Të shtunën dhe të djelën në mëngjes është vërejtur qarkullim i shtuar i kosovarëve që ishin nisur drejt Tiranës për ta Pritur Papa Françeskun.

Të shtunën në të dy anët e pikave kufitare mes Kosovës e Shqipërisë është vërejtur qarkullim i shtuar i kosovarëve që ishin nisur drejt Tiranës për ta Pritur Papa Françeskun, i cili po bënë sot vizitën e parë në Shqipri, e njëherësh vizitën e parë një shteti në kontinentin europian.

Zëdhënësja e Policisë së Shtetit shqiptar, Laura Totraku ka thënë se të shtunën deri në orën 16, vetëm në pikën kufitare të Morinës kanë kaluar kufirin rreth 3.400 qytetarë, transmeton RTK.

Vërehet se në mesin e atyre që po shkojnë ti bëjnë pritjen Papës ka edhe shumë musliman nga Kosova.

“Eshtë njeri i Zotit prandaj duam ta nderojmë”, deklaruan disa kosovarë që po pritnin në radhë për të kaluar kufirin.

Edhepse fluksi i njerëzve është shtuar, të shtunën nuk është shënuar asnjë incident. Në të dyja anët e kufirit janë vërejtur masat e shtuara të sigurisë.

Ndryshe Papa Francesku nuk do të takohet me liderët nga Kosova. Ministri në largim Enver Hoxhaj ka deklaruar se Vatikani së shpejti do ta njoh Kosovën shtet i pavarur dhe sovran, kurse lideri i vetëvendosjes, Albin Kurti, në prak të vizitës së Papës në Shqipëri i ka shkruar Vatikanit kërkesën që ta njohin Kosovën shtet.

Kjo është vizita e dytë që një Papë i bën Shqipërisë pas komuniste.

Qytetarët e Prizrenit, i ka shtyrë të qeshë një veprim i djeshëm  i Policisë së Kosovës. Këta të fundit kanë konfiskuar disa biçikleta të cilat ishin të lidhura në trotuaret përreth sheshit Shatërvan, kryesisht përreth rrethojave të përmendores së heroit Xhevat Berisha.

Një grup ‘prizren.live’, ka publikuar në kanalin youtube një video, ku është xhiruar ky aksion i Policisë.
Videoja e cila po shpërndahet edhe në rrjetin social facebook po kritikohet nga shumë qytetarë.

Por Policia e Prizrenit ka një shpjegim. Hazir Berisha, zëdhënës në Policinë rajonale të Prizrenit ka thënë për KosovaPress, se ky aksion është bërë për mbrojtjen e përmendores, të cilët qytetarët po i lidhin biçikletat e tyre përreth saj.

“Dje Policia e Kosovës ka angazhuar një kompani për bartjen e automjeteve e kontraktuar nga komuna, për të larguar biçikletat e lidhura përreth përmendores së heroit Xhevat Berisha. Këto biçikleta rezultojnë të jenë të pronarëve që kanë lokale në atë vend. Atyre u është tërhequr vërejtja, por që kanë vazhduar t’i lidhin biçikletat, ndërsa sot ato janë konfiskuar”, ka thënë Berisha për KosovaPress.

Sipas Berishës, kjo është një anomali, që biçikletat të lidhen për hekurat e një përmendore, gjë që sipas tij është keq edhe për syrin e shumë turistëve që ka qyteti i Prizrenit.

Një aksident trafiku ka ndodhur në rrugën “Reshtani”  të  Suharekës.

“I dyshuari duke lëvizur me veturën ‘Fiat Scudo’ me targa lokale nga pakujdesia dhe mos përshtatja e shpejtës me kushtet e rrugës ka goditur veturën ‘Opel Vektra’ me targa lokale të cilën e drejtonte viktima . Si pasoj e aksidentit viktima ka pësuar lëndime trupore dhe i njëjti ka pranuar tretman mjekësor’, njofton Policia e Kosovës.

Pesë persona janë arrestuar në Rahovec . Arrestimi i tyre është bërë me urdhër të Gjykatës Themelore në Gjakovë -dega në Rahovec.

“Në bazë të urdhëresave të lëshuara nga Gjykata Themelore në Gjakovë-dega Rahovec, në lokacione të ndryshme, janë arrestuar pesë të dyshuar dhe të njëjtit pasi kanë kryer obligimin e përcaktuar nga Gjykata janë liruar”, njofton Policia e Kosovës./PrizrenPress.com/

Demë Kelmendi me banim në Prizren është dashur që të shkonte tri herë brenda një dite deri te varrezat e qytetit për të aranzhuar një ‘parcelë’ për varrimin e nënës së mikut të tij, shkruan sot Koha Ditore.

Detyrimi për të vajtur disa herë ka ardhur si pasojë e mungesës së hapësirave për varre.

“Më është dashur që të negocioja disa herë me varrmihësit. Negociatat janë zhvilluar për hapësirën dhe për hapjen e varrit. Fillimisht më është thënë se nuk ka vende, pastaj se nuk mund të hapin varrin shkaku se janë të ngarkuar me punë, për shkak të disa varrimeve në të njëjtën ditë”, rrëfen Kelmendi.

Sipas tij, negociatat nuk kanë prodhuar asnjë rezultat përderisa nuk janë numëruar paratë. Vetëm atëherë janë gjetur zgjidhjet.
“Nuk po dua të paragjykoj asgjë, mbase edhe kanë pasur të drejtë. Por besoj se i tërë sistemi i menaxhimit dhe mirëmbajtjes së varrezave myslimane duhet të ketë një organizim më të mirë”, ka thënë ai.

Sipas qytetarëve të Prizrenit, nuk janë vetëm këto raste kur duhen ofruar paratë. Edhe mirëmbajtja e varreve kushton. Zakonisht “pazari” bëhet në prag të festave fetare./koha ditore/

Dështimi i njëpasnjëshëm i Partisë Demokratike të Kosovës, për të siguruar vota për zgjedhjen e kryetarit të Kuvendit, nuk i ka zbehur shpresat e kësaj partie për t’i krijuar institucionet e reja.

Por, partia e Hashim Thaçit përveç fjalëve, deri më tani nuk ka ofruar ndonjë plan për dalje nga kriza politike në të cilin është futur vendi pas zgjedhjeve parlamentare të 8 qershorit.

Sekretari i përgjithshëm i PDK-së, Basri Musmurati, ka thënë për gazetën Tribuna se nuk ka asnjë lëvizje në këtë parti pas dështimit të zgjedhjes së Arsim Bajramit për kryetar të Kuvendit.

“Asgjë të re nuk ka. Jemi në pritje se çfarë po bën presidentja”, ka thënë Musmurati. Por burimet të gazetës brenda PDK-së bëjnë të ditur se kjo parti po e shqyrton mundësinë e shkuarjes në zgjedhje të jashtëzakonshme, në rast se nuk arrihet një marrëveshje në mes të partive politike pjesëmarrëse në Kuvend për krijimin e institucioneve të reja..