Ish– Kryeparlamentari Jakup Krasniqi ka komentuar protestën e sotme të veteranëve. Ai ka thënë se problemi për këtë nuk është te rektori, por te Qeveria e Kosovës.

Më poshtë mund të lexoni postimin e Krasniqit.

ZGJIDHJE LIGJORE APO DICKA TJETER?

Nuk ka asnjë dyshim, çdo grupim shoqëror e ka të drejtën për të ndikuar në zhvillimet shoqërore, por krejt çështja është, si të ndikohet e ndihmohet. Kjo e drejtë është edhe e Shoqatave të dala nga Lufta Çlirimtare. Nuk ka asnjë dyshim se jo vetëm shoqatat gjatë gjithë këtyre viteve të pas luftës kanë ndërhyrë në Universitetin e Prishtinës dhe kjo ndërhyrje është bërë nga individë të fuqishëm të UCK-së, që kanë dëshiruar të “vranë e kthjellin” në Universitetin e Prishtinës dhe në gjithë jetën institucionale në Kosovë!? Prandaj e kemi ketë gjendje, për fatin e keq tonin, jo vetëm në Universitetin Publik.

Unë konsideroj që problemi nuk është te Rektori i UP-së, problemi është te Qeverinë e Kosovës, përkatësisht në Ministrin e Arsimit, të cilat janë përgjegjësit kryesor për planifikimin e përgjithshëm shoqëror, si edhe për planifikimin e Arsimit të Lartë. A e kanë bërë institucionet në fjalë, planifikimin për regjistrimin e studentëve në Universitetet Publike te Kosovë? Nëse e kanë bërë, a e kanë planifikuar edhe numrin e mundshëm të kategorive të përmendura, të cilave më se paku u duhet ky problematizim? Shoqatat e dala nga lufta çlirimtare, të gjitha kërkesat e veta është dashur ti adresojnë te Qeveria e cila nuk e ka vetëm përgjegjësinë e regjistrimit të studentëve të kategorive të caktuara, por edhe për të krijuar mundësi të tjera materiale, e mbi të gjitha kushte të duhura për studim, arsim e edukim.

Nga kjo del se shoqatat është dashur të komunikojnë me qeverinë, kurse Kryeministri e Ministri te bisedonin me Rektorin, gjithnjë mbi bazën e ligjit e të planifikimit dhe mundësive të studimit (kapaciteteve të fakulteteve të ndryshme). Të gjitha segmentet e shoqërisë sonë, se kush në kapacitetet e veta duhet të ndihmojnë Rektorin ne ndryshimin e gjendjes në Universitetet Publike, nëse e dom perspektiven dhe zhvillimin e këtij vendi.

Kështu siç kemi vepruar deri më tani, nuk mund të ndryshojmë asgjë. Rektori e ka përgjegjësin për të menaxhuar me Universitetin, për të krijuar kushte pune e studimi si për studentë ashtu edhe për kuadrin akademik, ashtu si ia jep ligji. Rektori nuk e ka asnjë obligim që tu përgjigjet grupeve të ndryshme të interesit, qofshin ato edhe shoqatat e përmendura. Pra adresimi i problemit duhet të bëhen mbi qeverinë e jo mbi Rektorin e rektoratin. Mbështetja e Kryeministrit në detyrë apo e atij në ardhje, në ketë rast nuk duhet të bëhej përmes rrjeteve social (fb). Kryeministri duhet të veproj konkretisht e sinqerisht!?

Rektori e ka përgjegjësinë për të ndryshuar përmbajtësisht cilësinë e studimeve ne Universitetin “Hasan Prishtina” në Prishtinë. Çdo ndërhyrje për te vazhduar gjendja ekzistuese apo për të përkeqësuar atë në Universitet, nuk i ndihmohet asnjë studenti dhe asnjë kategorie, e më se paku u ndihmohet atyre që kanë kontribuar më se shumti për lirinë e pavarësinë tonë.

Përderisa protesta ende është duke vazhduar në oborrin e Rektoratit të UP-së, burime të Zërit pranë rektorit Ramadan Zejnullahu thanë se edhe përkundër presioneve të ministrit në detyrë të Arsimit, Ramë Buja, që ai të dorëzohet, rektori do qëndrojë prapa qëndrimeve të tij.

“Protesta pritet të vazhdojë. Por, rektori nuk e ka ndërmend që të dorëzohet”, ka thënë ky burim.

Sipas të njëjtit burim, Zejnullahu “nuk e ka ndërmend të tërhiqet nga premtimet e tij dhënë qytetarëve të vendit se në UP do të regjistrohen vetëm me dije e jo në forma të tjera”. /Zëri/

(E plotësuar) Ka përfunduar protesta para Rektoratit. Kjo pasi Ministri i Arsimit në detyrë Ramë Buja u ka kërkuar protestuesve para Rektoratit të Universitetit të Prishtinës ‘Hasan Prishtina’ që të përfundojnë protestën pasi ai ka arritur marrëveshje me rektorin Ramadan Zejnullahu për verifikimin e listave të studentëve të kategorive të dala nga lufta.

