Kryeprokurori i Prokurorisë Themelore në Prizren, Sylë Hoxhaj, fajin për lirimin e të dyshuarit për vrasjen e Hekuran Morinës dhe plagosjen e vëllait Fadilit, ia lë Gjykatës Themelore në Prizren.

“Prokurori çështjes nuk ka dhënë pëlqimin për t’ju ndërprerë paraburgimi të dyshuarit për vrasje “, ka thënë Hoxha për Klan Kosova.

Ai pranon se i dyshuari për vrasjen e Hekuranit, Bernard Përlazri dhe një grup prej 9 anëtarësh janë të dyshuar për shumë vepra penale.

“Janë të dyshuar për tentim vrasje, kërcënime dhe për fenomenin e fajdeve”, tregon Hoxha./PrizrenPress.com/

Komandanti i Policisë Rajonale në Prizren, Nexhmi Krasniqi, u suspendua sot, pas disa informacioneve të marra nga ana e Inspektoratit Policor të Kosovës (IPK) dhe ankesave nga qytetarët.
Po kush është Nexhmi Krasniqi, drejtor i Policisë së Kosovës në rajonin e Prizrenit?

Nexhmi Krasniqi është i lindur më 16 tetor 1962 në fshatin Terpezë të Drenasit, ndërsa tash jeton në Prizren, ku ka qenë pjesëtar i UÇK-së, gjatë luftës i njohur me nofkën “Skifteri 500”.

Krasniqi është akuzuar po ashtu nga EULEX-i për krime lufte në shtatë pika të aktakuzës dhe atë në një pikë për Krime të Luftës kundër Popullatës Civile dhe të Burgosurve të Luftës dhe gjashtë pika për Krime Lufte kundër të Burgosurve të Luftës. Ai më pas është liruar nga të gjitha akuzat. Krasniqi ka qenë i akuzuar bashkë me Fatmir Limajn.

Krasniqin ditët e fundit është akuzuar nga Bernard Përlazri që është na arrati për shkak të vrasjes së Hekuran Morinës. Përlazri e ka akuzuar Krasniqin si njëri ndër njerëzit kryesor që kryen shërbimet për ‘mafian’ e këtij qyteti ku kryesisht merret me rastet e haraçit dhe fajdesë, transmeton Gazeta Fjala.

Sipas Përlazrit, ka qenë pikërisht Krasniqi ai që ka ndikuar te i ndjeri Hekuran Hoxha që mos t’ia kthejë paret e kjo ka quar edhe deri te vrasja.

Nexhmi Krasniqi po ashtu është akuzuar edhe nga Dibran Hoxha, një person me precedent penal, që ishte arrestuar për shkak të armbajtës pa leje në një lokal nate në Pirzren i quajtur “Kobra City” dhe pjesëmarrje në një rrahje masive në një pompë derivatesh.

Hoxha e ka akuzuar Krasniqin se këtë është duke ia bërë qëllimisht për shkak se është duke iu hakmarrë.

Nexhmi Krasniqi, drejtor rajonal i policisë në Prizren, e ka konfirmuar për Klan Kosovën se ka marrë njoftimin për suspendim nga Inspektorati Policor i Kosovës.

Ai nuk ka dashur t’i komentojë arsyet e largimit të tij nga posti i deritanishëm në krye të policës së Prizrenit.

Sipas Inspektoratit të Policisë së Kosovës kërkesa për suspendim të Krasniqit është, “pranimi i disa informacioneve dhe ankesës nga qytetarët, si dhe pas ndërmarrjes së disa veprimeve hetimore preliminare”.

Inspektorati Policor i Kosovës (IPK), pasi ka pranuar disa informacione dhe ankesa nga qytetarët, si dhe pas ndërmarrjes së disa veprimeve hetimore preliminare, i ka rekomanduar Policisë së Kosovës suspendimin e dy zyrtarëve të PK-së (njëri nga ta me pozitë të Drejtorit Rajonal të PK-së në Prizren kurse tjetri udhëheqës në sektorin e hetimeve të vrasjes në të njëjtën Drejtori Rajonale).

Kjo u bë e ditur përmes një njoftimi për media të dërguar nga IPK, ndërsa thekson se rekomandimi për suspendim deri në njoftimin tjetër bazohet në Ligjin për Inspektoratin Policor të Kosovës, neni 17 – paragrafi 12.

