Kreu i Gjykatës Kushtetuese të Kosovës Enver Hasani gjatë një ligjërate në Shkollën e Drejtësisë SMU Dedman në Dallas, ka thënë se një nga problemet me çka përballen gjykatat e rregullta në Kosovë është fakti që gjykatësit nuk dinë fare anglisht. Këtë, Hasani e konsideron mangësi në punën e tyre.

Duke i përgjigjur një pyetje nga auditori rreth lirisë së shprehjes Hasani ka përmendur çështjen e neneve problematike me të cilën gazetarët do duhej ti zbulonin burimet e tyre.

Ai ka theksuar se qeveria ishte dashur t’i tërheq ato nga ligji, pasi e kanë pasur parasysh se ato do të shpalleshin antikushtetuese. Ai më pas, në kotekst të lirisë së shprehjes, ka përmendur se kur është fjala te gjykatësit kosovarë të gjykatave të rregullta ata janë të hendikepuar pasi nuk dijnë anglisht.

“Çështja e Gjykatave të rregullta është problematike për një arsye, sepse ata janë një gjeneratë e edukuar në sistemin e kaluar, vetëm disa prej tyre flasin anglisht. Pra do të ishte për mua shumë e vështirë të marrë me mend se si ata do ta aplikonin standardin New York Times vs. Sullivan dhe standardet tjera që kanë të bëjnë me lirinë e shprehjes dhe në përgjithësi lirinë e shprehjes”, ka Hasani në ligjëratën e tij që e ka mbajtur në gjuhën angleze, shkruan Express. Pjesën që ka të bëjë me gjykatësit mund ta ndiqni në minutën e 33’të.

Analistët politikë kërkojnë nga Presidentja Atifete Jahjaga, që sa më shpejt të reagojë ndaj ngërçit politik. Nëse Presidentja nuk i takon liderët shpejt, ata druajnë se hendeku i krijuar mund të thellohet.

Analisti Naim Rashiti thotë për “Epoka e Re” se Jahjaga s’është dashur të rrijë anash zhvillimeve politike që janë krijuar pas

“Ky është një test i vërtetë dhe presidentja këtë herë duhet të dëshmojë se e luan rolin e saj, të cilin aktualisht nuk është duke e bërë. Çuditërisht, ka mbetur shumë anash karshi këtyre zhvillimeve”, deklaroi Rashiti.

Analisti tjetër, Shpend Kursani, thotë se Presidentja s’e ka luajtur rolin e saj karshi situatës politike në vend.

Përkundrazi, thotë ai, Jahjaga ka qëndruar anash sikur këto zhvillime të ndodheshin në Nepal, e jo në Kosovë.

“Presidentja nuk i ka përdorur kompetencat që i ka, sepse ka mundur të bëjë shumë më shumë. Por, ajo ka zgjedhur që më shumë të jetë një vëzhguese e largët e situatës që po ndodh në vendin që e udhëheq. Ajo ka qëndruar thuajse këto zgjedhje dhe zhvillimet pas tyre kanë ndodhur diku në Nepal e jo në Kosovë. Do të thotë se, ajo e ka vëzhguar këtë situatë nga kjo distancë dhe mendoj se ka bërë gabim”, deklaroi Kursani.

Liderët e Bllokut dje deklaruan se janë të gatshëm që t’i përgjigjen një ftese të mundshme të Presidentes. Por, Atifete Jahjaga duket se nuk e ka në mendje njëherë për njëherë që të thërras liderët në një takim të përbashkët.

Arbër Vllahiu, Zëdhënës i saj, thotë se Presidentja mund ta luajë rolin e lehtësues në diskutimet me forcat politike, në rast të rrezikimit të proceseve demokratike. Por, rikujton se deputetët duhet ta gjejnë vetë zgjidhjen brenda Kuvendit.

“Roli i presidentes Jahjaga nuk është në imponimin e zgjidhjeve për Kuvendin, as në ndërhyrjen institucionale ndaj një institucioni tjetër. Mbi të gjitha, nuk është në përcaktimin e detyrave për deputetët e Kuvendit të Kosovës. Deklarimet e deritashme të presidentes dëshmojnë përgjegjshmërinë e saj në situatën e krijuar, angazhimin e saj (edhe nëpërmjet deklarimeve publike) për funksionimin demokratik të institucioneve dhe për rolin e saj kushtetues si faktor i unitetit të popullit”, është shprehur Vllahiu.

Njësiti për hetimin e krimeve ekomomike dhe korrupsion i Policisë së Kosovës, në Prizren dje në një aksion ka arrestuar 4 persona nën dyshimin për falsifikim parash dhe armë mbajtje pa leje.

