Me nderime para flamurit të Shteteve të Bashkuara të Amerikës (SHBA), Kryetari i Komunës së Malishevës, Ragip Begaj, i shoqëruar nga kryesuesi i KK të Malishevës, Enver Hoti, anëtar të Kuvendit të Komunës dhe zyrtarë tjerë komunal, kanë përkujtuar viktimat e 11 shtatorit të vitit 2001, në Qendrën Botërore të Tregtisë në New York të SHBA-ve.

Në aktin terrorist në Qendrën Tregtare Botërore apo Kullat Binjake, në New York, kishin humbur jetën afro tre mijë persona, në mesin e tyre 343 zjarrfikës dhe 60 policë, ndërsa viktimat e tjera ishin civil të 70 kombësive të ndryshme nga e gjithë bota.

Me këtë rast, edhe Komuna e Malishevës, solidarizohet me popullin amerikan dhe familjet e të gjitha viktimave në “Kullat Binjake”. /PrizrenPress.com/

Policia e Kosovës ka arrestuar sot Mentor Veliun, i cili kohë më parë ishte intervistuar për rastin e vrasjes së Elvis Pistës.

Mësohet se ai është arrestuar afër zyrave të KEDS-it në Rahovec.

Prokurorja e çështjes në Prokurorinë Themelore të Gjakovës Shpresa Bakia i tha Radio Kosovës se Veliu është arrestuar si i dyshuar për veprën penale mashtrim, marrje ryshfeti dhe detyrim.

Ndryshe, Veliu pati deklaruar se ai ishte mik i mirë me të ndjerin Pista dhe se nuk ka të bëjë aspak me vrasjen e tij.

Presidentja Kosovës, Atifete Jahjaga ka thënë se duhet krijuar sa më shpejtë institucionet e vendit, duke respektuar Kushtetutën dhe Ligjet e Kosovës.

Ajo tha se krijimi i shpejtë i institucioneve do të garantojë funksionimin demokratik të shtetit dhe do të tregojë aftësinë për të menaxhuar krizat dhe gatishmërinë për të gjetur vet zgjidhjen.

Jahjaga tha se garantimi i funksionimit demokratik të institucioneve nuk nënkupton imponimin e zgjidhjeve nga një institucion tjetër e as më pak ndërhyrje për të instaluar praktika jo kushtetuese në vendin tonë.

Sipas saj, zgjidhja duhet të gjenden në mesin e atyre që kanë marrë votën e popullit dhe që kanë përgjegjësi ndaj votuesve të tyre.

Këto porosi Jahjaga i bëri në takimin e Këshillit Konsultativ të Komuniteteve.

Së paku tre aktivistë janë pretendentë për marrjen e postit mbetur bosh të kryetarit të Degës së LDK-së në Prizren, parti kjo më e madhja në opozitë. Dy mjekë, Hatim Baxhaku dhe Haxhi Avdyli, dhe njëri nga aktivistët e vjetër, Ridvan Hoxha, tashmë dihet se do të garojnë për të parin e Degës.

Kryesia e Lidhjes Demokratike të Kosovës, ditë më parë mori vendim për mbajtjen e zgjedhjeve për kryetar dhe për organe tjera të Degës së LDK-së në Prizren. Parashihet që në javën e parë të tetorit, diku kah 5 tetorit të mbahet Kuvendi i Degës, në cilën do të zgjidhet kryetari i ri, që do ta zëvendësojë Eqrem Kryeziun, që dha dorëheqje në qershor, pasi nuk mundi ta sigurojë mandatin as për deputet.

Garën për kryetar të Degës tashmë zyrtarisht e ka shpallur kirurgu, Hatim Baxhaku, i cili në zgjedhjet qendrore, në qershor mori besimin për deputet.

Postin e shefit të Degës e synon edhe Ridvan Hoxha, njëri nga drejtuesit e vjetër të Degës, që gjatë qeverisjes shtatëvjeçare të këtij subjekti, duke qenë bashkëpunëtor i afërt i kryetarit të komunës, Eqrem Kryeziut, ka mbajtur disa funksione, për numrin e të cilave, madje, është kritikuar edhe nga vetë zyrtarët e Degës.

