Zyra e vendit në Lagjen e Trimave (ish-Tusuzi) në Prizren ka dy vjet që nuk është vënë në funksion nga administrata komunale, përkundër faktit që për ndërtimin e këtij objekti janë harxhuar mjetet nga buxheti komunal, shkruan Koha Ditore.

Madje në vitin 2012 kryetari i Komunës, Ramadan Muja, ka raportuar se kjo zyrë është hapur me qëllim të ofrimit të shërbimeve më cilësore për qytetarët e kësaj ane.

“Për të rritur kualitetin e shërbimeve, Drejtoria e Administratës ka hapur Zyrën e vendit edhe në Lagjen e Trimave”, thuhet në raportin e punës të Mujës, të nënshkruar në dhjetor të 2012-s.

Mirëpo banorët e lagjes, sikurse edhe zyrtarët e lartë të administratës komunale, kanë bërë të ditur se objekti i Zyrës së gjendjes civile asnjëherë nuk është funksionalizuar e as që ka ofruar dokumentet e duhura për komunitetin.

Nënkryetari i Partisë Demokratike të Kosovës (PDK), Adem Grabovci, u është kundërpërgjigjur kritikave të koalicionit LDK-AAK-Nisma për shtyrje të seancës konstituive të Kuvendit. Ai ka bërë me dije se kërkesa për shtyrje të seancës ka ardhur nga partneri i tyre i koalicionit, Lista Serbe.

Grabovci ka deklaruar për “Epokën e re” se koalicionit paszgjedhor nuk po i bie tamam asgjë. “Çdo ditë po bëhet edhe më e qartë se koalicionit të bllokut asgjë nuk po i bie tamam. Ata kanë deklaruar se janë në koalicion me Listën Serbe dhe se i kanë harmonizuar të gjitha qëndrimet e tyre. Ndërsa kërkesa për shtyrje të seancës ka ardhur nga një subjekt politik që i ka pasur qëndrimet e harmonizuara me bllokun”, ka thënë Grabovci. Ai ka deklaruar se lojërat me shtyrje të seancës është i duke bërë koalicioni paszgjedhor. “Kërkesën për shtyrje të seancës nuk e ka bërë PDK-ja, por një aleat i bllokut. Ne kemi deklaruar edhe më herët se kemi qenë të gatshëm që seanca të mbahet të premten. Unë dyshoj se këto lojëra është duke i luajtur blloku, i cili po vazhdon ta bllokojë jetën e qytetarëve të vendit”, ka thënë Grabovci.

Ish-shefi i grupit parlamentar të PDK-së ka shtuar se kjo parti i kishte bërë të gjitha përgatitjet që në seancën e së premtes ta zgjedhë kryetarin e Kuvendit nga radhët e saj, kryesinë e këtij institucioni dhe të vazhdojë me procedurat e mëtutjeshme edhe për formimin e Qeverisë.

Grabovci ka bërë me dije se ka pasur komunikimin të vazhdueshëm me pjesën dërrmuese të deputetëve dhe, sipas tij, të gjithë ata kanë shprehur vullnetin e tyre ta tejkalojnë këtë ngërç politik. “Ne kemi pasur komunikim të vazhdueshëm dhe intensiv me të gjithë deputetët e Kuvendit të Kosovës, pra me pjesën më të madhe të 120 deputetëve që ka Kuvendi i Kosovës. Kuptohet se PDK-ja është partia e parë, ka 37 deputetë dhe e ka marrë besimin e qytetarëve të Kosovës. Ne do ta vazhdojmë realizimin e vullnetit të qytetarëve të vendit në përputhje me Kushtetutën e Kosovës, Rregulloren e Punës së Kuvendit dhe në përputhje me vendimin e Gjykatës Kushtetuese”, është shprehur Grabovci.

Kryeparlamentari i takon PDK-së

Nënkryetari i PDK-së është shprehur i bindur se kandidati i këtij subjekti politik për kryetar të Kuvendit, Arsim Bajrami, do t’i marrë votat e nevojshme për t’u zgjedhur kryeparlamentar. “Ne kemi komunikuar me shumë deputetë edhe gjatë së enjtes që lamë pas. Komunikimi me deputetë nuk ka munguar as ditëve të tjera. Besoj se janë votat e mjaftueshme për t’i konstituuar të gjitha institucionet e vendit, duke respektuar vullnetin e qytetarëve të Kosovës. Nuk besoj se asnjë deputet i Kuvendit të Kosovës dëshiron të vazhdojmë me humbje të kohës dhe me bllokim të jetës institucionale të vendit”, ka deklaruar Grabovci, duke shtuar se beson në vetëdijen e lartë të deputetëve të Kuvendit, të cilët janë të zgjedhur për t’i mbrojtur interesat e qytetarëve të Kosovës dhe për ta lehtësuar jetën e tyre.