“Në takimin që patëm me rektorin dhe përfaqësuesit e veteranëve u dakorduam për ta formuar një komision për verifikimin e listave të studentëve’, tha Buja, raporton Express.

Nga ana tjetër Smajl Elezaj u ka kërkuar protestuesve që të lënë oborrin e Rektoratit pasi qëllimi i tyre është arritur dhe se për këtë kanë si garanci Ministrin Buja.

Brenda javës pritet arritja e zgjidhjes dhe realizimi i kërkesave të protestuesve.

Rektori ofron zgjidhje, por veteranët duan dorëheqjen e tij

Xhavit Jashari nga OVL e UÇK’ve pas takimit me Rektorin Ramdan Zejnullahu tha se rektori ka ofruar një zgjidhje , por atë nuk e pranojnë veteranët.

Ai tha se Zejnullahu u ka thënë që të formohet një komision i verifikimit të listës së studentëve që ka propozuar OVL’ja.

Jashari është këmbëngulës që s’ka zgjidhje tjetër në këtë situatë dhe ai thotë se ata këmbëngulin veç në dorëheqjen e Ramdan Zejnullahut.

“Unë këkoj me çdo kush dorëheqjen e tij. Pas gjithë ketyre fyerjeve qe na ka bere neve veteraneve nuk pranojmë asnjë bashkëpunim”, tha Jashari.

Jashari: Po e presim shkarkimin e Rektorit Zejnullahu!

Xhavit Jashari, përfaqësues i OVL të UÇK-së ka thënë se pas takimeve me ministrin Buja dhe reagimit Faik Fazliu, udhëheqësit të Zyrës për Veteranët e Luftës së UÇK-së në Zyrën e

Kryeministrit, presin shkarkimin e rektorit të Universitetit të Prishtinës, Ramadan Zejnullahu.

“Pas deklaratës së rektorit se nuk do ta respektojë vendimin e MASHT-it, ne kemi reaguar përmes përfaqësuesit tonë në qeveri dhe jemi duke e zhvilluar një takim me ministrin Buja dhe presim që të ndodhë shkarkimi i rektorit”.

“Nëse një gjë e tillë nuk ndodhë, ne do t’iu informojmë më hapat me mëtejshëm që t’i ndërmarrim”.

“Kemi kërkuar nga media që të mos bëjnë desinformata, ku në disa prej tyre është shkruar se ka pasur eskalim të protestës dhe më pastaj janë shpërndarë, gjë që nuk është e vërtetë”.

Presidenti i ish Jugosllavisë socialiste, Josip Broz Tito qysh në fund të vitit 1946 ia kishte “dhuruar” Kosovën, si dhe të gjitha territoret tjera me shumicë shqiptare, Shqipërisë dhe Enver Hoxhës.
Kështu shkruan portali serb, telegraf.rs.

“Është pak e njohur se Josip Broz Tito në intervistat për gazetarët e huaj në vitet 1945/46, hapur ka folur se Kosova, si dhe pjesë tjera me shumicë shqiptare, do t’i bashkohen Shqipërisë”, shkruan ky portal, transmeton Indeksonline. Tito, kur bëhet fjalë për Kosovë, për Asociated Press kishte thënë: Në rast se komunistët vijnë në pushtet në Shqipëri, ajo (Kosova) mund të jetë nën ingerencat e Tiranës.

“Shefi i shtetit shqiptar, Enver Hoxha gjithmonë ka thënë se marshall Tito kah fundi i vitit 1946 personalisht i ka premtuar se Kosova do të jetë në kuadër të Shqipërisë, ashtu si edhe rajonet tjera ku shqiptarët janë shumicë, pasi që i ka dashur ata. Megjithatë, këto deklarata nuk janë transmetuar në publik, pasi që marrëdhëniet e Tiranës dhe Beogradit gjithmonë kanë qenë të tensionuara”, shkruan tutje portali serb.

Dora e djathtë e Titos, Edvard Kardeli, sipas disa teorive konspirative, me rastin e vizitës së tij në Moskë dhe në ish BRSS, i kishte thënë Stalinit që Kosova do t’i ‘jepet’ Shqipërisë.

E plotësuar:Protestuesit sërish po gjuajnë gjësende në drejtim të Rektoratit, ndërkaq situata është tensionuar dhe protestuesit kanë filluar të shtyhen dhe përleshen direkt me Policinë. Përfaqësues të organizatave të dala nga lufta iu kanë bërë thirrje protestuesve të mbajnë qetësinë, pasi sipas tyre, pritet një takim me ministrin e Arsimit, Ramë Buja për të shqyrtuar situatën.

Vazhdon protesta, lëndohet një polic

Në protestat para rektoratit të UP-së është lënduar një protestues i moshuar. Demonstruesit po vazhdojnë protestën duke tentuar të hyjnë dhunshëm në Rektorat, ndërkohë që Policia Speciale po vëzhgon situatën. Protestuesit kanë filluar të gjuajnë me gjësende në drejtim të Rektoratit, ndërsa është lënduar edhe një polic.

