Ka filluar në Suharekë marshi i paralajmëruar “Stop dhunës ndaj gruas”, i organizuar në shenjë proteste për rastin e vrasjes së Zejnepe Bytyçit.
Marshi “Stop dhunës ndaj gruas” në Suharekë, po mbahet në shenjë solidarizimi me viktimat dhe reagimi ndaj joefikasitetit të institucioneve.
Ky marsh u organizua nga shkolla fillore “Destan Bajraktari”, shkolla ku mësojnë fëmijët e viktimës, Zejnepe Bytyçi, e vrarë mizorisht nga burri i saj në Suharekë.
Marshuesit bënë ndalesa simbolike para Qendrës për Punë Sociale, Gjykatës, Komunës së Suharekës dhe Stacionit Policor.