I pyetur se nëse gjatë këtij komunikimi që ka pasur me deputetë ka marrë përkrahjen për kandidatin e PDK-së, Grabovci ka deklaruar se të gjithë janë shprehur të pakënaqur me gjendjen aktuale. “E them me bindje të plotë se deputetët e të gjitha grupeve parlamentare, pa përjashtim, me ata që kam komunikuar drejtpërdrejt, kanë shprehur pakënaqësi me situatën që është krijuar kundër vullnetit dhe dëshirës së tyre. Partitë e bllokut duhet t’i lënë të lirë deputetët, mos t’i shantazhojnë. Me të gjithë ata deputetë që kam komunikuar janë të gatshëm të kontribuojnë në zhbllokimin e jetës institucionale në vend”, ka thënë Grabovci, duke shtuar se deputetët janë të vetëdijshëm se e drejta për ta zgjedhur kryetarin e Kuvendit i takon PDK-së. “Besoj se deputetët e Kuvendit tashmë janë shumë të vetëdijshëm se propozimi për zgjedhjen e kryetarit të kuvendit i takon grupit më të madh parlamentar, që është PDK-ja. Kjo është e rregulluar me Kushtetutën e Kosovës, me Rregulloren e Punës dhe me vendimin e Gjykatës Kushtetuese”, ka deklaruar Grabovci. Sipas tij, mosrespektimi i këtij vendimi është mohim i këtij institucioni dhe rrjedhimisht mohim i shtetit.

Nëse shkojmë në zgjedhje, PDK-ja do të korrë fitore të thellë

Duke folur për marrëveshjen e LAN-it me VV-në, Grabovci ka deklaruar se partisë më të madhe në vend kjo nuk i bën ndonjë përshtypje, duke shtuar se PDK-ja është e hapur për dialog me të gjitha subjektet politike. “Ne jemi të interesuar të bashkëpunojmë me të gjitha subjektet politike. Për ne afla dhe omega është dialogu. Aty ku nuk ka dialog nuk mund të bëhet fjalë për demokraci të mirëfilltë dhe të shëndetshme. Ne urojmë që gjithë spektri politik ta hapë rrugën e dialogut”, është shprehur Grabovci.

Nënkryetari i PDK-së, Adem Grabovci, ka bërë me dije se subjekti i tyre politik nuk është e interesuar për zgjedhje të reja, por është e gatshme edhe për këtë variant. “PDK-ja nuk dëshiron që vendi të shkojë në zgjedhe të reja, sepse tashmë qytetari i Kosovës është lodhur duke mbajtur zgjedhje pas zgjedhjesh. Është hera pestë që qytetari i Kosovës po e rikonfirmon mbështetjen që ka për PDK-në, për punën e mirë që ka bërë deri më tash në qeverisje. Jam i sigurt se edhe nëse shkohet në zgjedhje blloku bllokues do ta marrë atë që meriton – goditjen me votë të qytetarëve të Kosovës. Pra, nëse shkojmë në zgjedhje, jam shumë i sigurt se PDK-ja do të korrë një fitore të thellë dhe bindëse”, ka deklaruar Grabovci.

Tetë terorrista shqiptarë në Irak janë vrarë dje, mëson gazeta Zëri nga burimet e saj.

Nga një sulm ajror në Irak janë vrarë 11 terorrista nga 8 prej të vrarëve janë shqipatarë. Më së shumti ka nga Kosova 8 prej tyre, njëri nga Maqedonia dhe një nga Shqipëria.

Të vrarit kosovarë janë:

1. Ebu Sofjani
2. Ebu Samiri nga Mitrovica
3. Ebu Ubajde
4. Ebu Jusufi – Zeqir Qorraj
5. Abdurrahman – Liridon Sadiku
6. Ebu Sara – Sinan Muji

Ndërkaq, Ebu Aishe është personi i vrarë nga Shqipëria, si dhe Ebu Uvejs nga Maqedonia.