Përfaqësuesi i veteranëve, Smajl Elezi u ka bërë thirrje protestuesve që të mos shtyhen me Policinë e Kosovës sepse ata nuk kanë faj, por një thirrje të tillë nuk po e dëgjojnë protestuesit.

Ai u tha protestuesve të kërkojnë dorëheqjen e rektorit Zejnullahu, por jo të përleshen me Policinë.

Protestuesit përleshen me Policinë, tentojnë të hyjnë dhunshëm në Rektorat

Protestuesit në këto momente po tentojnë të hyjnë dhunshëm brenda objektit të Rektoratit, ndërkaq janë duke u përleshur me forcat policore.

Protestuesit ultimatum rektorit: Dorëheqje ose s’marrim përgjegjësi për situatën

E plotësuar: Protestuesit para Rektoratit të Universitetit të Prishtinës i kanë dhënë kohë 20 minuta rektorit Ramadan Zejnullahu për të dhënë dorëheqje, në të kundërtën sipas protestuesve nuk marrin përgjegjësi për eskalimin e situatës.

Përfaqësuesit e protestuesve kanë kërkuar nga të pranishmit që të shpërndahet përreth tërë Rektoratit për t’ia pamundësuar rektorit të dalë nga objekti.

Përfundon takimi i protestuesve me rektorin, s’ka marrëveshje

E plotësuar: Xhavit Jashari pas takimit me rektorin Zejnullahu tha se kanë biseduar me rektorin, por sipas tij me protestë do të vazhdohet deri në realizimin e kërkesave.

Sipas Jasharit, rektori Zejnullahu ka thënë se do të respektojë çdo vendim që vjen nga kryeministri Thaçi ose ministri Ramë Buja. Megjithatë Jashari ka thënë se do të vazhdohet me protestë deri në realizimin e kërkesës.

“Nuk ka marrëveshje me rektorin. Rektori ka thënë unë e dëgjoj fjalën e kryeministrit. Ne nuk do të largohemi nga këtu derisa të marrim fjalën e kryeministrit. Mos bëni veprime pa u konsultuar me ne. E vetmja mënyrë që me hjek këtë masë nga këtu është dorëheqja e rektorit”, ka thënë Xhavit Jashari.

Protestuesit kanë djegur fotografitë e rektorit të UP-së, Ramadan Zejnullahu, ndërkohë që kanë tentuar të hyjnë edhe brenda Rektoratit. Megjithatë situata është qetësuar, pasi disa demonstrues kanë bërë thirrje për qetësi.

Policia Speciale para Rektoratit, disa protestues hyjnë në objekt

E plotësuar: Përfaqësues të OVLUÇK-së dhe studentëve kanë hyrë në objektin e Rektoratit për të biseduar me rektorin Ramadan Zejnullahu lidhur me situatën, ndërkaq para Rektoratit ka arritur edhe Njësia Speciale e Policisë së Kosovës.

—–

Qindra protestues po marshojnë drejt hyrjes së Rektoratit të Universitetit të Prishtinës, më saktësisht ndodhen brenda oborrit të Rektoratit. Protestuesit të prirë nga drejtuesit e organizatave të dala nga lufta po brohorisin “UÇK UÇK, Poshtë rektori”.

Gazetari i Telegrafit mëson se protestuesit kanë ardhur nga disa qytete të Kosovës.

Smajl Elezaj, përfaqësues i organizatave të dala nga lufta tha se nuk po kërkojnë asgjë më shumë se të drejtat që iu takojnë veteranëve të luftës në të gjitha vendet tjera.

Ai tha se javën e fundit është zhvilluar një fushatë e ashpër kundër tyre nga mediat dhe shoqëria civile.

Pavarësisht kësaj, Elezaj deklaroi se nuk do të tërhiqen nga kërkesat e tyre.

Edhe Xhavit Jashari nga OVLUÇK tha se nuk do të lejojnë të shkelet dinjiteti i luftës së UÇK-së. Ai kërkoi dorëheqjen e rektorit Ramadan Zejnullahu.

Rektorati rrethohet nga forcat policore

Ende para fillimit të protestës së paralajmëruar nga organizatat e dala nga lufta, të cilat kërkojnë regjistrimin e studentëve nga kjo kategori, Rektorati i Universitetit të Prishtinës është rrethuar nga forca policore.

Forcat policore tashmë janë vendosur përreth ndërtesës së Rektoratit, por policë shihen edhe brenda oborrit të Rektoratit. Aktualisht janë mbledhur rreth 100 protestues, raporton Telegrafi.

Protestuesit kanë thënë se sot do të kërkojnë largimin e rektorit të sapozgjedhur Ramadan Zejnullahu.

Në mbrojte të rektorit janë deklaruar kryeministri në detyrë Hashim Thaçi, KMDLNJ, lideri i LDK-së Isa Mustafa dhe avokati i Popullit, Sami Kurteshi. /Telegrafi/