Kreu i AAK-së, Ramush Haradinaj i ka falënderuar të gjithë pjesëmarrësit e protestës së sotme të cikën ai e quajti gjithëpopullore dhe masovike.

Mesazhi i plotë i Haradinajt në Facebook:

Falënderoj të gjithë pjesëmarrësit e protestës së sotme gjithëpopullore të cilët masovikisht iu përgjigjen thirrjes për të protestuar dhe ngritur zërin qytetar kundër kapjes se shtetit nga pushteti.

Adresimi i kërkesave dhe simbolika e sotme përmes marshit protestues ishte demokratike, paqesore dhe civilizuese duke dëshmuar dhe fuqizuar edhe njëherë përcaktimin dhe përkushtimin tonë qe shtetin ta shkapim nga pushteti përmes mjeteve legjitime dhe demokratike.

Falënderoj mediat e huaja dhe vendore të cilat e përcollën marshin protestues dhe transmetuan zërin e qytetarëve kundër kapjes së shtetit. Poashtu, falënderoj edhe organet e rendit të cilat kontribuuan në mbarëvajtjen e qetë të kësaj proteste gjithëpopullore.

Qeveria i ka dy javë kohë që të reflektojë mbi kërkesat tona!

Ne nuk do të ndalemi deri në realizimin e kërkesave gjithëqytetare për dinjitet dhe shkapje të shtetit. RH

Kalaja e qytetit të Prizrenit sot mori pamje krejt tjetër, pasi që mbeturinat në këtë pjesë u hoqën.

Një aktivitet të tillë e ka ndërmarrë iniciativa “Ta pastrojmë Kosovën”, në bashkëpunim me Departamentin e Trashëgimisë në Ministrinë e Kulturës, Drejtorinë e Shërbimeve Publike të Komunës së Prizrenit dhe shumë organizata e nxënës të shkollave fillore e të mesme.

Kjo fushatë ka për qëllim që të përçojë mesazhin në ditën botërore të trashëgimisë kulturore se si çdo monument tjetër kalaja e Prizrenit duhet të ruhet, dhe se janë vetë qytetarët ata që duhet ta mbrojnë atë.

Për pastrimin e kësaj pjese të qytetit kanë dalë sot edhe zyrtarë të komunës së Prizrenit.

Ky aktivitet, që ka filluar që nga fillimi i muajit prill, do të vazhdojë gjatë gjithë këtij muaji dhe do të përfundoj me 24 maj me një aksion të madh të përbashkët në të gjithë Kosovën.

Kryetari i Nismës për Kosovë, Fatmir Limaj, ka falënderuar të gjithë qytetarët për pjesëmarrjen në protestë.

“Mirënjohje për të gjithë qytetarët, anëtarët e simpatizantët e NISMA-s për Kosovën, për pjesëmarrje sot në protestën e organizuar nga partitë opozitare, LVV, AAK dhe NISMA”.

“Kjo pjesëmarrje masive e qytetarëve në protestën paqësore dhe të dinjitetshme sot në kryeqytet, dëshmon më së miri se sa të pakënaqur dhe të shqetësuar janë njerëzit me këtë qeverisje dhe zhvillimet aktuale politike, ekonomike e sociale në Kosovë”.

“Ne si opozitë e bashkuar, sot dëshmuam se sovraniteti i Kosovës varet nga qytetarët e saj, ne duhet që ta mbrojmë shtetin, ne do ti japim kohë kësaj qeverie që të reflektoj gjatë javëve në vijim, për ndryshe, ne do të vazhdojmë më aktivitetin tonë, sepse ne nuk mund të mbështesim rrënimin e vendit tonë”.

“Qytetarët me pjesëmarrjen dhe marshin dinjitoz nuk lejuan realizimin e planit të qeverisë Thaçi/Mustafa për të shkaktuar dhunë gjatë protestës”.

“Ftoj koalicionin qeveritar që t’i merr seriozisht kërkesat e qytetarëve dhe shqetësimet e tyre dhe të mos tëntoj që nëpërmjet mediave qeveritare të minimizoj apo t’i ik shkaqëve të protestës masive paqësore, të organizuar sot në Prishtinë, nga partitë opozitare”./PrizrenPress.com/

Familjarë,invalid dhe veteran të UÇK-së dhe zyrtarët më të lartë komunal të Prizrenit,sot kanë bërë homazhe dhe kanë vendosur buqeta lulesh në varrin e dëshmorit, Ismajl Kryeziu, në Landovicë dhe pranë shtatores së tij në lagjen Arbana.Me këtë rast,kryetari Muja e ka vlerësuar lartë sakrificën e dëshmorit për Lirinë e vendit. Kryetari i degës së OVL të UÇK-së në Prizren, Selim Krasniqi, tha se të flasësh për veprat e dëshmorit duhet shumë kohë , pasi Ismajl Kryeziu, theksoi kryetari Krasniqi, një jetë të tërë i’a kushtoi çështjes kombëtare deri në flijimin e tij.

Ndërkaq babai I dëshmorit,Isufi,tha se me krenari familja e kujton birin e saj të shtrenjtë të cilin ia fali atdheut dhe kërkoi që amaneti i dëshmorëve të jetësohet për një Kosovë të lirë demokratike dhe prosperuese. Ismajl Kryeziu ishtë zhdukur më 18 prill 1999, kur kishte ra në një pritë të forcave të armikut dhe ishte varrosur nga forcat serbe në varrezat e qytetit të Prizrenit.

Dëshmori Ismail Kryeziu ishte veprimtar i shquar i lëvizjeve të ndryshme që vepruan për çlirimin e trojeve shqiptare.Gjatë viteve 1988-90 ishte i angazhuar në organizimin e protestave qytetare kundër okupimit të Kosovës nga pushtuesi serb. Ishe veprimtar i KMDLNJ-së, themelues i Brigadës 125 të UÇK-së, koordinator i brigadave në Zonën Operative të Pashtrikut.Rivarrimi i tij ishte bërë me 18 mars të vitit 2009 në varrezat e dëshmorëve në Landovicë/TV Prizreni/