PDK-ja dhe LDK-ja akoma nuk janë përcaktuar sa ministri do t’i ketë Qeveria që do ta formojnë. Në këto subjekte kanë thënë se janë duke e diskutuar një çështje të tillë dhe se pritet që të vendoset bashkërisht.

Ndërkohë anëtarë të subjekteve opozitare si dhe analistë politikë kanë vlerësuar se numri aktual i ministrive përbën një shifër të madhe dhe se ajo duhet të zvogëlohet.

Nënkryetari i PDK-së, Hajredin Kuçi, ka thënë të hënën se çështjen e ministrive e kanë temë trajtimi me partnerin qeverisës. “Ende jemi në konsulta me LDK-në dhe vendosim bashkërisht si të veprohet”, ka thënë ai…/koha ditore/

Lideri i LDK-së, Isa Mustafa, ka “kërcënuar” partnerin e koalicionit, PDK-në e Thaçit, se në rast se nuk merr postin e kryeministrit, do të tërhiqet nga marrëveshja për bashkëqeverisje.

Mustafa, pas kësaj deklarate në mesditën e djeshme rreth orës 13.00 është takuar edhe me Presidenten e Kosovës, Atifete Jahjaga.

Nga burimet e LDK-së mësohet se Mustafa është duke kërkuar garanci për postin e kryeministrit edhe nga ndërkombëtarët, duke mos i zënë besë kreut të PDK-së, Hashim Thaçi.

Mësohet se me presidenten kanë biseduar rreth procedurave të ardhshme të themelimit të institucioneve.

Ndërkohë që Mustafa ka bërë me dije se marrëveshja për ndarjen e ministrive do të finalizohet brenda dy ditësh.

Por, derisa kreu i LDK-së zyrtarisht këmbëngul se posti i kryeministrit të ardhshëm do t’i takojë atij, na anën tjetër PDK-ja e Thaçit vazhdon të mos komentojë rreth kësaj çështjeje.

Kreu i LDK-së, Isa Mustafa, tha të hënën pas takimit që kanë zhvilluar liderët politikë dhe anëtarët e grupeve punuese për ndarjen e përgjegjësive se partia e tij nuk do të hynte në koalicion me PDK-në sikur të mos i jepej posti i kryeministrit. /Zëri/

Njohësi i çështjeve politike, Fadil Maloku, ka thënë se “interesi” për shtetin ka realizuar “martesën” e PDK-së me LDK-në.
Por, sipas tij, kjo “rimartesë” do t’i dëmtojë të dyja partitë në të ardhmen.

Maloku ka thënë se nga rrafshi social e ekonomik koalicioni PDK-LDK jep shpresa për përmirësim të gjendjes, kurse nga prizmi politik ky koalicion do t’i “përpijë” koncesionet e Brukselit.

Ndërkohë, sa i përket rolit të opozitës, Maloku ka thënë se partitë opozitare tani e tutje, përveç petkut të nacionalizmit, duhet t’u kthehen edhe problemeve reale. /epoka e re/

LDK-ja ka hequr dorë nga parimi i akorduar muaj më parë me LVV-në, AAK-në e Nismën që dialogu me Serbinë të bazohet në “parimin e reciprocitetit dhe respektimin e ndërsjellë të sovranitetit dhe të integritetit territorial”.

Tani nuk flet për reciprocitet. E respektimin e sovranitetit nga Serbia e ka vetëm synim për ta mbërritur me dialog.

Ndryshimi i qëndrimeve është shprehur në një draft të Programit të Qeverisë, që grupe punuese të PDK-së dhe LDK-së tashmë e kanë afër finalizimit.

Ka gati një muaj që kur LDK-ja është tërhequr nga Blloku, i cili donte ta dërgonte PDK-në në opozitë pas dy mandatesh në pushtet.

Dhe pozicionimi që Blloku kishte marrë përkitazi me dialogun, kishte bërë që formula qeverisëse të mos gëzonte mbështetje ndërkombëtare. /koha/

Lideri i AAK-së, Ramush Haradinaj ka zgjedhur një media në Shqipëri për të folur për prapaskenat e Bllokut dhe zhvillimeve politike në Kosovë.

Duke folur për emisionin “A Show” në Agon Channel me Adi Krastën, Haradinaj ka thënë se menjëherë pas zgjedhjeve Thaçi ia kishte ofruar postin e kryeministrit në koalicionin PDK-AAK, por ai e kishte refuzuar, transmeton Koha.net.

Sa i përket largimit të LDK-së nga Blloku, ai ka thënë se partia e Mustafës kishte një para-marrëveshje me PDK-në.

Kreu i AAK-së tha se Mustafa nuk e donte në asnjë mënyrë Vetëvendosjen në qeveri, dhe në takimin e fundit kishte thënë se ai duhej të ishte i nominuar i LDK-së, AAK-së dhe NISMA-s bashkë.

Para dy javësh humbi fëmijën. Shaqir Berisha po akuzon bashkëshorten për humbjen e fëmijës, pasiqë dyshon se nëna vrau foshnjën.

Ai po pretendon se nëna e mbyti foshnjën derisa ishte në gjumë.

Në një kronikë të realizuar nga Klan Kosova, Berisha rrëfen për bashkëshorten e tij.

Shaqir Berisha thotë se bashkëshortja e rrahte foshnjën e tyre.

Deputeti i PDK-së, Rrustem Mustafa – Remi, i cili që nga fillimi i ngërçit politik ishte i bindur se do të ndodhte koalicioni i madh PDK-LDK, është marrë me deklaratën e kreut të LDK-së, Isa Mustafa i cili ka thënë se nëse ai nuk bëhet kryeministër, atëherë prishet koalicioni.

“Cili mundet të thotë? Nëse nuk jam kryeministër, nuk prishet koalicioni!!! E di, ka shumë politikanë të përgjegjshem!! Na duhet Qeveri ku sundon rendi, ligji ku rritet liria! BASHKË MUNDEMI”, ka shkruar Mustafa në Facebook.