Sot bëhen 11 vjet kur 15 maturantë të shkollës së mesme “Abdyl Frashëri” nga Malisheva kanë humbur jetën gjatë një ekskursioni që po bënin në Shqipëri.

Autobusi që po barte 15 maturantët që s’janë më dhe 34 shokë të tyre që u lënduan rëndë, u rrokullis dhe ra në humnerë. Aksidenti u shënua rreth orës 14:00 të datës 14 tetor 2004, në Fushë Arrëz të Pukës.

Të nesërmen, më 15 tetor, pas identifikimit të trupave të nxënësve të vdekur, shteti shqiptar i përcolli në mënyrë dinjitoze nga ushtria shqiptare deri në kufirin me Kosovën, prej nga TMK ata i solli në lokalet e gjimnazit “Abdyl Frashëri” të Malishevës.

Varrimi i tyre u bë më 16 tetor, te “Lëndina e Lotëve”, të lagjes së Gurit.

Në një vjetorin e ngjarjes tragjike, Qeveria shqiptare ka ngritur një obelisk përkujtimor tek vendi i ngjarjes në Fushë-Arrëz, kurse në përkujtimin e dy vjetorit të kësaj ngjarjeje, filloi ndërtimi i kompleksit memorial të varrezave të maturantëve edhe nga Qeveria e Kosovës, në qytezën e Malishevës.

Në kujtim të përjetshëm për ta, drejtoria e gjimnazit ka vendosur që në vend të orës së dytë në çdo përvjetor nuk do të mbahet ora e dytë e mësimit, me ç’rast do të mbahen homazhe dhe vendosja e luleve të freskëta mbi varret e 15 maturantëve.

Krimi i organizuar dhe korrupsioni e kanë mbërthyer Kosovën, ndërkaq lufta ndaj tyre ka dështuar. Kjo për arsye se protagonistët e këtyre fenomeneve janë në majat më të larta të politikës dhe jo vetëm dhe në këtë mënyrë po bëhen pengesë për të çliruar Kosovën nga krimi i organizuar dhe korrupsioni, që tashmë janë bërë praktikë. Forcimi dhe pasurimi i organizatave kriminale pas luftës e ktheu Kosovën në vendin që qytetarët kërkojnë çdo ditë e më shumë ta braktisin. Për më tepër. krimi i orientuar në privatizimin e ndërmarrjeve shoqërore, duke hedhur kështu në rrugë mijëra e mijëra punonjës, për t’i dhuruar ato në duart e politikës, nëpërmjet kompanive të caktuara, të cilat në mjaft raste pronarët e kanë vetëm emrin, pasi përfitimet ndahen në mesin e politikanëve.

Përballë kësaj situate, ku mbretëron krimi, janë organet amatore të drejtësisë dhe rastet më të ndjeshme kanë mbetur pa u zbardhur apo janë mbyllur, pavarësisht provave dhe fakteve që dikush ka guxuar t’i mbledhë. Mund të përmendim këtu rastin e procesit gjyqësor të ‘Dardafon’-it, i cili u mbyll dhe për më tepër Prokuroria e EULEX-it hodhi poshtë punën e saj pa bërë asnjë ankesë, është rasti i hetimeve të Fabrikës së amortizatorëve që po zvarritet që nga viti 2011, e mjaft raste të tjera privatizimesh, apo edhe grabitja e dhomave të dëshmive në polici, që sot e kësaj dite kanë mbetur pa u zbardhur. Politika zgjedh gjyqtarët, prokurorët, policët, por deri më sot asnjëri prej tyre nuk kanë pasur kurajën që ta pranojnë një gjë të tillë.

Pushteti në asnjë moment nuk i ka larguar duart nga hetimet në rastet e ndjeshme. Kjo u vërtetua më së miri dhe me fshehjen e dosjes në rastin e ish-kryegjyqtarit të Kushtetueses, Enver Hasani. Ndërkaq, në anën tjetër të kufirit, dikush ka gjetur guximin që të pranojë se për korrupsionin në drejtësi dhe për mbajtjen peng të hetimeve në rastet e ndjeshme firmosin politikanët../kosova sot/

PDK-ja dhe LDK-ja u frikësohen zgjedhjeve të reja dhe vendosjes së drejtësisë

Votuesit duhet të ndahen nga qeverisja kriminale

“Rezultati i pritur nga zgjedhjet e jashtëzakonshme nëse mbahen, dhe ato të rregullta pas tre vjetësh, do të jetë pjesëmarrja shumë e ulët e qytetarëve në votime, nëse jo edhe bojkoti masiv i tyre. Ndaj kësaj bllokade në raportin parti politike-zgjedhje-qytetarë ekziston vetëm një alternativë, ajo luftimit të krimit dhe korrupsionit nëpër institucionet e Kosovës dhe arrestimi i shumë politikanëve mafiozë”, ka theksuar Mulaj

Të dy subjektet politike në pozitë, PDK-ja dhe LDK-ja, sipas analistëve politikë, po ndihen jashtëzakonisht të stresuar nga presioni i frontit të bashkuar të opozitës, për të shkuar në zgjedhje të reja parlamentare, për shkak të humbjes së legjitimitetit qytetar, që argumentohet me peticionin prej mbi 150 mijë nënshkrimesh kundër marrëveshjeve të dëmshme për vendin, si dhe me kriminalizimin e shtetit, korrupsionin dhe dështimin qeverisës.

Analisti politik Albinot Maloku pajtohet se partnerët në koalicion po u frikësohen zgjedhjeve të reja për shkak të gjitha të bëmave të tyre të këqija në dëm të interesit të përgjithshëm, por megjithatë nuk preferon zgjedhje të reja pa konsolidimin e një strukture krejtësisht të re politike, që do të linte në “muze” këtë klasë të sprovuar dhe dështuar, qoftë atë në pozitë apo edhe në opozitë. “Fenomenet, si nepotizmi dhe korrupsioni, janë ato që e kanë “burgos” qytetarin e Kosovës në gjendjen në të cilën ndodhemi, por njëkohësisht edhe rritur frikën te realizuesit e këtyre fenomeneve se mund të rrëzohen nga pozita që ua mundëson realizimin e këtyre fenomeneve”, u shpreh Maloku../kosova sot/

Ka ndërruar jetë veterani i UÇK -së Shaban Ali Bytyci nga Prizreni. Varrimi bëhet nesër (06.10.215) në ora 13:00 në Arbanë të Prizrenit.