Një javë nuk i ka mjaftuar Partisë Demokratike të Kosovës për t’i bindur deputetët e partive tjera për ta votuar kandidatin e kësaj partie për kryetar të Kuvendit të Kosovës.

Kësisoj vazhdimin e seancës konstituive të paraparë të mbahet të enjten (sot) pritet ta përcjellë fati i njëjtë i seancës së 17 korrikut.

Por ndryshe nga seanca e parë kur ajo u mbyll nga drejtuesja e seancës, Flora Brovina, për shkak të mungesës së kuorumit, të enjten (sot), ndërprerja e seancës pritet të ndodhë për shkak të pamundësisë së PDK-së si parti fituese që t’i sigurojë votat për ta zgjedhur kryetarin e Kuvendit.

Ndërprerja e seancës do t’ia pamundësonte Bllokut të partive opozitare që të vazhdojnë seancën../tribuna/

Fatmir Limaj dhe nëntë bashkëluftëtarët e tij, të mërkurën sërish janë ulur në bankën e drejtësisë për rastin “Kleçka”, ndonëse dy herë radhazi janë shpallur të pafajshëm.

Edhe sot në Gjykatën e Apelit në Prishtinë do të vazhdojë seanca gjyqësore në rastin “Kleçka”, pasi kjo gjykatë dje vendosi ta kthej në rigjykim. Seanca gjyqësore do të filloj në ora 10:00, ku të pranishëm do të jenë tre dëshmitarë.

Ndërsa, në seancën e djeshme procesi filloj me dëshmitarin e parë që ishte Afrim Zogaj, vëllau i dëshmitarit X në procesin e kaluar, Agim Zogaj. Procesi po udhëhiqet nga një kolegj gjyqësor i Gjykatë së Apelit, e të pranishëm ishin të akuzuarit bashkë me mbrojtjen e tyre.

Se a do të marrë pjesë në séance e sotme gjyqësore Fatmir Limaj, duke marr parasysh se sot në të njëjtën kohë zhvillohet seanca konstituive e Kuvendit të Kosovës, për këtë ka folur dje avokati Tomë Gashi.

“Është shumë e qartë se unë nuk mund të përgjigjem në emër të Fatmir Limajt se a do të jetë ai nesër në seancën konstituive të parlamentit të Republikës së Kosovës por e di saktësisht që Fatmir Limaj do të duhet që nesër në ora 10:00 të jetë në këtë gjykatë sepse është obligim ligjor dhe ai do të respektojë”, ka thënë Gashi.

Në verën e 2012-ës, Fatmir Limaj dhe nëntë pjesëtarë tjerë të UÇK-së u akuzuan për krime lufte kundër popullatës civile dhe krime lufte kundër të burgosurve të luftës që siç thuhet, supozohet të jenë kryer nga fillimi i vitit 1999 deri në mesin e qershorit të atij viti në një qendër të improvizuar paraburgimi nga UÇK-së, e që ndodhej në fshatin Kleçkë të Malishevës.

E me 17 shtator 2013, procesi u shpall i përmbyllur me pafajësinë e të akuzuarve. Ishte hera e dytë që Fatmir Limaj shpallet i pafajshëm nën akuzat për krime lufte. Më 30 nëntor të vitit 2005 Gjykata Ndërkombëtare për Krime lufte në Hagë shpalli të pafajshëm Fatmir Limajn i njohur me emrin e luftës si komandant Çeliku, i cili në shkurt të vitit 2003 qe akuzuar për përfshirje në krime kundër civilëve shqiptarë dhe serbë gjatë luftës së vitit 1998.

Deputetët e Kuvendit të Kosovës sot për herë të dytë brenda dy muajve zgjedhje do të provojnë ta zgjedhin kryetarin e Kuvendit.

Edhe këtë herë të dy blloqet PDK’ja dhe koalicioni LDK-AAK-Nisma-VV, shkojnë në seancë pa marrëveshje politike.

Sipas vendimit të Gjykatës Kushtetuese, PDK do të propozojë kandidatin për kryetar të Kuvendit (Arsim Bajramin).

Zyrtar të PDK’së nuk kanë treguar nëse kanë arritur t’i sigurojnë votat e mjaftueshme për kyeparlamentar. Edhe përfaqësues të partive të bllokut janë shprehur të rezervuar se si do të veprojnë në seancën e sotme. /Epoka e Re

Arrestimi i imamëve pikërisht para seancës konstituive të Kuvendit të Kosovës, ka për qëllim zhvendosjen e vëmendjes së opinionit nga deregjia e rënies së politikës aktuale, se sa qe ka të beje me realitetin në terren. Kështu vlerëson për standardi.eu, publicisti Faik Krasniqi.

Ai thotë se kjo Qeveri në largim është në gjendje të bëjë çdo gjë, vetëm e vetëm të largojë vëmendjen nga dështimet e tyre. Një pyetje kam për Qeverinë, AKI-në dhe Policinë e Kosovës: Pse deri më tash nuk ndërmorën asnjë veprim kundër këtyre imamëve?

