“Me urdhër të prokurorit trupi i pajetë i viktimës është dërguar në IML për obduksion./PrizrenPress.com/