Kolona të gjata në kufirin Kosovë-Shqipëri, përkatësisht në pikën kufitare në Morinë. Deri në tri orë pritje për ata qe ia kanë mësyrë Shqipërisë.

Mësohet që ndryshe nga herët tjera, kësaj radhe secila veturë dhe person po regjistrohet.

Lideri i LDK-së i ka bërë thirrje kryesueses së seancës konstituive që të thërras vazhdimin e seancës, pasi nuk ka nevojë të pres se do të ndodhin mrekullitë.

Lideri i partisë më të madhe të Bllokut, LDK-së, Isa Mustafa i ka bërë thirrje kryesueses së seancës konstitituive të Kuvendit, që pa humbur kohë të thërras vazhdimin e seancës, pasi siç ka thënë, nuk ka nevojë të pret të ndodhin mrekullitë, sepse ato nuk ndodhin jashtë Kuvendit dhe votës së deputetëve.

“Le ta thërret vazhdimin e seancës, le të provojë PDK me kandidatë, dhe nëse nuk fiton të mbyllet ky cikël i dështimeve javën që vjen.” ka shkruar Mustafa në profilin e tij në facebook. Ai ka thënë se LDK, sikurse edhe VV, AAK e Nisma, nuk e mohojnë se PDK-ja me partnerët e saj të koalicionit ka dalë e para në zgjedhje, por poashtu nuk mohojnë faktin se ajo nuk po mund të sigurojë shumicën në kuvend. “Kemi nevojë për një qeverisje me diversitet që pamundëson kapjen e shtetit”. “Edhe të enjten u vërtetua se Lidhja Demokratike e Kosovës me AAK-në, Nismën dhe Vetëvendosjen e kanë shumicën absolute në Kuvendin e Kosovës.

Në anën tjetër PDK me partnerët e saj të koalicionit ka një vendim të Gjykatës Kushtetuese i cili, ashtu siç po interpretohet, në mënyrë implicite e mohon demokracinë parlamentare. Dhe për fat të keq një vendim I tillë e bën edhe PDK-në të vazhdojë të sillet se janë shumica, duke pasur vetëm 36 deputetë nga 120 sa ka Kuvendi i Kosovës” ka shkruar lideri i LDK-së, Mustafa.

Ai në këtë shkrim ka shprehur bindjen e tij se Qeveria LDK/VV/AAK dhe Nisma bashkë me minoritet joshumicë, do të jetë mjaftë e diversifikueshme, por se ky diversitet do të mundësojë që kjo qeverisje të mos prodhojë sistem të korrupsionit, krimit të organizuar dhe të mos mund të kap shtetin. “Kjo do të jetë vlera jonë bazike e cila do të hapë mundësi që ky vend në të ardhmen të ec në një rrugë normale demokratike.” ka shkruar ndër të tjera, Isa Mustafa.

Pesë mijë banorët e pesë fshatrave të Anadrinit të Rahovecit: Çifllak, Palluzhë, Gurkuq, Kramovik dhe Dabidol, kërkojnë që sa më parë të përfundojnë punimet në ndërtimin e rrjetit të ujësjellësit, të nisur para 5 vjetësh, kurse rinisur në maj të këtij viti.

Ata kërkojnë që sa më pare të shijojnë ujin e pijshëm nga HS “Radoniqi”, sepse detyrohen që me ujë të furnizohen nga bunarët e papastër, të cilët paraqesin rrezik për përhapjen e ndonjë epidemie.

Ndërsa, komunarët dhe ata të kompanisë “Radoniqi”,patën premtuar rifillimin e punimeve në maj se ato do të përmbylleshin brenda 100 ditësh.

Të fundit, ndërkaq nuk e mohojnë faktin se punimet po vonohen./koha ditore/

Ish-kryeparlamentari Jakup Krasniqi ka thënë se nuk ka nevojë për kurrfar kompromisesh politike për formimin e institucioneve të reja, pasi sipas tij, Kosova tashmë ka koalicionin qeverisës LDK-AAK-Nisma dhe Vetëvendosje.

Ai ka vlerësuar se zgjedhjet nuk janë zgjidhje e ngërçit politik. Sipas tij, zgjidhja e këtij ngërçi është në Kuvendin e Kosovës.

“Tani për tani roli i presidentes është lehtësues. Zgjidhja është në Kuvendin e Kosovës, por ai duhet të çlirohet nga kapja”, ka deklaruar Krasniqi, duke shtuar se duhet guxim dhe vullnet për të dalë nga kjo gjendje në të cilën gjendet Kosova. /Epoka e Re//

Për Komisionin Qendror të Zgjedhjeve, shkuarja në një palë zgjedhje të reja nuk paraqet problem, pasi që ky institucion tashmë ka marrë të gjitha masat e duhura që të jetë në krye të detyrës.

Problem nuk paraqet as mandati i përfaqësuesve të partive politike në këtë Komision, pasi që, sipas ligjit, përfaqësuesve aktualë në një situatë zgjedhjes do t’u zgjatej mandati automatikisht.

Burime të gazetës kanë bërë të ditur se në rast se shpallen zgjedhjet, mandati i përfaqësuesve aktualë të partive politike zgjatet automatikisht, duke bërë që KQZ të ketë përbërje të njëjtë, pos anëtarit të AKR-së, parti kjo që e humb përfaqësuesin në KQZ dy muaj pas certifikimit të rezultateve zgjedhore pasi që nuk e ka kaluar pragun.

Kryetarja e KQZ-së Valdete Daka, në një prononcim për gazetën Tribuna, ka ritheksuar faktin se institucioni që ajo drejton, në çfarëdo momenti që i kërkohet të përgatitë zgjedhjet, do të jetë e gatshme ta bëjë një gjë të tillë.