“Spektakli i Qeverisë në largim me arrestimin e imamëve dhe hoxhallarëve, është bërë më shumë për t’i mbuluar dështimet e tyre, se sa ndonjë veprim qe përkon me rrjedhat realiste. Kjo nuk është gjë tjetër veçse për t’i hedh hi syve qytetarëve, se gjoja jemi duke e luftuar terrorizmin. Por nuk janë vetëm këta që janë arrestuar nxitës të terrorizmit, por kokat e terroristëve janë edhe në Qeveri, Parlament dhe në BIK duke filluar nga Naim Tërnava”, theksoi për standardi.eu,publicisti Faik Krasniqi, duke shtuar se ky spketakël ka për qëllim paraqitjen servile të Thacit, kinse është aleat i SHBA-së, kundër terrorizmit, me qëllim kullotjen edhe të ndonjë mandati pushtetar, për të vazhduar shfrenimin edhe më të madh të korrupsionit dhe majmërinë e bandave militante partiake.

Ai thotë se me këto veprime po qon ujë në mullirin e armikut duke i dhënë imazh terrorist Kosovës. Serbia që nga koha e luftës në Kosovë, duke vazhduar gjer më sot nuk ndalet duke e prezantuar Kosovën si vend i krimit, terrorizmit e trafikimit. Çuditërisht edhe Qeveria e Kosovës dita-ditës, po bëhet aleate e kësaj propagande. Qeveria duhet të veprojë kundër çdo elementi ekstremist dhe veprimeve me tendenca terroriste e jo të bëjë spektakle mediatike.

“Një pyetje kam për Qeverinë, AKI-në dhe Policinë e Kosovës: Pse deri më tash nuk ndërmorën asnjë veprim kundër këtyre imamëve, por as kundër asnjë imami ekstremist, por këto veprime i bëjnë çdoherë kur ka ndonjë ngjarje të rëndësishme për Kosovën, apo nesër që do mbahet seanca konstituive e Kuvendit… Kjo Qeveri në largim është në gjendje të bëjë çdo gjë, vetëm e vetëm të largoj vëmendjen nga dështimet e tyre dhe problemet që i krijuan me Gjykatën Kushtetuese, se gjoja jemi duke e luftuar terrorizmin, por me mosveprimin e tyre të deritashme u bën mbështetës të këtyre rrymave ekstreme. Kur u rrahën dhe u kërcënuan me jetë shumë imamë modern si Xhabir Hamiti, Osman Musliu, Musli Verbani, ku ishte Qeveria, Policia, AIK-u, BIK-u, që nuk ndërmorën asgjë, por vetëm kur kjo Qeveri në largim është ngusht dhe duhet të bëjë diçka për të zhvendosur vëmendjen nga dështimet e tyre.

Por me këto veprime që po bën kjo Qeveri në largim, pa nevojë po e prish imazhin e Kosovës, thuaj që Kosova është vatër e ekstremizmit fetar”, vlerësoi publicisti Krasniqi.

Kryetari i Prizrenit, Ramadan Muja nuk ka arrit t’i përballojë shantazhit të koalicionit të AAK-së. Ai është detyruar të pranojë në punë si mësimdhënës asamblistin e AAK-së, Bujar Nerjovajn në shkollën “Pjetër Budi” në Lugisht të Hasit.

“PrizrenPress” ditë më parë kishte raportuar se zyrtarët e AAK-së e kanë kërcënuar Mujën se nuk do të votojnë rishikimin e buxhetit për për vitin 2015-2017 -të, nëse nuk do t’i punësojë militantët e partisë së tyre.

Punësimi i asamblistit të AAK-së, Bujar Nerjovaj është bërë sot, një ditë para votimit të buxhetit.

Asambleja Komunale në Prizren, nesër ka paraparë votimin e buxhetit për vitin 2015-2017. Për të siguruar votat e mjaftueshme, Muja është detyruar të plotësojë kërkesat për punësim të AAK-së. /PrizrenPress.com/

Kryetari i Prizrenit Ramadan Muja ka hequr dorë nga tendenca për krijuar rrethana lehtësuese juridike për vetveten. Ai pronat publike për të cilat është dënuar nga Gjykata Themelore në Prizren, nuk do t’i shpallë në interes publik.

Asamblisti i Lëvizjes Vetëvendosje! në Prizren, Arbër Rexhaj thotë se Muja u zmbraps pas reagimit të Vetëvendosjes.

“Ramadan Muja u zmbraps. Ai hoqi dorë përfundimisht nga tendenca për të krijuar rrethana të reja dhe lehtësuese juridike për vetveten”, tha Rexhaj për “PrizrenPress.

Sipas tij, PDK-ja bëri përpjekje për të “shpëtuar kokën” Ramadan Mujës.

“PDK-ja përmes Asamblesë tentoi t’i shpallte zona të interesit publik dy parcela me anë të së cilave Muja u denua me burg”

“Tendencat e tyre për të shfrytëzuar asamblenë për qëllimet e tyre të mbrapshta u zmbrapsen përmes kritikës sonë sistematike, të drejtë dhe të fuqishme”

“PDK-ja po dorëzohet. Pushtetit të korruptuar po i vie fundi. PDK-ja po shkon, se bashku me të edhe kjo kastë e korruptuar e pushtetit”, thotë Rexhaj. Sipas tij, VV nuk është kundër zonave të reja ekonomike dhe industriale./PrizrenPress.com/