Policia e Kosovës ka arrestuar të premten në rajonin e Prizrenit, 4 persona nën dyshimin për falsifikim parash dhe armë mbajtje pa leje. Sipas njoftimit të Policisë së Kosovës , personat e arrestuar janë shtetas të Kosovës.

“Në koordinim dhe me autorizim të prokurorit përkatës dhe bazuar në urdhëresën e Gjykatës Themelore në Prizren është realizuar operacioni me masa të fshehta teknike të hetimit dhe vëzhgimit, me ç’rast të dyshuarit janë arrestuar në vepër duke shkëmbyer parat (dollarët amerikan me euro)”.

“Bazuar në hetimet preliminare policore, të dyshuarit kishin rënë në ujdi që 9000 $ ( nëntë mijë dollarë amerikan) ti shkëmbejnë me 2700 € ( dy mije e shtatëqind euro). Lidhur me ketë janë konfiskuar të hollat si dhe automjeti i të dyshuarve si dhe dokumentacion i ndryshëm qe lidhen me veprën penale”.

“Personat e arrestuar janë: B.K i lindur me 1981 m/sh/k,  S. T i lindur me 1978 m/sh/k. 3,  Sh. M i lindur me 1991 m/sh/k dhe  A. K i lindur me 1975 m/sh/k”.

“Si vazhdimësi e operacionit policor janë bastisur katër lokacione te të dyshuarve, dhe në njërin lokacion në komunën e Suharekës janë gjetur dhe konfiskuar në cilësi të provave materiale, dy pushke gjuetie, një revolver një rrethatore me njëzet (20) fishek të pushkës së gjuetisë kalibri 12 mm dhe disa gjësende të dyshimta si të vjedhura si mjete elektroteknike etj. Lidhur me këto gjësende të dyshimta është arrestuar i dyshuari i katër A.K për veprën penale “armëmbajtje pa leje” dhe gjësendet e gjetura në atë lokacion dyshohet se janë te vjedhura, hetuesit nga stacioni policor Suharekë janë duke hetuar ketë rast”, thuhet në njoftimin e PK-së.

Të gjitha veprimet policore lidhur me këtë rast janë kryer në konsultim me prokurorin kompetent dhe ndaj të dyshuarve është caktuar masa e ndalimit për 48 orë për të vazhduar më procedurat tjera hetimore. /PrizrenPress.com/

Kryeministri në largim Hashim Thaçi ka kërkuar nga autoritetet e Shqipërisë që gjatë vizitës së Papa Françeskut në Tiranë, më 21 shtator, t’i mundësohet që të jetë pjesë e agjendës zyrtare të takimeve me prijësin katolik, por Vatikani ka hedhur poshtë një mundësi të tillë.

Burime të Gazetës Express në Tiranë bëjnë të ditur se Vatikani ka hedhur poshtë mundësinë që edhe Hashim Thaçi të jetë pjesë e agjendës së takimeve zyrtare të Papa Françeskut me autoritetet në Tiranë.

“Thaçi ka kërkuar mbrëmë që të jetë pjesë e takimeve që Papa do bëjë në Tiranë. Zyrtarisht është kontaktuar Vatikani dhe nuk ka pranuar që ai të jetë pjesë” bëjnë të ditur burime të Gazetës.

Kryeministri Thaçi vitin e kaluar kishte marrë pjesë në ceremoninë e inaugurimit të Papës së ri, ndërkohë që zyra e tij kishte njoftuar se ai ishte pritur në audiencë private nga Papa Françesku.

Policia e Suharekës ka ndërmarrë një aksion të madh për t’i konfiskuar pajisjet e vjedhura nga disa hajna në këtë komunë, raporton therandapost. Zyrtarët e Policisë kanë thënë se prej të hënën qytetarët e Suharekës mund të shkojnë në stacionin policor për t’i identifikuar mjetet e vjedhura.

Nga aksioni i mbrëmshëm në tri fshatrat e Suharekës, i kishin konfiskuar 133 gjësende prej më të ndryshmeve, nga teleskop e deri në motorr i anijesh e penjë për qepje.

Komandanti i Stacionit Policor, Major Arsim Berisha tregoi se nga dita e Hënë të gjithë që kanë qenë pre e vjedhjeve dhe që kanë raportuar në polici për vjedhje mund të vinë në stacionin policor dhe të indetifikojnë gjësendet e tyre. Por ai theksoi që edhe ata që nuk kanë raportuar në polici vjedhjet e gjësendeve të vogla si turrjela (burmashina) dhe gjëra të tilla mund të vinë të indentifikojnë gjësendet e tyre.