Deputeti i Parlamentit të Kosovës, Zafir Berisha ka kërkuar nga deputetët që të veprojnë në zgjidhjen e ngërçit politik. Ai tha se shumica nuk ka nevojë të lutet tek pakica (PDK).

“Ne duhet të veprojmë konform Kushtetutës. Nëse nuk veprojmë bëhemi bashkëfajtor i kësaj gjendje. Nuk duhet të jemi peng i shtetit të kapur nga PDK-ja”, tha Berisha në seancën e Kuvendit të Kosovës.

Berisha ka kritikuar edhe vendimin e Gjykatës Kushtetuese. “Gjykata Kushtetuese e ka komplikuar situatën, prandaj ne duhet të veprojmë”./PrizrenPress.com/

Deputetja e LDK-së, Vjosa Osmani, ka akuzuar Partinë Demokratike të Kosovës për bllokim të jetës parlamentare dhe ka dhënë shembullin e Letonisë, ku tre parti politike opozitare kanë krijuar institucione.

“Jemi këtu për të propozuar zgjidhje. Ashtu siç e kemi nga seancë e 12 korrikut duhet të konfirmojnë se zgjidhja është në këtë seancë plenare dhe jo jashtë saj. Ne u kemi bërë thirrje gjithë deputetëve që të jenë në këtë seancë që të kemi një debat konstruktiv dhe demokratikë në mënyrë që të gjejmë një zgjedhje. Ata po e bllokojnë gjithë jetën parlamentare në vend. Letonia kishte një shembull të tillë si në Kosovë, ku tre parti opozitare bënë një koalicion dhe presidentja i mandatoi që të krijojnë institucionet”, ka thënë Osmani.

Sipas saj, në Kosovë, po shkelet fjala e lire e deputetëve.

“Po shkelet liria e fjalës të cilën na ka dhënë qytetarët e Kosovës. Ata që po frikësohen të dalin para qytetarëve kanë treguar se sa zhvillim i kanë sjell Kosovës. Këtë mund të pyetni qytetarët të cilët e ndjejnë në kurriz krizën ekonomike”, ka thënë ajo.

“PDK-ja po refuzohet nga partitë tjera me fajin e saj. Pasi kjo parti asnjëherë nuk e mbajti fjalën, pasi i trajtoi partnerët e saj në mënyrën më të vrazhdë, si mund t’i besohet kësaj partie me këto sjellje. Mungesa e tyre në parlament, arsyeton edhe mungesën e fakteve nga ajo. Asnjë aktgjykim nuk mund të shtyj deputetët të votojnë kundër vullnetit të saj. Mandatin ia ka dhënë populli, dhe deputetët nuk janë të partive politike por përfaqësues të popullit”, ka thënë deputetja e LDK-së, Vjosa Osmani. /Telegrafi/

Visar Ymeri nga Lëvizja Vetëvendosje, përveç se ka folur për situatën politike dhe ekonomike, ka theksuar se situata për të cilën ndodhemi shumë është spekuluar.
“Situata në të cilën ndodhet Kuvendi është paraqitur si situatë në të cilën nuk ka zgjidhje. Kjo është bërë qëllimshëm. Në një anë kemi shumicë parlamentare dhe në tjetrën kemi pakicën bllokuese të cilët po e sakrifikojnë republikën dhe demokracinë për interesat e veta”, ka thënë Ymeri.

Ai ka shtuar se “kapja e shtetit nga oligarkët e PDK po i kushton shumë shtetit dhe është detyrë e deputetëve që ta clirojnë shtetin”.

“Pakica parlamentare e PDK-së e ka vendin në Kuvend por nëse nuk duan të jenë pjesë e Kuvendit, ne duhet të vazhdojmë me formimin e institucioneve”, ka theksuar Ymeri. /Telegrafi/

Policia e Kosovës ka konfiskuar dy pistoleta dhe fishekë në Prizren. Konfiskimi i parë është bërë në rrugën “Eqrem Çabej”, ndërsa i dyti në rrugën “Ismet Jashari”.

“Njësiti policor në rrugën “Eqrem Çabej”, ka konfiskuar armën pistoletë me dy fishekë pronë e të dyshuarit mashkull K-Shqiptar. Nuk raportohet për të arrestuar. Me urdhër të prokurorit rasti shkon në procedurë të rregullt”.

“Njësiti policor në rrugën “Ismet Jashari”, ka konfiskuar armën pistoletë e tipit “Ekol Magnum” me tetë (8) fishekë pronë e të dyshuarit mashkull K-Shqiptar. Nuk raportohet për të arrestuar. Me urdhër të prokurorit rasti shkon në procedurë të rregullt”/PrizrenPress.com/

Grupi i deputetëve të VLAN kanë filluar seancën e Kuvendit të Kosovës.

Në këtë seancë marrin pjesë grupi I deputetëve të LDK-AAK-NISMA dhe Vetëvendosje.

Lideri i Partisë Demokratike të Kosovës, Hashim Thaçi është parë duke hyrë në zyrat e Presidentes së Kosovës, Atifete Jahjaga.

Megjithatë, sipas KTV-së, nuk dihet se për çfarë ata kanë biseduar, ndonëse mund të paramendohet se me siguri kanë biseduar rreth mbajtjes së seancës nga Blloku VLAN.

Komuna e Dragashit ka më tepër se një vit që ka mbetur pa inspektor komunal e inspektor tregu.

E tëra kjo ka ndodhur që nga koha kur inspektori i mëparshëm komunal kishte kaluar në postin e përgjegjësit të Zyrës së regjistrimit civil, ndërkaq ai i tregut në Drejtorinë për bujqësi, shkruan Koha Ditore.

Si pasojë e tërë kësaj, përkujdesja ndaj mbrojtjes së ambientit, ndalimi i hedhjes së pakontrolluar të mbeturinave, çështja e furnizimit me ujë të pijshëm dhe disa detyra të cilat precizohen me vendin e punës të inspektorit të tregut, kanë ngelur të pambuluara.

Regjitë politike në Kosovë bllokuan institucionet dhe shtetin. Kështu thotë në një intervistë ekskluzivisht për Gazetën “Zëri”, analisti shqiptar Aleksandër Çipa.

Ai ka folur edhe për kulturën e ‘kastës politike kosovare’, vendimin e Gjykatës Kushtetuese, ‘fajtorin’ që bllokoi shtetin kosovar, si dhe anët pozitive dhe negative të zgjedhjeve eventuale.

Çipa ka thënë se ndërhyrja e ndërkombëtarëve në daljen nga ngërçi politik nuk ka qenë e munguar.