Ish kryeparlamentari Jakup Krasniqi thotë se nuk ka asnjë arsye që të ketë konfrontim në kuvend gjatë seancës së nesërme pasi sipas tij është më e rëndësishme se kush i ka votat se sa kush ulet.

“A do të ketë konfrontime më 17 korrik?

Më 17 korrik 2014 nuk egziston asnjë arsyje e vetme për asnjë formë të konfrontimit apo luftës për ul?se. Në Kuvend “konfrontimet” bëhen më debate të argumentuara dhe me shumësinë e votave. Shumica i merr vendimet.

Pozicionimi në qender (ulja në qender) në vetvete nuk i garanton votat e mjaftueshme për vendimmarrje.

Numrat për votat e mjaftueshme për zgjedhjen e institucioneve të shtetit duhet të sigurohen para se të shkohet në Seancën konstituive të Kuvendit të Kosovës. Kushdo që i bënë votat e merr përgjegjësinë e ndërtimit të institucioneve, në rastin tonë zgjedhë, Kryetarin e Kuvendit dhe Kabinetin Qeveritar. Në demokraci rrugë tjetër për të marrë pushtetin, veç pushtetit të votës nuk ka.

Ta saktsojmë edhe ketë, nuk ka asnjë formë të presionit, individuale apo institucionale që mund ta detyroj deputetin për dhënjën e votës, veç vullnetit të tij/saj apo edhe vetënënshtrimit të tij/saj. Ketë ia garanton Kushtetuta, neni 70, paragrafi i parë.

Kush nuk e ka mësuar ketë deri sot, duhet ta mësoi nëse e ka prioritet demokracinë”, shkruan Krasniqi në Facebook.

Kryetari i Aleancës për Ardhmërinë e Kosovës, Ramush Haradinaj ka takuar Këshillin Drejtues për të diskutuar rreth seancës së nesërme dhe formimit të qeverisë pas konstituimit të Kuvendit.

Kreu i AAK-së tha se sa i përket koalicionit me Vetëvendosjen, është e vështirë të mendohet se mund të arrihet për seancën e nesërme, mirëpo ai tha se ekziston mundësia e bisedimeve për procese të mëtejmë siç është formimi i qeverisë.

Haradinaj shtoj se ai beson që nesër do ta zgjedhin kryetarin e Kuvendit dhe kryesinë derisa ka shprehur besimin se edhe minoritetet do ta japin votën.

“Këshilli Drejtues i Aleancës për Ardhmërinë e Kosovës (AAK), konform statusit të partisë, në mbledhjen e mbajtur sot, vendosi unanimisht që edhe formalisht të mandatojë Kryetarin Haradinaj për vazhdimin e konsultimeve për krijimin e institucioneve të reja të Kosovës, me Lidhjen Demokratike të Kosovës, NISMA-n për Kosovën dhe me spektrin tjetër politik dhe përfaqësuesit e komuniteteve”, thuhet në një njoftim të AAK-së.

Java e fundit e muajit Korrik në Kosovë do të jetë e nxehtë. Në fakt, siç burime ndërkombëtare në Prishtinë dhe Bruksel kanë bërë të ditur për Gazetën Blic, nga fundi i Korrikut dhe përgjatë tërë muajit Gusht, Kosova do të tronditet si pothuajse asnjëherë më parë prej pas luftës së vitit 1999. Kjo, sepse priten ngritje aktakuzash dhe me këtë edhe arrestime të ish-Ministrave, ish-Deputetëve por edhe të Ministrave dhe deputetëve aktualë posa të zgjedhur për Kuvendin më të ri të Kosovës. Shumica prej tyre janë figura kyçe dhe të njohura në politikën e Kosovës.

Këto burime i kanë thënë Gazetës Blic me kushtin që të ruhet anonimiteti i tyre se liderët partiakë dhe sidomos z. Hashim Thaçi tashmë kanë marrë shenja të qarta nga miqtë ndërkombëtare që stuhia që pritet të ngjajë në Kosovë do t’i paraprijë një sprove të bashkësisë ndërkombëtare që “më në fund në Kosovë të nisë të vendoset rendi dhe ligji”.