Lëvizja e të paktën katër deputetëve nga treshja LDK-AAK-Nisma te Partia Demokratike e Kosovës do t’ia mundësonte kësaj të fundit ta zgjidhte kryetarin e Kuvendit dhe t’i hapte rrugë formimit të qeverisë së re. Në zgjedhjet e fundit parlamentare të 8 qershorit, PDK-ja si fituese e zgjedhjeve ka siguruar 37 ulëse në Kuvend.

E rreshtimi i Listës Serbe dhe të gjitha partive parlamentare të minoriteteve në krah të PDK-së, do ta çonte në 57 numrin e deputetëve. Për ta bërë shumicën parlamentare në Kuvend, PDK-së i duhen të paktën edhe votat e katër deputetëve.

E arritja e numrave të mjaftueshëm për ta votuar kryetarin e Kuvendit, po shihet si mision i mundur nga drejtuesit e PDK-së.

Burime të gazetës Tribuna brenda kësaj partie, bëjnë të ditur se ditëve të fundit kësaj partie i janë ofruar të paktën shtatë deputetë nga partitë e tjera pjesëmarrëse në Kuvend.

Sipas këtij burimi, këta deputetë janë shprehur të gatshëm ta përkrahin partinë e Hashim Thaçit në zgjedhjen e kryetarit të Kuvendit dhe formimin e Qeverisë.

“Ne tani i kemi numrat për ta votuar kryeparlamentarin dhe për ta krijuar qeverinë e re. Kjo gjë është arritur edhe falë bashkëpunimit të disa deputetëve nga partitë e tjera të cilët na kanë premtuar votën e tyre për votimin e kryeparlamentarit dhe krijimin e qeverisë”, i ka thënë ky burim gazetës Tribuna.

Marrëveshja mes Bllokut LDK-AAK-Nisma dhe Lëvizjes Vetëvendosje, e cila parasheh që subjekti politik i Albin Kurtit t’i udhëheqë bisedimet me Serbinë, ka shqetësuar faktorin ndërkombëtar.
Këta të fundit janë kundër idesë që drejtimi i dialogut t’i lihet në dorë pikërisht Lëvizjes Vetëvendosje. Kjo, pasi sipas tyre, kushtet e vëna nga Vetëvendosje për vazhdimin e dialogut, mund ta rrezikojnë vazhdimin e tij si dhe zbatimin e marrëveshjeve në praktikë.

“Ne kemi parë se disa drejtues të Vetëvendosjes po insistojnë se nuk do të këtë vazhdim të dialogut pa njohje reciproke. Një gjë e tillë është e pamundur, për faktin se Serbia tërë kohën zotohet se me asnjë çmim nuk do ta njohë Kosovën. E insistimi i palëve në qëndrimet e veta mund të ndikojë që vazhdimi i dialogut të dështojë”, i ka thënë gazetës një burim ndërkombëtar.

Nga ana tjetër, njohës të çështjeve politike, vlerësojnë se Lëvizja Vetëvendosje do ta ketë të vështirë që t’i realizojë kushtet e parapara për vazhdimin e dialogut. Sipas tyre, dialogu duhet të vazhdojë, por duhet të jetë më i përgatitur sesa ka qenë deri më tani

Anulimi i mbajtjes së seancës konstituive të 12 shtatorit me kërkesë të Listës Serbe, duket të jetë vetëm fillimi i problemeve që pritet të shkaktojë inkuadrimi i saj në institucionet shtetërore.

Fakti që seanca e thirrur nga kryesuesja Flora Brovina për t’u mbajtur të premten më 12 shtator u anulua pas kërkesës së Listës Serbe, tregon për forcën që ka ky grup politik në Kosovë, vlerësojnë njohësit e rrethanave politike në vend.

Lidershipi kosovar, sipas tyre, do të duhej të bëhej më unik në mënyrë që vendi të dalë nga ky ngërç politik që ka kapluar vendin tash e tre muaj.

Për Afrim Hotin, fakti që kjo listë po e përcakton agjendën e krijimit të institucione paraqet një shqetësim të madh për situatën politike në vend.

“Është jashtëzakonisht shqetësuese që një grup relativisht i vogël i deputetëve, prej fuqisë parlamentare tashmë përcaktojnë edhe agjendë”, ka thënë Hoti.

Kjo situatë e krijuar, sipas tij, do të duhej të shërbente si një sinjal për lidershipin e Kosovës. /Tribuna/