Me aktivitete te ndryshme,sot është shënuar përvjetori i 16-të i njërës nga betejat më të lavdishme të UÇK-së në komunen e Prizrenit,asaj të Jeshkovës. Familjarë të dëshmorëve,veteran e invalid të luftës,qytetarë e përfaqësues të institucioneve te ndryshme bënë homazhe dhe vendosen kurora lulesh ne varrezat e Dëshmorëve në Landovicë dhe Jeshkovë.Me këtë rast kryetari Muja,tha se herozimi i djemve më të mirë të vendit të cilët u flijuan për Lirinë e vendit në shumë beteja sikurse ishte ajo e Jeshkovës,e çliruan vendin nga robëria e egër.

Për sakrificën e dëshmorëve nuk duhet shtuar shumë, sepse ata ishin dhe do të mbetën sinonimet e Lirisë sonë të shumëpritur, theksoi para medieve nënkryetari i Prizrenit, Lulzim Kabashi. Ndërkaq, ish komandanti i brigadës 125 të ZOP-it, Nehat Basha, tha se amaneti i dëshmorëve do të jetësohet nga të gjallët që Kosova të jetë shtet ashtu si e deshën ata që u flijuan për liri.

Pas Landovicës, homazhe dhe buqeta lulesh janë vendosur në Lapidarin e dëshmorëve në Atmaxhë dhe në Jeshkovë.Në betejën e Jeshkovës së 11 marsit të vitit 1999 ranë në fushën e nderit 21 dëshmorë, 9 nga të cilët prehen së bashku me taborin e luftëtarëve të nderit në Landovicë,11 të tjerë kanë vetëm emër ,por jo edhe një varrë ku mund t’ju bëhen nderimet e ditëve përkujtimore/TVPZ/

Amendamentet e miratuara nga Qeveria e Kosovës, të cilat i hapin rrugë krijimit të Gjykatës Speciale po sfidojnë integritetin e sistemit të drejtësisë në Kosovë.

Më këto amendamente po krijohet një sistem tërësisht i izoluar ose i ndarë nga sistemi juridik i Kosovës.Të paktën kështu vlerësojnë njohësit e çështjeve kushtetuese. Sipas tyre, sistemi i drejtësisë në Kosovë, po bëhet i çuditshëm dhe jonormal.

Njohësi i çështjeve kushtetuese, Fisnik Korenica, në një prononcim për Tribuna Channel, ka thënë se modeli i propozuar nga Bashkimi Evropian për krijimin e Gjykatës Speciale, e ka mundësuar qe çdo mekanizëm qe ka relacion me Gjykatën Speciale të jetë ndërkombëtar dhe jo i Kosovës.

Misioni i OSBE-së në Kosovë organizoi sot në Prizren punëtorinë rajonale për zyrtarët e lartë komunalë, përfaqësuesit e shoqërisë civile dhe përfaqësueset e grupit të grave lidere mbi çështjet gjinore dhe mënyrat për adresimin e tyre. Sipas zyrtarit të OSBE-së, Radu Niculescu, kjo punëtori u organizuar për të shënuar Ditën Ndërkombëtare të Grave dhe fillimin e aktiviteteve që ndërlidhen me çështjet gjinore për vitin 2015, të cilat mbështeten nga Misioni i OSBE-së.

Nga Dragashi, në këtë punëtori morën pjesë drejtori i Personelit në Administratën komunale, Avni Nebiu, zyrtarja për Barazi gjinore, Lindita Piraj, si dhe aktivistja e njohur në Dragash, Xhejrane Lokaj. Këto të fundit shpalosën aktivitetet e tyre që po i zhvillojnë në Dragash, ndërkohë që kërkuan më tepër mbështetje në realizimin e projekteve që ndërlidhen me barazinë gjinore. “Në Dragash e shoh të arsyeshme që të funkcionalizohet edhe Këshilli monitorues, i cili do t’i përcjellë aktivitetet që zhvillohen. Ndonëse ka ekzistuar ky këshill, fakti që anëtarët e tij kanë qenë vullnetarë, rezultatet nuk kanë qenë të kënaqshme”, tha Lindita Piraj.

Ndërkaq, Xhejrane Lokaj, potencoi që mos të nënkuptohet vetëm femra kur flitet për Barazinë gjinore. “Këtu duket se po flitet vetëm për femrat, gjë që më pengon kjo gjë. Më pengon edhe kur potencohet gjithmonë fjala DUHET. Unë jam për atë që të veprojmë dhe jo të mbetet gjithmonë në këtë fjalë. Mbase femrën nuk e kemi të emancipuar sa duhet, prandaj dhe ndodhin këto. Por, mendoj që duhet vepruar më shumë në barazinë gjinore përmes buxhetimit”, tha Lokaj.

Ndërkaq, Elmedina Baxhaku nga organizata “Ec ma Ndryshe”, potencoi se gjatë monitorimit që po i bën Komunës së Mamushës, ka parë se aty po ndodhë qeverisja e burrave, pasi vetëm burrat ndodhen në pozita udhëheqëse. “Konstatoj me përgjegjësi të plotë se në Komunën e Mamushës po qeverisin burrat dhe as që mund të bëhet fjalë për barazi gjinore në qeverisjen e kësaj komune”, tha Baxhaku.

Në këtë punëtori diskutoi edhe djejtori i radios sonë, Beqir Beqaj, i cili kërkoi që të veprohet më konkret, kur bëhet fjalë për barazinë gjinore. “Nuk jam për atë që të flitet për barazi gjinore, ndërkohë të nënkuptohet dhe të veprohet për avancimin e femrës. Barazi gjinore do të thotë të jenë të barabarta dy gjinitë në çdo fushë”, tha Beqaj, duke shprehur mospajtim me ligjin aktual të zgjedhjeve, i cili obligon përfshirjen e femrës në legjislativ në kuotën prej 30%.

