Analisti Driton Selmanaj nuk po mund t’i shkëputet politikës.

Ai ditë më parë i është ‘bashkangjitur’ karvanit të LDK-së në Prizren.

Sekretari i LDK-së në Prizren, Fatmir Memaj, në rrjetin e tij social ‘Facebook’ ka postuar disa fotografi nga një takim i anëtarëve të LDK-së. Pjesë e këtij takimi shihet të ketë qenë edhe analisti politik i emisionit “Click” të RTV 21-shit, Driton Selmanaj.

Sekretari Memaj, pjesëmarrësit e këtij takimi, i quan “karvan të LDK-së”.

“Karvanit në rritje të LDK-së i bashkëngjitet Milazim Jashari, aktivist i Nëndegës ‘7 Shtatori”, shkruan Memaj.

“Tani në ndejë na u bashkëngjit edhe aktivisti i palëkundur i LDK-së Anton Tushi”, shkruan Memaj në profilin e tij në Facebook, duke ilustruar takimin me fotografi.

Driton Selmanaj, në çdo fotografi shihet në mesin e karvanit të LDK-së./PrizrenPress.com/

Policia në Prizren ka arrestuar një mashkull të dyshuar, pasi që i njëjti ka kanosur një femër me të cilën ishte në lidhje, se do të publikonte disa fotografi personale nëse e njëjta nuk i kthehet.

Me urdhër të prokurorit i dyshuari është dërguar në mbajtje. /PrizrenPress.com

Tre persona janë lënduar në dy aksidente që kanë ndodhë në Prizren.

Në fshatin Krushë e Madhe, i dyshuari duke mos iu përshtatur kushteve të rrugës dhe shpejtësisë së lëvizjes ka humbur kontrollin mbi veturë me ç’rast del jashtë rrugës dhe rrokulliset.

Policia bën të ditur se si pasojë e aksidentit, lëndime trupore kanë pësuar vozitësi dhe një pasagjer. Të lënduarve u është ofruar ndihma mjekësore.

Aksidenti tjetër ka ndodhe në fshatin Landovicë. I dyshuari ka goditur një këmbësor ashkali. Si pasojë e aksidentit viktima ka pësuar lëndime trupore dhe i njëjti është dërguar për tretman mjekësor. Njësiti përkatës policor është marr me rastin. /PrizrenPress.com

Policia e Kosovës, respektivisht Drejtoria për Hetimin e Trafikimit me Narkotikë, pas pranimit të informacioneve relevante nga burime policore në terren, mbrëmë rreth orës 23:25, ka realizuar një operacion policor anti-drogë, në dalje të autostradës “Ibrahim Rugova” në fshatin Mazgit.

Gjatë realizimit të operacionit policor është ndaluar për kontroll një kamion, me ç’rast gjatë kontrollimit në rimorkion e kamionit e cila ishte e ngarkuar me rërë është gjetur e fshehur sasi e paketimeve të narkotikëve.

Policia bën të ditur se lidhur me rastin është arrestuari i B. F. I dyshuari, drejtuesi i kamionit, e kishte fshehur sasinë e narkotikëve nën rërë, ku dyshohet se ka kryer veprën penale ‘blerja , posedimi, shitja ose shpërndarja e paautorizuar e narkotikëve, substancave psikotrope ose analoge’.

Substanca e konfiskuar e narkotikëve pas matjes ka rezultuar të jetë 39 kilogramë e 778 gramë.

Hetimet lidhur me prejardhjen dhe destinacionin e substancës së dyshuar janë në proces.

Lidhur me rastin është njoftuar prokurori i krimeve të rënda dhe me aktvendim të tij i dyshuari dërgohet në qendrën e mbajtjes. /PrizrenPress.com

Një numër i madh i ish luftëtarëve të UÇK-së të cilët kanë gëzuar statusin e veteranit kanë dalë sot për të aplikuar për marrjen e pensionit.

Ata po qëndrojnë para ndërtesës së Qeverisë së Kosovës duke pritur në radhë për të dorëzuar dokumentet, transmeton Indeksonline.

Javë më parë Qeveria e Kosovës vendosi që pensioni për të gjithë veteranët të jetë 170 euro.

Edhe përkundër pakënaqësive që kanë shpreh organizatat e dala nga lufta e UÇK-së, lidhur me shumën që ka caktuar Qeveria për pensionet e veteranëve, siç duket disa nga ta kanë vendosur ta pranojnë atë.

Aplikimi i veteranëve për të marrë pensionet që ju takojnë ka nisur nga 1 tetori.