“Sidomos z. Thaçi e ka mëse të qartë se cili nga kolegët e tij nuk është dashur as që të kandidojë për zgjedhjet e fundit sepse emrat i ka patur në tavolinë. Është çështje e tij si do t’i zgjedhë problemet me ta kur të ngriten aktakuzat” i është thënë kësaj gazete.

“Me datën 28 Korrik, Prokurori Williamson do të paraqesë raportin e hetimeve bazuar në pretendimet e z. Marty. Ajo që ne kemi bërë në Kosovë është se këso radhe kemi koordinuar punën me Task Forcën e z. Williamson dhe në bazë të raportit edhe do të ngrejmë aktakuzat në fjalë të cilat do të jenë të bazuara në krimet e luftës dhe sidomos në krimin e organizuar dhe kjo bazuar në raportin e z. Williamson i cili pjesërisht u jep të drejtë pretendimeve të z. Marty sidomos kur korrupsioni dhe krimi i organizuar janë në pyetje”, kanë thënë këto burime për Gazetën Blic.

Shkaku pse ndërkombëtarëve po u ngutet këso radhe është mëse praktik. Nga Shtatori në Kosovë do të ngjajë i ashtuquajturi transferim i kompetencave në shumë sektore të Eulex-it. Kështu, hetuesisë dhe gjyqësisë vendore do t’i transferohen shumica e kompetencave që ndërkombëtarët kanë në Kosovë kurse këta të fundit nga mesi i Shtatorit do të kenë vetëm role këshilldhënësish pranë kolegëve të tyre nga Kosova.

Nëse këto aktakuza ndërlidhen me situatën aktuale politike në Kosovë nuk dihet. Burimet në fjalë i kanë thënë kësaj gazete që “është punuar në bazë të një itinerari të brendshëm i cili natyrisht që bëhet në koordinim me punëdhënësit tanë. Dhe natyrisht që punëdhënësit tanë janë nga politika”.

Nesër pritet përndryshe konstituiimi i Kuvendit të Kosovës dalë nga zgjedhjet e 8 Qershorit.

Lutfi Buja, vëllai i Ministrit të Arsimit, nuk i ka kursyer fishekët të martën në gëzimin familjar që është mbajtur në konakun e familjes së tij në fshatin Bujan të Lypjanit, raporton Koha Ditore.

Aty, ministri ka organizuar dasmën e dy djemve të tij që i ka martuar në të njëjtën ditë.

Policia e Kosovës ka ndërhyrë rreth orës 22 në këtë festë duke arrestuar të dyshuarin i cili me urdhër të prokurorit i është caktuar ndalimi policor prej 48 orësh.

Për vepër penale të gjuajtjes më armë, prokurorja e Prokurorisë Themelore të Prishtinës, Besa Krajku ka kërkuar paraburgim një muaj për të.

Kryesuesi Asamblesë Komunale në Prizren,Kujtim Gashi ka komentuar puthjet e “zjarrta” që kryetari Ramadan Muja me stafin e tij të shtunën ka marrë nga kryetari i Komunës së Bingenit të Gjermanisë, Tomas Fezer.

“Neve na puthin se jemi të mirë”, ka thënë Gashi.

Kryetari i Komunës së Bingenit të Gjermanisë, Tomas Fezer,të shtunën e javës së kaluar ka vizituar qytetin e Prizenit.

Fezer ka përshëndetur në mënyrë të veçantë zyrtarët e Komunës së Prizrenit.Ai ka puthur kryetarin e Prizrenit Ramadan Muja dhe zyrtarët e tjerë të ekzekutivit. Puthjet e “zjarrta” kanë “çuditur” zyrtarët e Komunës, të cilët kanë shpërthyer në të qeshur. /PrizrenPress/