“Nëse duam barazi gjinore, të mendojmë pak për kuotën 50% në përfaqësimin e femrës, përmes sensibilizimit dhe arsimimin e shoqërisë, e cila më vonë do të pajtohej me këtë kuotë. Vetëm atëherë mund të themi se kemi arritur barazi gjinore”, tha Beqaj./Radio Sharri/

Drejtori i Arsimit në Prizren,Nexhat Çoçaj e ka mohuar se mësimdhënësja Sadete Shala është larguar nga puna. Ai thotë se Shala është larguar nga puna me vetë-dëshirë. Në reagimin e dërguar në “PrizrenPress”, drejtori Çoçaj ka dërguar edhe disa të dhëna në formë të fotokopjuar,ku shihet se Sadete Shala ka punuar në Genqare dhe Novosellë.

Gazetari Rami Berisha ka akuzuar dje Drejtorinë e Arsimit se ka larguar Sadete Shala,pas 13 vitesh punë. Në vazhdim “PrizrenPress” publikon të plotë dhe pa ndërhyrje reagimin e drejtorit të Drejtorisë së Arsimit në Prizren Nexhat Çoçaj.

Reagim ndaj të pavërteta në lidhje me mësimdhënësen Sadete Shala

Drejtoria Komunale e Arsimit në Prizren, sërish është e obliguar që për hir të informimit të drejtën të opinionit publik, të reagoi ndaj shkrimeve të pavërteta që po publikohen në “Prizrenpress” qoftë nga të dhënat e afruara nga Rami Berisha, qoftë nga mënyra e komentim it të portalit “Prizrenpress”.

Prezentimi i njëanshëm i të dhënave të mbledhura njëanshëm nga mësimdhënësit, po e dëmton rënd jo vetëm imazhin e institucionit arsimor në Prizren por edhe vet “Prizrenpressi” që në mënyrë tendenciozi po merret me të dhëna të paverifikura.

Në lidhje me publikimin e një ane të dëshmisë së mësimdhënëses Sadete Shala, edhe pse kam planifikuar që në Asamble të dëshmoj me fakte, duhet të shtoj se Drejtoria Komunale e Arsimit e ka angazhuar Sadete Shalën mësimdhënëse të gjuhës shqipe në Genqare dhe Novoselan, pasi që nuk ka pasur mundësi në ndonjë shkollë tjetër, por ajo me vetëdëshirë e ka lëshuar procesin mësimor dhe më nuk është lajmëruar në punë. Kështu që ne si DKA e kemi kryer obligimin ligjor ndaj, saj, kurse portali juaj pranon të publikoj të dhëna të paverifikuara.

Me këtë rast këtij reagimi ia bashkëngjisim fotokopjen e ditarit ku ajo ka nisë punën dhe kohën deri kur ka qenë në punë dhe e ka ndërprerë punën me vetëdëshirë pa bërë asnjë lajmërim se nuk po shkon në punë, duke kërkuar që t’i sigurojmë vend të punë në qytet.

Shpresoj se opinion me anë të këtyre dëshmive do të bindet për njëanshmërinë e publikimeve që po bëhen, pa e marrë kurrë mendimin zyrtar nga DKA-ja nga ana juaj dhe e medieve tjera, që njëanshmërisht po lanësojnë të pavërteta për ta dezinformuar opinionin publik.

Dr. Nexhat Çoçaj, drejtor i DKA-së në Prizren

Ish-kryeministri i Qeverisë së parë dhe ish-ministri i Brendshëm, më i përfolur për afera korruptive, Bajram Rexhepi, duket se është hidhëruar keq në shefin e tij, e mbase edhe me Partinë Demokrtike të Kosovës. Ai jo vetëm se nuk ka arritur t’i marrë votat e duhura për deputetë, por edhe sot e kësaj dite po qëndron anash pushtetit të koalicionit PDK-LDK.

Bajram Rexhepi edhe pse është nënkryetar i partisë, është zëri më i heshtur i zhvillimeve politike në PDK. Ai nuk ka dhënë asnjë deklaratë as për koalicionin, e as për zhvillimet politike në vend.

Se Bajram Rexhepi është “hidhëruar” në Hashim Thaçin dhe në PDK-në, flet edhe fakti se ai nuk është përfshirë askund në ekzekutiv, përderisa sot janë emëruar dy zëvendësministra nga Mitrovica, njëri prej tyre pasues i postit të kryetarit të Mitrovicës, Avni Kastrati.

I kontaktuar nga Botapress, ish-ministri Bajram Rexhepi thotë se nuk ndjehet i anashkaluar.

“Unë kam pasur oferta për poste qeveritare dhe diplomatike, por i kam refuzuar. Kam pasur mundësi të zgjedh që të jem zëvendësministër apo edhe ambasador, por nuk kam dashtë asnjë prej këtyre propozimeve. Jam i interesuar për zyrën e ish-kryeministrit, që edhe më takon me ligj, një angazhim ky më i lehtë”, tha ish-ministri Bajram Rexhepi për Botapress.

Protesta e cila pritet të filloj në këto momente ka bërë që policia e Kosovës të rrethojë ndërtesën e Qeverisë.

Kjo protestë është organizuar nga Këshilli për Mbrojtjen e Luftëtarëve të UÇK-së, të cilët po kërkojnë publikimin sa më të shpejt të listave me emrat e kategorive të dala nga lufta si dhe implementimin sa më të shpejt të ligjit.

Në këto fotografi shihet se policia ka rrethuar çdo pjesë dhe çdo anë të ndërtesës së Qeverisë.