“IPK asnjëherë nuk paragjykon vendimin final të organeve të drejtësisë (bazuar në parimin e prezumimit të pafajësisë). Inspektorati Policor garanton qytetarët e vendit se çdo herë do të angazhohet për mbrojtjen e lirive dhe të drejtave të qytetarëve por edhe ruajtjes me vendosmëri të kredibilitetit të Policisë së Kosovës”, theksohet në njoftim.

Familjarët e Hekuran Morinës që po protestojnë në Prizren, janë zhvendosur para ndërtesës së Prokurorisë Themelore.

Deri më tani ata kanë qenë duke protestuar para ndërtesës së gjykatës, ndërsa takimi ka përfunduar.

Pas takimit, Aziz Morina, familjar i Herkuranit të vrarë tha se ka marrë premtimin nga kryetari i gjykatës, Ymer Hoxha, për zbardhjen e rastit.

“Ymer hoxha na ka premtuar se do ta çojë deri ne fund këtë rast. Nëse nuk zgjidhet ne do obligohemi të vetëmbrohemi”, tha Aziz Morina.

14:41
Familjarët e Hekuran Morinës, të vrarë më 7 shtator në Prizren, kanë nisur sot një protestë sot para ndërtesës së Gjykatës Themelore në këtë qytet në kërkim që drejtësia të nisë punën në ndriçimin e këtij rasti.

Aziz Morina, i afërm i viktimës së fundit në Prizren, tha se Hekurani i ndjerë ishte viktimë e fajdeve.

“Hekuranit i kanë kërku fajde. Baba i Hekuranit nuk i ka pasë borxh asnjë individi apo grupi. Fajdexhinjtë kur e kanë pa që s’po realizohen kërkesat ia kanë nisë me kërcënime. Kanë pasuar rrahjet, e kemi lajmëru ne polici me shpresën që drejtësia do e zgjidhë, por mjerisht drejtësia që po zhvillohet në shtetin tonë nuk po jetësohet sipas ligjit”, tha Aziz Morina gjatë protestës.

Protestuesit kanë mbajtur në duar pankarta ku shkruante “Stop Haraçit”, “Duam Siguri”, “Duam Drejtësi”, “Ndriçone Rastin”…

Për Aziz Morinën “krimi është i lidhur me pushtetarët dhe me gjyqësinë”.

Ai ka paralajmëruar protestë të gjatë të familjarëve para gjykatës.

“Do qëndrojmë para gjykatës derisa dikush të dalë dhe të bisedojë me ne”, u shpreh ai.

Më 7 shtator, te rrethi i “Bazhdarhanes” në këtë qytet u vra Hekuran Morina dhe u plagosën tre persona, mes tyre edhe vëllai i Hekuranit, Fadili./Kallxo.com/

Kryetari i Aleancës për Ardhmërinë e Kosovës, Ramush Haradinaj, në emisionin Info-Box të Tv Dukagjinit, duke folur për Gjykatës Speciale, ka thënë se e keqja më e madhe e kësaj gjykate, është se ajo sipas tij, është selektive – i prek vetëm shqiptarët.

Ai më tutje ka thënë se nuk e çudit fakti se Gjykata Speciale mund të kërkoj prova dhe të bëjë hetime në zonën e Dukagjinit, sepse dihet ku është bërë lufta.

“Lufta është bërë në Dukagjin, duke mos përfunduar lufta më herët si në disa zona tjera. Ka ndodhur lufta gjithë kohën. Ka qenë lufta më intensive. Krejt insistimet që i ka bërë Serbia për të bërë hetime pas luftës, kanë qenë të fokusuara më së shumti në këtë zonë. Krejt çka ka ndodhur në zonën e Dukagjinit – e vogël ose e madhe – është shtjelluar në Tribunalin e Hagës”, ka thënë ai.

Haradinaj ka theksuar se nuk e kupton se si po kanë fytyrë bashkësia ndërkombëtare të vazhdojë hetimet për ish-pjesëtarët e UÇK-së, kur sipas tij, më këtë çështje është marrë UNMIK-u, Tribunali i Hagës, EULEX-i.

Sipas tij, edhe Gjykata Speciale është një mashtrim i radhës.

“Një mashtrim i radhës që po vjen. Ky është qasi materiali, kanë me përfitu disa njerëz duke marrë rroga – asgjë më tepër”, ka thënë ndër tjerash Haradinaj. /Telegrafi/