“Kandidimin zyrtar do ta bëj në Kuvendin e Degës, pasi shoh një disponim tek anëtarësia”, thotë ai.

I pyetur nëse frikësohet nga pretendentët e tjerë, Hoxha tha se garës i hyn për të fituar. “Hapi im është në përfundim e sipër të një oferte politike për elektoratin”, ka thënë ai për “Zërin”.

Ndër kandidatët seriozë për kryetar Dege llogaritet edhe neurokirurgu, Haxhi Avdyli, që më tepër njihet për aktivitet në qendër, duke qenë pjesë e Grupit të ekspertëve për shëndetësi të LDK-së.

Avdyli ka konfirmuar për “Zërin” se zyrtarisht kandidaturën do ta shpallë në Kuvend, pasi ka vlerësuar dëshirën e delegatëve për një fytyre të re dhe jo pjesë të klaneve dhe të përçarjeve të mëhershme.

Rreth sfidave të mundshme nga rivalët, ai vlerësoi se të gjithë pretendentët janë personalitete të respektuara. “Kam një përkrahje të gjerë të Nëndegëve. Shpresojmë për një garë fer dhe korrekte dhe pranim të rezultateve dhe bashkëpunim pas mbylljes së zgjedhjeve”, ka thënë ai.

(E plotësuar) Kryesuesja e Kuvendit të Kosovës, Flora Brovina, ka kërkuar takim me përfaqësuesit e partive politike për në ora 15.30.

Zyrtarë të PDK’së kanë thënë se ende s’ka vendim rreth shtyrjes eventuale të vazhdimit të seancës konstituive.

Ndërkohë, burime të Express kanë thënë se kërkesën për shtyrje të seancës e kanë bërë përfaqësuesit e minoriteteve me arsyetimin se nuk janë njoftuar se çka do të ndodh në seancë.

Megjithëkëtë, nëse shtyhet seanca konstituive, atëherë, kjo po bëhet pasi PDK nuk i ka numrat për të votuar Kryeparlamentarin, derisa, partitë tjera kanë paralajmëruar se do ta votojnë Isa Mustafën për Kryetar të Parlamentit.

Një procedurë e tillë e ndjekur në seancën e parë ishte cilësuar si jokushtetuese.

Aktualisht, në Kuvendin e Kosovës është duke u mbajtur mbledhja e Grupit Parlamentar të PDK’së. Edhe partitë e Bllokut, po ashtu, janë duke mbajtur takim rreth hapave që do të ndërmerren nesër në seancën konstituive.

Shtyhet seanca konstituive e Kuvendit?

Disa burime bëjnë me dije se vazhdimi i seancës konstituive të Kuvendit të Kosovës, e paralajmëruar për nesër, ka mundësi që të shtyhet për një ditë tjetër.

Kryesuesja e seancës, Flora Brovina, e kontaktuar para pak minutash nga portali Koha.net, interesimit për saktësinë e këtij informacioni iu përgjigj se ende nuk është vendosur një gjë e tillë.

“Ende nuk është vendosur asgjë. Jemi në mbledhje”, ka thënë Brovina, që nuk ka dashur të flasë më gjatë.

Dega e PDK-së në Malishevë, në mbledhjen e mbajtur sot, drejtuar nga kryetari Isni Kilaj, mbështet fuqishëm dhe kërkon nga qendra e saj në Prishtinë që të formoj institucionet e vendit në pajtim edhe me vendimin e Gjykatës Kushtetuese të Kosovës në mënyrë që të implemetoj MISIONIN E RI pasi që një besim të tillë e ka marrë në mënyrë plebishitare nga qytetarët e Kosovës.

“Në këtë drejtim, Partia Demokratike – Dega në Malishevë mbështet fuqishëm kryetarin e saj dhe kryeministrin z. Hashim Thaqin në ç’do veprim që do ta merr ai rreth themelimit te institucioneve të Republikës së Kosovës”, thuhet në kumtesë.

