Kryeministri në detyrë, Hashim Thaçi, ka pranuar një letër nga kancelarja Angela Merkel, në të cilën ajo dëshmon vendosmërinë për të vënë në jetë, gjatë muajve të ardhshëm, synimet e diskutuara gjatë takimit të Konferencës për Ballkanin Perëndimor të 28 gushtit 2014.

“Në vijim të nismës së Konferencës për Ballkanin Perëndimor të 28 gushtit 2014, sot pranova një letër nga kancelarja Angela Merkel, në të cilën ajo dëshmon vendosmërinë për të vënë në jetë, gjatë muajve të ardhshëm, synimet e diskutuara gjatë atij takimi të frytshëm”, ka shkruar kryeministri në profilin e tij në Facebook.

Nëpërmjet kësaj letre, ajo jep një mesazh të qartë për të nxitur bashkëpunimin e Ballkanit Perëndimor me institucionet evropiane si dhe për të realizuar angazhimet e ndërmarra në sferën politike dhe në projekte konkrete infrastrukturore rajonale.

“Dëshiroj ta falënderoj zonjën Merkel, në emrin tim personal por edhe në emër të qeverisë së Kosovës, për mbështetjen bujare dhe të shumëfishtë që Gjermania është duke i dhënë vendit tonë dhe mbarë rajonit. Unë jam veçanërisht mirënjohës për faktin që ajo vë theksin tek synimi politik i normalizimit të mëtejshëm të marrëdhënieve midis Kosovës dhe Serbisë dhe e siguroj që Kosova do t’u përmbahet me rigorozitet angazhimeve ndërkombëtare të ndërmarra në marrëveshjet e firmosura deri tani dhe do të vijojë të përpiqet për të siguruar fqinjësi të mirë nëpërmjet rrugës së dialogut”, thuhet ndër të tjera në statusin e Thaçit.

Në përfundim të debatit në Kuvendin e Kosovës, deputetja e LDK-së, Vjosa Osmani lexoi Deklaratën e përbashkët të katër partive parlamentare.

Deklarata thekson se partitë parlamentare në koalicion pas zgjedhor angazhohen për krijim sa më të shpejtë të institucioneve dhe konstituimi i Kuvendit të bëhet në përputhje me vullnetin e shumicës parlamentare.

Ish – kryetari i Kuvendit te Kosovës dhe udhëheqës i Nismas-s, Jakup Krasniqi the se “e kam vështirë për shkak se unë kam qenë njëri nga themeluesit e PDK-së.

E atyre që nuk jam këtu, ne gjithë angazhimin tim parlamentare 10 vjeçare kanë pasur vetëm një palce kurrizore për shtetin te drejtës. Me vjen keq se gjatë legjislaturës së katërt se asnjë fotografi pozitive për Kosovën nuk ka shkuar në botë”.

Pakica parlamentare e ka vënë në bllokadë themelimin e institucioneve. Krasniqi për ketë e akuzoi Gjykatën Kushtetuese e cila sipas tij ia ka vënë drynin demokracisë parlamentare në Kosovë.

Mungesa e debatit të bindshëm në PDK po bartet edhe në institucionet që mëton t’i krijojë. PDK nuk po do zgjedhje demokratike dhe as parlamentare në Kosovë.

Ai në vazhdim përmendi shembuj te vendeve në botë në të cilat partitë fituese nuk kanë mundur të krijonin qeverinë dhe pastaj kaluan në opozitë. Ai si shembuj mori Suedinë, Finlandën, Belgjikën Luksemburgun e edhe Serbinë.

Presidentja e Kosovës, Atifete Jahjaga takoi sot kryeministrin e Kosovës, Hashim Thaçi dhe udhëheqësit e mekanizmave të sigurisë dhe drejtësisë për të bashkërenduar veprimet e institucioneve të vendit në ruajtjen e sigurisë kombëtare të Republikës së Kosovës.

Në këtë takim u diskutua për rrezikun që i kanoset vendit ka ekstremizmi dhe terrorizmi nga Shteti Islamik (IS), thuhet në një komunikatë të Presidences.

“Në takimin e përbashkët, ku morën pjesë drejtori i përgjithshëm i Policisë së Kosovës, Shpend Maxhuni, drejtori i AKI-së, Bashkim Smakaj, u.d. së kryeprokurorit të shtetit, Sylë Hoxha, kryeprokurorja e Prokurorisë Speciale, Sevdije Morina, kryetari i Gjykatës Themelore në Prishtinë, Hamdi Ibrahimi, Kryetari i Gjykatës së Apelit, Salih Mekaj dhe Drejtori i Njësitit Anti-Terror në Policinë e Kosovës, Fatos Makolli, u diskutua për veprimet ndërinstitucionale të ndërmarra për parandalimin dhe luftimin e ekstremizmit dhe kërcënimeve që i kanoset Kosovës nga individët që dyshohet se kanë inspiruar dhe u janë bashkuar kauzës terroriste të Shtetit Islamik”, thuhet në këtë komunikatë.

Deputetja më e vjetër e Kuvendit të Kosovës, Flora Brovina, po e shikon seancën e sotme të Kuvendit nga televizori.

Gjatë kohës sa Vjosa Osmani e LDK-së po fliste sot në Kuvend, në seancën e thirrur nga blloku politik paszgjedhor, Brovina tha se nuk ka shkuar në seancë për shkak se atë nuk e ka thirr ajo.

Brovina tha se gjatë takimit të djeshëm konsultativ, deputetja Osmani nuk ka dashur të bisedojë me të dhe përfaqësuesit e partive tjera.

“Unë nuk marrë pjesë, sepse unë është dashtë me e thirr këtë seancë”, tha Brovina.

“Unë nuk kamë koment të drejtën me thënë. Dje u takova me Vjosa Osmanin, ajo ishte shumë arrogante dhe nuk deshi të bisedonte, kishte punë personale. Çka të them tash?”, tha ajo.

“Sot ajo thotë krejt tjetër send në Kuvend, thjesht unë nuk kam koment”, tha Flora Brovina për KALLXO.com.

Në mungesë të Flora Brovinës, seanca e sotme po drejtohet nga deputetja më e re e Kuvendit të Kosovës, Teuta Rugova.

Lideri i Lëvizjes Vetëvendosjes! Albin Kurti, ka numëruar një varg veprime sic i ka quajtur ai kriminale, që qeveritë e PDK-së kanë bërë gjatë këtyre viteve.

Ai në Kuvendin e Kosovës ka përmendur edhe shkeljet ligjore dhe korruptive që i ka bërë kryetari i Prizrenit, Ramadan Muja. /PrizrenPress.com/

Një këmbësor është goditur nga vetura në Malishevë. Policia raporton se viktima nga kjo goditje ka pësuar lëndime trupore.

“I dyshuari duke lëvizur me veturën ‘Mercedes’ nga pakujdesia godet këmbësorin viktimën duke i shkaktuar lëndime trupore”, njofton Policia e Kosovës.

Viktima ka pranuar tretman mjekësor/PrizrenPress.com/