“Dega e PDK-së kërkon që ky implementim i vullnetit të votuesve të saj të bëhet edhe për arsyen se vendi nuk mund të lejoj që të udhëhiqet nga një personalitet, partia e të cilit nuk ka fituar më shumë se 9 përqind të votave që do të ishte praktikë e keqe edhe për të ardhmën dhe lëndim i demokracisë”. /PrizrenPress.com/

(E plotësuar) Petrit Veliu, vëlla i Mentor Veliut të arrestuar në një prononcim për Express tha se i vëllai i tij është arrestuar për një borxh prej 24 mijë eurosh.

“Ky borxh i përket Masar Shehut, biznesmen nga kjo anë”, tha ai duke sqaruar se biznesmeni Shehu i ka pas një borxh të nderit Elvis Pista, e që sipas tij, vetë Pista ia ka lënë ‘amanet’ Mentor Veliut që t’ia nxjerr këtë borxh biznesmenit Shehu.

Megjithëkëtë, vëllai i Mentor Veliut këmbëngul që ai nuk është arrestuar në lidhje me vrasjen e Elvis Pistës.

Policia: Mentor Veliu nuk ka të bëjë me rastin Pista

Policia e Kosovë thotë se Mentor Veliu nuk u arrestua për rastin e Elvis Pistës.

Zyrtari për informim në Policin e Kosovës, Brahim Sadriu e ka mohuar se Mentor Veliu është arrestuar lidhur me rastin e vrasjes së Elvis Pistës.

Ai ka thënë për KosovaPress se arrestimi i Veliut nuk ka të bëjë me këtë rast, por sipas tij, ai është arrestuar për një rast tjetër.

Arrestohet Mentor Veliu, i dyshuar në rastin e vrasjes së Elvis Pistës

Para pak çastesh Njësia Speciale e Kosovës ka arrestuar Mentor Veliun, si të dyshuar të jetë përfshirë në rastin e vrasjes së Elvis Pistës kandidatit të ndjerë të PDK’së në zgjedhjet e fundit në Kosovë.

Thuhet se Veliu është arrestuar afër zyrave të KEDS në Prishtinë.

Avokati i familjes Pista, Arianit Koci ka thënë për Express se nuk mund ta komentoi arrestimin, por tha se Policia është në rrugë të mirë për ta zbardhur rastin, por për shkak të hetimeve nuk mund të flas për detajet.

Shtetet e Bashkuara shënojnë sot përvjetorin e trembëdhjetë të sulmeve terroriste të 11 shtatorit, 2001. Me ketë rast kryeministri në largim i Kosovës, Hashim Thaçi, ka shkruar në profilin e tij në Facebook se Kosova me krenari vazhdon të jetë përkrah popullit amerikan dhe në një front të bashkuar kundër terrorizmit dhe ekstremizmin vrastar, që po vazhdon t’i cenojë vlerat e përbashkëta.

“Para trembëdhjetë vitesh, populli i Kosovës i tmerruar, si e tërë bota, u bë dëshmitar se si terroristët goditën Shtetet e Bashkuara më 11 shtator 2001, duke vrarë mijëra civilë të pafajshëm, në mesin e tyre edhe shqiptarë. Njerëzit në të gjithë Kosovën mbajtën zi për të vdekurit dhe ndan pikëllimin e tyre me popullin amerikan. Populli i Kosovës mbetet falënderues përjetësisht ndaj SHBA-ve për lirinë dhe pavarësinë që e gëzojmë ne sot. Prandaj ne me krenari vazhdojmë të jemi përkrah popullit amerikan dhe të vendosur të mbesim në një front të bashkuar kundër terrorizmit dhe ekstremizmin vrastar, që po vazhdon t’i cenojë vlerat e përbashkëta. Sot, sikurse edhe më 11 shtator 2001, ne të gjithë jemi amerikanë”, ka thënë Thaçi.